HOSEA 13:11 - BUKUIT NE TILIL

¹¹ Kiagonin laitoriat eng’ neregekyuk, ak kiaiste eng’ neregekyuk.

Bukuit Ne Tilil

¹¹ Ki agoonin laitoryat eng' nereegekyuk, ak ki aiste eng' nereegekyuk.

BUKUIT NE TILIIL Sireet ne Dutero Kanon

¹¹ Ki agoonin laitoryat eng' nereegekyuk, ak ki aiste eng' nereegekyuk.

HOSEA 13:11 ပူးပေါင်းရင်းမြစ်များ

1 SAMUEL 10:19

ago kaoesie ra Kamuktaindeng’wong’, ne inendet ne soruok eng’ bichiinwekwok ak nyalilwogikwok tugul; ak kaolenji inendet, Achicha, ago inde laitoriat koboiywech. Obwa anyun taitab Jehovah obwanune bororiosiekwok ak elfusiekwok.

HOSEA 10:3

Mwaei anyun ichek nguno kole, Magitinye laitoriat: amu magiywei Jehovah; ak imuchi laitoriat koyaiywech nee?

KALEWANAIK 28:2

Chang’aitu bounikab emet amu bistoennyi: Ago tebyei keny emonoto amu bik che tinyei kaguiye ak naet.

1 SAMUEL 16:1

Ak kimwachi Jehovah Samuel kolenji, Irirjini Saul agoi kotianit amu koaesie inendet si mata koek laitoriat eng’ Israel? Inde mwaita laleng’ung’ konyi, ak iwe, ayoktoin iwe oldab Jesii Betlehemindet: amu kaalewenjige laitoriat eng’ werikyik.

1 SAMUEL 12:13

Ogeer anyun laitoriat ne kiolewen, ne kiosom: ak ogeero, kagonde Jehovah laitoriat koboiywok.

HOSEA 10:7

Kiistoi laitoriatab Samaria, ko u ye kiistoi bugat eng’ beek.

1 SAMUEL 10:17

Ak kiguur Samuel bik koyumgei eng’ taitab Jehovah eng’ Mispa;

1 SAMUEL 15:26

Ak kimwachi Samuel Saul kolenji, Magiweeksei ak inye: amu koiesie ng’olyotab Jehovah, kagoesien Jehovah, maiegu laitoriat eng’ Israel.

HOSEA 3:4

Amu tebyei lagokab Israel betusiek che chang’ ama tinyei laitoriat, ama tinyei bounindet, ama tinyei tiseiywot, ama tinyei toloita, ama tinyei epod anan terapik:

HOSEA 8:4

Kigonde laitorinik, ago ma teebena; kigonde bounik, ama anai: kiyachigei kanamonik eng’ fedaisiekwak ak eng’ tahabusiekwak, si kobiit keisto.

1 SAMUEL 12:1

Ak kilenji Samuel Israel tugul, Ogeero, kiagas ng’alekwok eng’ tuguk tugul che kiomwawa, ak kiacheng’wok laitoriat ne boiywok.