HOSEA 13:9 - BUKUIT NE TILIL

⁹ Ng’emisieng’ung’ nito, ee Israel, amu igirindaa, igirindoi toretindeng’ung’.

Bukuit Ne Tilil

⁹ Ng'emisyeng'ung' niito, ee Israel, amu igirindaa, igirindoi toretindeng'ung'.

BUKUIT NE TILIIL Sireet ne Dutero Kanon

⁹ Ng'emisyeng'ung' niito, ee Israel, amu igirindaa, igirindoi toretindeng'ung'.

HOSEA 13:9 ပူးပေါင်းရင်းမြစ်များ

2 ATEPTAP PEETUUSYEK 28:23

Amu kieng’ji tiseiywek cheptalelisiekab Damasko, che kibar inendet; ak kile, Amu toreti cheptalelisiekab laitorinikab Suria ichek, aeng’jini anyun agane ichek, si kobiit kotoreta. Ago kiek choto che king’em inendet ak Israel tugul.

TIENWOGIKAL 146:5

Baibai inendet ne tinyei Kamuktaindetab Jakobo ne toretennyi, Ne mi kamuung’ennyi Jehovah Kamuktaindennyi:

TIENWOGIKAL 33:20

Kigogen sobonwekyok Jehovah: Inendet toretindennyo ak long’ennyo.

TIENWOGIKAL 46:1

Kamuktaindet ole kemwechini, ak kimnatennyo, Toretindet ne negit ye mi nyalilda.

KALEWANAIK 6:32

Matinyei naet chito ne ibegei ak kwony; Inendet ne yaei noto kong’emei sobondanyi.

KALEWANAIK 8:36

Ago inendet ne chalwogenjina ko kang’em sobondanyi: Chamei meet tugul che wecha.

ISAIAH 3:11

Bwa eng’ kiptengekyot! Yaitu eng’ inendet; amu kigochin melektab boisionikab eunekyik.

ISAIAH 3:9

Baorianjin ichek togochikwak; ak komwaitoi tengekwogikwak ko u Sodom, maunyei. Bwa eng’ sobonwekwak! Amu kagoyaakyigei yaitiet.

JEREMIA 2:17

Tos kima icheng’jige nito, amu kiimete Jehovah Kamuktaindeng’ung’, ye kiimutin eng’ oret?

JEREMIA 2:19

Itigonin yaitieng’ung’: ak kogerin kong’ mastaeng’ung’; nai anyun ile kit ne ya ak ko ng’wan, amu kiimete Jehovah Kamuktaindeng’ung’, ametinye kaiyweisiet ne iywea, mwaei Kiptaiyat, Jehovah ne bo lugosiek.

JEREMIA 4:18

Kagoibun oreng’ung’ ak boisioniguk tuguchuto; nito ko yaitieng’ung’; amu ng’wan, amu itei muguleldang’ung’.

JEREMIA 5:25

Kigowal tengekwogikwok tuguchuto, ak kigoetenak tengekwogikwok mieindo.

HOSEA 13:4

Ago, a Jehovah Kamuktaindeng’ung’ koboch emetab Misri: amecheng’jige cheptalelit ne ter, kobatena anege, ama mi yetindet age kobatena.

HOSEA 14:1

Ee Israel, weekyige Jehovah Kamuktaindeng’ung’; amu kiibut eng’ tengektang’ung’.

HOSEA 7:14

Ama rirja eng’ mugulelwekwak, ago iteitos eng’ itogusiekwak: iyumegei agobo bek ak divaik; ingeleljina.

HOSEA 7:15

Agot nganda kianet ichek ak agimit eunekwak, kochobei yaitiet agobo ane.

MALAKI 1:12

Ago ong’waniti amu omwae ole, Muruon mesetab Jehovah, ak ko sasotin logoekyik, agot amitwogikyik.

MALAKI 1:13

Omwae kogeny ole, Ogeero, kaiimetab ge ne tia! Ak ogututae serunek, mwaei Jehovah ne bo lugosiek; ak kioibu che kigoam tiondo ak che ing’waldos, ak che miandos; oibu kagochinet ko u noto: tos ataach nito ne bunu eunekwok? Mwaei Jehovah.

MALAKI 1:9

Asomok anyun ale, osom chametab Kamuktaindet, si kobiit korirenech: bunwok nito: tos taach age eng’ okwek ye keer? Mwaei Jehovah ne bo lugosiek.

NG'ATUTIK 33:26

Ee, Jesurun, mami ne u Kamuktaindet, Ne lanyei kipsengwetisiek si kotoretin, Ak lanyei barak eng’ telunatennyi.

NG'ATUTIK 33:29

Ee Israel, igasige: O kerge ak ng’o, bororiet ne kisor Jehovah, Long’et ne toretin, Ak ko rotweng’ung’ bo chok, ne bo telunateng’ung’! Ak koyaigei buniguk koigei che kase it; Ak itiech oldinwekwak che sutotin.