HOSEA 2:20 - BUKUIT NE TILIL

²⁰ Achobe atunin eng’ imanda: ak inai Jehovah.

Bukuit Ne Tilil

²⁰ Achobe atunin eng' imanda; ak inai Kamuktaindet ne Toroor.

BUKUIT NE TILIIL Sireet ne Dutero Kanon

²⁰ Achobe atunin eng' imanda; ak inai Kamuktaindet ne Toroor.

HOSEA 2:20 ပူးပေါင်းရင်းမြစ်များ

TAUNET 9:10

ak koboto kiy age tugul ne sobei ne mi kobotok, tarit, tany ak tiony age tugul ne mi kobotok eng’ ng’ony; eng’ tugul che mandoi eng’ melit, agot tiony age tugul ne bo ng’ony.

ISAIAH 2:4

Ak koruoksechin inendet bororiosiek, ak koger kong’ bik che chang’: ak kotany rotokwak bo chok koek mogomboik che bo tuga, ak kotany ng’otwekwak koek chepkesok: si ma kobargei bororiosiek, ama konetegei luget kogeny.

ISAIAH 62:4

Ma keguurenen kogeny Ne Kigimeto; ama keguure emeng’ung’ kogeny Karaita: ago kiguurenen Hepsi-ba, ak keguure emeng’ung’ Beula: amu baibaitunenen Jehovah, ak kitun emeng’ung’.

JEREMIA 24:7

Ak agochi ichek muguleldo ne naena, kole, a Jehovah: ak koek bikyuk, ak aegu Kamuktaindenywa: amu weekyinagei eng’ mugulelwekwak tugul.

JEREMIA 30:10

Ameiywei anyun, ee Jakobo otwogindennyu, mwaei Jehovah; ametoptoben, ee Israel: amu asorun eng’ ole loo, koboto iyoteng’ung’, komong’ eng’ emet ne kiga kiluulji; ak koweek Jakobo, ak kosis, ak komuuny, ama komi chi ne imui inendet.

JEREMIA 32:41

Ee, aboiboitune ichek ayachi ne mie, ak amin ichek eng’ emoni iman eng’ muguleldanyu komugul ak eng’ sobondanyu komugul.

JEREMIA 9:24

ago ingolosgei eng’ ng’olyondoni inendet ne ilosugei, kole, ingena ak konaa, kole, a Jehovah ne boisie chamnyet ne tala, kiruoget, ak imanda eng’ ng’ony: amu aboiboitune tuguchuto, mwaei Jehovah.

EZEKIEL 16:62

Ak agimit kayomisennyu koboten; si inai ile a Jehovah:

EZEKIEL 16:8

Ak kingabun ye imi, ageerin, keero, betusieguk ko ki bo betusiekab chamnyet; ak kiatugunen ngoriennyu ak atuch ach ngorieng’ung’: ee, kiayosieun, ak kigoyomisge ak inye, mwaei Kiptaiyat Jehovah, ak kiibunja.

EZEKIEL 34:25

Ak kiyomisge ak ichek eng’ kayomiset ne bo kalyet, ak agesu tiong’ik che yaach eng’ emet: ak komeny ong’atet eng’ chametab ge, ak koruiyo osnosiek.

EZEKIEL 34:27

Ak koi logoek ketitab mbar, ak korur emet, ak kotebe chametab ge eng’ emenywa; ak konai kole a Jehovah, ye tun airi ketikab choginywa, ko kaasoru ichek komong’ eng’ eutab bik che kiyai ichek koek otwogikwak.

EZEKIEL 38:23

Ak atororge, ak atabange, ak abartege eng’ taitab bororiosiek che chang’; si konai ichek kole a Jehovah.

HOSEA 13:4

Ago, a Jehovah Kamuktaindeng’ung’ koboch emetab Misri: amecheng’jige cheptalelit ne ter, kobatena anege, ama mi yetindet age kobatena.

HOSEA 2:19

Ak achob ale atunin koigeny; ee, achobe atunin eng’ imanda, ak eng’ kiruoget, ak eng’ chamnyet ne tala, ak eng’ rirenosiek.

HOSEA 6:6

Amu amache rirenetab ge, mamache tiseiywot; ak amache naet konai Kamuktaindet kosiir kagochinoik che kibeelei.

ATEPTAP LAWIK 26:5

Ak yamei kesutik che obore, agoi koit ruratetab ketikab logoek, ak itei ruratetab logoek kolset; ak oam amitwogikwok kot obiye, ak omeny emeng’wong’ eng’ kalyet.

ATEPTAP LAWIK 26:6

Ak agonu kalyet eng’ emet, ak oruiye, ama biitu ne imuok; ak abeet tiong’ik eng’ emeng’wong’, ama bunei emeng’wong’ rotwetab chok.

MIKAH 4:3

Ak koruoksechin bororiosiek che chang’, ak koger kong’ bororiosiek che kimen che mi ole loo; ak kotany rotokwak bo chok koek mogomboik che bo tuga, ak kotany ng’otwekwak koek chepkesok: si ma kobaregei bororiosiek, ama konetegei luget kogeny.

SEKARIA 9:10

Ak ang’em karitab luget eng’ Epraim, koboto mbartanyit eng’ Jerusalem, ak kiges kwangetab boriet; ak komwachi bororiosiek kalyet: ak iboch bounatennyi nyanjet age agoi nyanjet age, ak koboch Ainet agoi tabanwekab ng’ony.

MATAYO 11:27

Kigogona tuguk tugul Baba: ama mi ne ingen Werit, kobate Kwanda; ama mi ne ingen Kwanda kobate Werit, ak chi age tugul ne chamei Werit kong’ang’jin.

LUKA 10:22

Kigogona tuguk tugul Baba: ak mami chi ne ingen Werit kole ng’o, kobate Kwanda; ama nai chi Kwanda kole ng’o, kobate Werit, ak chi age tugul ne chamei Werit, kong’ang’jin.

JOHANA 17:3

Ak ni sobondab koigeny, ale konain Jehovah ne inyendet inyege ne bo iman, ak Jesu Kristo, ne kiiyogu.

JOHANA 8:55

ak tom onai inendet: ago angen inendet; ak ngot amwa ale, mangen inendet, aegu kiplembechwa, ko u okwek: ago angen inendet, ak aribe ng’olyondennyi.

2 KORINTOEK 4:6

Amu Jehovah ne kimwa kole, Tun iluu lapkeiyet kobunu mesundeito, inendet ne kiiluuchi mugulelwekyok, si kogon lapkeiyet ne bo naetab torornatetab Jehovah eng’ togetab Jesu Kristo.

PILIPIK 3:8

Ee iman, ak aiiti tuguk tugul koek tugun che kigobetyo amu telunatet ne bo naetab Kristo Jesu, Kiptaiyandennyu: kigobetwa tuguk tugul amu inendet, ak aiiti ale busagariek, si kobiit anyor Kristo,

KOLOSAIK 1:10

si obendate ko u ye nyolu eng’ Kiptaiyat, oboiboi inendet, oitosi logoek eng’ boisiet age tugul ne mie, ak otesage eng’ naetab Jehovah;

2 TIMOTEO 1:12

Anyoru anyun nyalilwogichu agichek agobo noto: ago malilani; amu angen inendet ne kiayan, ak ayani komie ale imuchi korib noto ne kiagochi inendet agoi betunoto.

HEBRANIK 8:11

Amu koneti chi tugul chitab kokwennyi, Anan konet chi age tugul ne tupcho, kolenji, Ni Kiptaiyat: Amu tun naa tugul Koboch ne ming’in eng’ ichek kot koit ne o.

1 JOHANA 4:6

Ki bo Jehovah achek: inendet ne ingen Jehovah kogasech; inendet ne ma bo Jehovah ko magasech. Kingen eng’ nito tamirmirietab imanit, ak tamirmirietab kenisiet.

1 JOHANA 5:20

Ak kingen kele kigonyo Weritab Jehovah, ak kigogonech kaguiyet, si kobiit kenai inendet ne bo iman, ak kemi eng’ inendet ne bo iman, eng’ Werinnyi Jesu Kristo. Nito ko Jehovah ne bo iman, ak sobondab koigeny.