HOSEA 14:2 - BUKUIT NE TILIL

² Ib ng’alek, ak iweekyige Jehovah: ilenji inendet: Iste tengekwogik tugul, ak itaach che miach: kigoitoi anyun kagochinetab kutuswekyok ne kata kigoitoi kirugik.

Bukuit Ne Tilil

² Ip ng'aleek, ak iweekyigei Kamuktaindet ne Toroor: ileenji ineendet: Iste tengekwogik tugul, ak itaach che myach: kigoitoi anyun kagoochinetap kutusweekyok ne kata kigoitoi kiruugik.

BUKUIT NE TILIIL Sireet ne Dutero Kanon

² Ip ng'aleek, ak iweekyigei Kamuktaindet ne Toroor: ileenji ineendet: Iste tengekwogik tugul, ak itaach che myach: kigoitoi anyun kagoochinetap kutusweekyok ne kata kigoitoi kiruugik.

HOSEA 14:2 ပူးပေါင်းရင်းမြစ်များ

2 SAMUEL 12:13

Ak kilenji Daudi Natan, Koyachi Jehovah tengekto. Ak kilenji Natan Daudi, Kagoisto Jehovah agine tengektang’ung’; memee.

2 SAMUEL 24:10

Ak kitoor Daudi muguleldanyi ye kingo kagoiit bik. Ak kilenji Daudi Jehovah, Kiayai tengekto ne o eng’ kioto koayai: ago asomin ale, iste anyun, ee Jehovah, tengektab otwogindeng’ung’; amu kiayai eng’ berberindo ne o.

Kitabuutap JOB 7:21

Ak amu nee si menyoiywa kaat bistoennyu, ak iiste tengektanyu? Amu arue eng’ temburiek: Ak icheng’a eng’ kagiiletab ge, ago ma ami.

TIENWOGIKAL 119:108

Asain ale taach konunoikab kutinnyu, ee Jehovah, Ak ineta kiruogutiguk.

TIENWOGIKAL 50:14

Igochi Kamuktaindet korosiotab kongoi; Ak yaakyi Inendet ne Toror Mising’ arorutiguk:

TIENWOGIKAL 51:16

Amu mebaibaitune tiseiywot; ta kagonin: Mebaibaitune kogochinoik che kibeelei.

TIENWOGIKAL 51:17

Korosekab Kamuktaindet ko tamirmiriet ne kigoil: Ee Kamuktaindet, mesase muguleldo ne kigoil ak kotinyei sigunet.

ISAIAH 44:22

Kiaiste bistaosieguk, ko u boldet ne o, ak kiaiste tengekwogiguk, ko u boldet: weekyage; amu kiatiachin.

ISAIAH 6:7

Ak kitwae kutinnyu, ak kole, Keero, kagotwa kuting’ung’ nito; ak kageisto ng’ogistang’ung’, ak kagiundo tengektang’ung’.

JEREMIA 3:12

Ui mwachi ng’alechu komostab murot ne bo katam, ilenji, Weege, inye Israel ne kiiweekyige let, mwaei Jehovah; ma ageerok eng’ neregek: amu atinye rirenet, mwaei Jehovah, manerechi agoi.

HOSEA 12:7

Chemung’araindet inendet, mi eunnyi tuguk che kirogendoisie che bo ng’alset: chamei kosastais.

HOSEA 5:5

Ak baoriani menotetab Israel eng’ tainnyi: ibutos anyun Israel ak Epraim eng’ tengektanywa; ibuti Juda agine koboto ichek.

HOSEA 6:6

Amu amache rirenetab ge, mamache tiseiywot; ak amache naet konai Kamuktaindet kosiir kagochinoik che kibeelei.

JOEL 2:17

Ingoririo tisiik, kiboitinikab Jehovah, eng’ kwenutab keterut ak kaptisisiet, ak ingomwa kole, Ee Jehovah, rire biguk, amegochi boroteng’ung’ kechot, kot koboi bororiosiek ichek: amu nee anyun si komwa bororiosiek kole, Mi ano Kamuktaindenywa?

JONAH 2:9

Ago aeng’un tiseiywot ne amwae kongoi; Ayaagun che kiaarorun. Bo Jehovah yetunet.

SEKARIA 3:4

Ak kiwol inendet kolenji ichek che kitonone tainnyi, Oreegune inendet ngoroikyik che muruonen. Ak kimwachi inendet kolenji, Keero, kaistoenen tengektang’ung’, ak alaagun ngoroik che kororon.

MATAYO 7:11

Ngot ongen okwek anyun, che o yaach, ogochi lagokwok kagochinoik che miach, ko tos siirei mising’ ne tia Kwandang’wong’ ne mi kipsengwet, tos maigochin che somei inendet tuguk che miach?

LUKA 11:13

Ngongen okwek che o yaach ogochi lagokwok tuguk che miach, siirei anyun ne tia kagoitoet ne igochin Kwandang’wong’ ne mi kipsengwet Tamirmiriet ne Tilil ichek che somei inendet!

LUKA 18:13

Ago kitonon taagindetab aisurut eng’ ye loo, ak ma cham agot konyal kipsengwet, ago kiluch tegennyi, kole, Jehovah, rirena, a kiptengekyo.

JOHANA 1:29

Eng’ betut ne bo aeng’ kogeer Johana Jesu konyonjin, ak kole, Ogeero, Aruet ne bo Jehovah, ne ibei tengektab ng’ony!

ROMANIK 11:27

Ak ni arorutiennyu eng’ ichek, Ye tun aiste tengekwogikwak.

2 TIMOTEO 1:9

ne kisoruech ak koguurech eng’ kuurset ne tilil, ma ko u boisionikyok, ago ko u magennyi ak mieindanyi, ne kigigonech eng’ Kristo Jesu koboch kenyisiekab koigeny,

TITO 2:14

ne kiigoitogei agobo achek, si kobiit kotiachech eng’ tengekto tugul, ak kotililjigei bik koek chechik, che lewenotin, che igiilegei eng’ boisionik che miach.

HEBRANIK 10:4

Amu maimugaksei eng’ korotikab kirugik ak kwesik konem tengekwogik.

HEBRANIK 13:15

Noto anyun ongigochi Jehovah eng’ inendet korosiotab kalosunet kotugul, noto ko logoiyatab kutuswek che ng’anyei kainennyi.

1 PETERO 2:5

ak okwek, che o koik che soptos, kiteechok oegu gotab tamirmiriet, oegu che boisiei eng’ tiseinatet ne tilil, si ogoite korosekab tamirmiriet, che taachaksei eng’ Jehovah eng’ Jesu Kristo.

1 PETERO 2:9

Ago okwek ko o bororiet ne kigelewen, o che boisiei eng’ tiseinatet ne bo kaplaitoriat, bororiet ne tilil, bik che bunjin Jehovah, si kobiit obarte telunatosiek che bo inendet ne kiguurok omong’une mesundeito omong’ji lapkeiyennyi ne kikweng’e.

1 JOHANA 1:7

ago ngot kebendote lapkeiyet, ko u ye mi inendet eng’ lapkeiyet, keting’ege yamdaet, ak kotililech korotikab Jesu Werinnyi eng’ tengekwogikyok tugul.

1 JOHANA 3:5

Ak ongen ole kiging’any inendet si kobiit koib tengekwogik; ama mi tengek eng’ inendet.