HOSEA 2:10 - BUKUIT NE TILIL

¹⁰ Ak ang’anye tewernatennyi eng’ taitab chamanikyik, ama biitu chi ne soru inendet eng’ eunnyu.

Bukuit Ne Tilil

¹⁰ Ang'aanye teweernatennyi eng' taitap chamanikyik, ama piitu chii ne saru ineendet eng' eunnyu.

BUKUIT NE TILIIL Sireet ne Dutero Kanon

¹⁰ Ang'aanye teweernatennyi eng' taitap chamanikyik, ama piitu chii ne saru ineendet eng' eunnyu.

HOSEA 2:10 ပူးပေါင်းရင်းမြစ်များ

2 ATEPTAP PEETUUSYEK 24:7

Amu kigobut gotab Kamuktaindet werikab Atalia, kwonyoto sogoran: ak kigogochi Baalik tuguk tugul che kiga kitabanji gotab Jehovah.

TIENWOGIKAL 50:22

Ara anyun obwat chuto, okwek che outie Kamuktaindet, Si matonak, ama biitu chi ne soruok:

KALEWANAIK 11:21

Magimetoi iman chito ne ya ama kibir: Ago kisoru iyotetab che bo iman.

ISAIAH 3:17

bire anyun Kiptaiyat tibikab Sion bokbogenetab metowekwak, ak kong’anyei Jehovah ichek koba ach ngor.

JEREMIA 13:22

Ak ngot imwa eng’ muguleldang’ung’ ile, Amu nee anyun si kobwanja tuguchuto? Kageng’any ngoroiguk amu oindab tengektang’ung’, ak kagonyor kwariniguk ng’wanindo.

JEREMIA 13:26

Ang’anye anyun agane ngoroiguk kot koit metit, ak kotook tewernateng’ung’.

EZEKIEL 16:16

Ak kiib ngoroiguk ak iyachige komoswek che tororen che kiilelesane saleiywek che terotin, ak iyae choto kugoinatet: ma kobiitu tuguk che u choto, ama ko yaoksei ko u noto.

EZEKIEL 16:19

Kiinde tainywa kogeny amitwogikyuk che kiagonin, busiek che tambulbul, ak mwanik, ak kumik, che kiabaenen, kiinde tainywa koek nyamdutiet, ak kitebi ko u noto; mwaei Kiptaiyat Jehovah.

EZEKIEL 23:29

ak kogerin kong’ eng’ wechet, ak korebenen boisieng’ung’ tugul, ak kobagachin itebe buch ach ngor: ak keng’anyin itebi buch eng’ kugoinatosieguk, yaitieng’ung’ koboto kugoinatosieguk.

HOSEA 10:1

Israel ko ketitab sabibuk ne tuneni kot, ne yiei logoekyik: kigotes inendet kapkorosusiekyik ko u ole te chang’indab logoekyik; kigoyai ichek tolochik che kororon ko u ole te kororonindab emennyi.

HOSEA 13:1

Ye kingong’alal Epraim, kobiit botanet; kiitororgei eng’ Israel: ago kime ye kiingelel eng’ Baal.

HOSEA 2:3

si mareegune ngoroikyik, ak achuunde kotebi ach ngor, ko u betut ne kigisichei, ak ayai inendet koek ong’atet, ak agochi inendet koigei emet ne yaamat, ak abare melelda:

HOSEA 6:9

Ko u ye sapchin lugosiekab rebik chi, ko u noto kweanetab tisiik, barisioti eng’ oret ne tokyingei Sekem; ee, kigoyai yaitiet.

MIKAH 5:8

Ak kotebe bik che king’et che bo Jakobo kwenutab bororiosiek, kwenutab bororiosiek che chang’, ko u ye mi ng’etundo kwenutab tiong’ik che bo osnet, ko u ng’etundo ne neran eng’ kwenutab akwotisiekab kechirek: ne ye bunei kwen kotiegoti ak kotonatoni, ama mi chi ne soru.

1 KORINTOEK 4:5

Noto anyun amat oruokyi kiy kotom koit betut, agoi konyo Kiptaiyat, ne tun ng’anyei tuguk che ung’otin che bo mesundeito, ak kobarta kabwatutik che bo mugulelwek; si konyor chi age tugul anyun kalosunennyi eng’ Jehovah.