HOSEA 13:2 - BUKUIT NE TILIL

² Ak yaei nguno ichek tengekto kosiir, ak koyachinegei fedaisiekwak kanamonik che kitanyi, kiyai kanamonik ko u naenywa, bo choto tugul boisietab kitang’ik: mwaei agobo tuguchoto kole, Ingong’utut moek bik che eng’sei.

Bukuit Ne Tilil

² Ak yaei nguno icheek tengekto kosiir, ak koyachinegei fedhaisyekwak kanamonik che kitanyi, ki yai kanamonik ko uu naennywa, po chooto tugul poisyetap kitang'ik: mwaei agobo tuguuchooto kole, ingong'utut moek piik che eng'sei.

BUKUIT NE TILIIL Sireet ne Dutero Kanon

² Ak yaei nguno icheek tengekto kosiir, ak koyachinegei fedhaisyekwak kanamonik che kitanyi, ki yai kanamonik ko uu naennywa, po chooto tugul poisyetap kitang'ik: mwaei agobo tuguuchooto kole, ingong'utut moek piik che eng'sei.

HOSEA 13:2 ပူးပေါင်းရင်းမြစ်များ

1 LAITORINIK 19:18

Ago atuukyinige elfusiek tisab eng’ Israel, kutung’oik tugul che tomo kogutung’ji Baal, ak kutit age tugul ne tomo kong’utut inendet.

2 ATEPTAP PEETUUSYEK 28:13

ak kolenji ichek, Momuchi omutu luulenik kobwa olito: amu omache oyai kit ne ibwech kachiliilutiet eng’ Jehovah, si kobiit otes tengekwogikyok ak kachiliilutik: amu eechen kachiliilutikyok, ak mitei neregek che ng’wonen agobo Israel.

2 ATEPTAP PEETUUSYEK 33:23

Ak kima iming’ingei eng’ taitab Jehovah ko u ye kiiming’ingei kwandanyi Manase; ago kites Amon koyai chalwokto mising’ kosiir.

TIENWOGIKAL 2:12

Oming’inityige werit si manerech, ak olusye eng’ oret, Amu negit kolalyo neregekyik. Iberurotin ichek tugul che imang’u inendet.

ISAIAH 1:5

Amu nee si kota kebirok, kot obistoe mising’ kosiir? Miani metit komugul, kigotanui muguleldo komugul.

ISAIAH 30:1

Bwa eng’ lagok che ngelel, mwaei Jehovah, che tilei ng’alek, ama eng’ ane; ak che tuchegei, ama eng’ tamirmiriennyu, si kobiit kotes tengekto eng’ tengekto:

ISAIAH 44:11

Ogeero, ililandos choronokyik tugul; ak bo bik musogik: ingoyumgei tugul, ingotononso; iyweisiei, ilandos tugul.

ISAIAH 45:20

Oyumge obwa; origu tugul, okwek che kiochilile bororiosiek: matinyei naet ichek che ibei ketitab kanamwenywa ne kigiwai, ak kosaei cheptalelit ne maimuchi kosor.

ISAIAH 46:6

Ichek che rong’u tahabu eng’ lolet, ak kogere feda ratilit, kosirei kitang’indetab tahabu, ak koyae tuguchoto kanamwet; ibutyin ng’ony ichek, ee, kutung’jin.

ISAIAH 46:8

Obwat ni anyun, ak obartege ole o murenik: obwatyige kogeny, ee okwek bistoichu.

JEREMIA 10:4

Lelesonjine feda ak tahabu; igiige kipchumarisiek eng’ kiriswet, si matwagei.

JEREMIA 10:8

Ago u ichek tugul tiong’ik, ak ko abusotin: konetisiet ne kineti kanamonik ko u ye kineti ketik kityo.

JEREMIA 8:5

Amu nee anyun si kochuchuigei bichu bo Jerusalem eng’ kachuchuget ne bo agoi? Namei mising’ ng’alset, esioi koweek.

HOSEA 10:1

Israel ko ketitab sabibuk ne tuneni kot, ne yiei logoekyik: kigotes inendet kapkorosusiekyik ko u ole te chang’indab logoekyik; kigoyai ichek tolochik che kororon ko u ole te kororonindab emennyi.

HOSEA 10:5

Iyweisiei mising’ bik che menyei Samaria amu kanamonikab moekab Bet-aben: amu rirjin bikab emonoto oloto, koboto tisiikyik che kiboiboitune kanamwonoto bo moita amu torornatennyi ne kiga koistoegei.

HOSEA 11:2

Kingoguur ichek bichoto, kotes koistoegei: kieng’ji Baalik, ak kibeelji nyamdutik kanamonik che kigiwai.

HOSEA 11:6

Ak kobutyi rotwetab chok nganasokyik, ak koges temeleiywekyik, ak koam ichek, amu kiruogutikwak.

HOSEA 14:3

Masoruech Asur; magilanye mbartanyisiek: ama kelenjini kogeny boisionikab eunekyok, O cheptalelisiekyok: amu nyorunenen rirenet ichek che matinyei kwanisiek.

HOSEA 2:8

Amu ma nai kole ane ne kiagochini bek, ak divaik, ak mwanik, ak atesyi feda ak tahabu, che kiyae Baal.

HOSEA 4:17

Kigonamgei Epraim ak kanamonik; bagakte inegei.

HOSEA 8:4

Kigonde laitorinik, ago ma teebena; kigonde bounik, ama anai: kiyachigei kanamonik eng’ fedaisiekwak ak eng’ tahabusiekwak, si kobiit keisto.

HOSEA 8:5

Kigometo moitang’ung’, ee Samaria, kagolalyo neregekyuk agobo ichek: tianitu si koek bik che matinyei tengek?

HOSEA 8:6

Amu kibunu nito Israel; kiyaei musogindet, ama Kamuktaindet: ee, kitonatoni moitab Samaria.

KAITOSYEK 32:14

Ak ogeero, kong’eetye oyai ko u ye kiyai kwanisiekwok, oegu kiptengeginik che tesoksei, otes neregek che koromen che bo Jehovah eng’ Israel.

ROMANIK 11:4

Ago lenjin nee wolunetab Jehovah? Kaatukyige murenik elfusiek tisab, che ma kutung’ji Baal.

ROMANIK 2:5

Ago eng’ uuindang’ung’ ak muguleldang’ung’ ne matinyei sigunet, igonorjinige nereknatet kobunji betutab nereknatet ak ng’ang’utietab kiruoget ne bo imanda ne bo Jehovah;

2 TIMOTEO 3:13

Ago tesoksei kiptengeginik ak kenik eng’ yaitiet, koberberisiei ak kiberberi.

1 SAMUEL 10:1

Kiinem anyun Samuel chuboitab mwaita, ak korong’ji metinnyi mwaita, ak kong’utut inendet, ak kolenji, Ma inye ne kagoiilin Jehovah iegu bounindet ne bo borotennyi?