HOSEA 13:10 - BUKUIT NE TILIL

¹⁰ Mi ano anyun laitoriandeng’ung’, si kobiit kosorun eng’ nganasoguk tugul? Ak mi ano kiruogiguk, che kiimwa ile, Kona laitoriat ak bounik?

Bukuit Ne Tilil

¹⁰ Mi ano anyun laitoryandeng'ung', si kobiit kosaruun eng' nganasoguk tugul? Ak mi ano kirwoogiguk, che ki imwa ile, Koono laitoryat ak pounik?

BUKUIT NE TILIIL Sireet ne Dutero Kanon

¹⁰ Mi ano anyun laitoryandeng'ung', si kobiit kosaruun eng' nganasoguk tugul? Ak mi ano kirwoogiguk, che ki imwa ile, Koono laitoryat ak pounik?

HOSEA 13:10 ပူးပေါင်းရင်းမြစ်များ

1 LAITORINIK 12:20

Ak kingogas Israel tugul kole kogoweek Jeroboam, koyokto keguur konyo tuiyet, ak koyai inendet koek laitoriat koboi Israel tugul: ama biit ne kiisub gotab Daudi, kobate oretab Juda kityo.

2 LAITORINIK 17:4

Ak kinai laitoriatab Asuria kole chaamsei Hosea; amu kiga koyokto bik koba oldab So laitoriatab Misri, ama igochi kagochinet laitoriatab Asuria, ko u ye kicham koyaei kenyit age tugul: eng’ noto anyun koger inendet laitoriatab Asuria, ak korat eng’ korgoret.

TIENWOGIKAL 10:16

Laitoriat Jehovah ne bo koigeny ak koigeny: Kigobetyo bororiosiek eng’ emennyi.

TIENWOGIKAL 149:2

Ingobaibait Israel eng’ yaindennyi: Ingogasgei lagokab Sion eng’ Laitoriandennywa.

TIENWOGIKAL 44:4

Ee Kamuktaindet, i Laitoriandennyu: Iyokyi Jakobo sorunet.

TIENWOGIKAL 74:12

Ago Kamuktaindet ko Laitoriandennyu koboch keny, Ne yaei yetunet eng’ kwenutab ng’ony.

TIENWOGIKAL 89:18

Amu bo Jehovah long’ennyo; Ak bo Inendet ne Tilil ne bo Israel laitoriandennyo.

ISAIAH 33:22

Amu Jehovah ko kiruogindennyo, Jehovah ko ne konech ng’atutik, Jehovah ko laitoriandennyo; inendet ne soruech.

ISAIAH 43:15

A Jehovah, neng’wong’ Ne Tilil, Yaindetab Israel, Laitoriandeng’wong’.

JEREMIA 2:28

Ago mi ano kanamonik che kiiyachige? Ingong’eetyo ichek, ngot komuchi kosorun eng’ betusiekab nyalildang’ung’: amu ko u ole te koitetab nganasoguk, ko u noto kanamoniguk, ee Juda.

JEREMIA 8:19

Ogaso, kutitab rirekab cheptab bikyuk eng’ emet ne loo mising’; tos mami Jehovah Sion? Tos mami Laitoriatab nganasanato oloto? Amu nee anyun si kotacha kot anerech eng’ kanamonikwak che kiwaei, ak tuguk che ter che bo buch?

RIREKAB JEREMIA 4:20

Kinamji keringonikwak kabusetab serunekyok, noto ko inendet ne iilat ne bo Jehovah; Ne kigimwae achek kelen, Kimenye kwenutab bororiosiek eng’ uruetab kebebaikyik.

HOSEA 10:3

Mwaei anyun ichek nguno kole, Magitinye laitoriat: amu magiywei Jehovah; ak imuchi laitoriat koyaiywech nee?

HOSEA 13:4

Ago, a Jehovah Kamuktaindeng’ung’ koboch emetab Misri: amecheng’jige cheptalelit ne ter, kobatena anege, ama mi yetindet age kobatena.

HOSEA 3:4

Amu tebyei lagokab Israel betusiek che chang’ ama tinyei laitoriat, ama tinyei bounindet, ama tinyei tiseiywot, ama tinyei toloita, ama tinyei epod anan terapik:

HOSEA 7:7

Beelei bich ichek tugul ko u kapkoima, ak koamei kiruogikwak; kigobutyo laitorinikwak tugul: mami eng’ ichek ne kuura.

HOSEA 8:4

Kigonde laitorinik, ago ma teebena; kigonde bounik, ama anai: kiyachigei kanamonik eng’ fedaisiekwak ak eng’ tahabusiekwak, si kobiit keisto.

SEKARIA 14:9

Ak koek Jehovah laitoriatab ng’ony komugul: egu agenge Jehovah eng’ betunoto, ak koek agenge kainennyi.

JOHANA 1:49

Kowolji Natanael kole, Rabbi, i Weritab Jehovah; i Laitoriatab Israel.

1 SAMUEL 8:7

Ak kilenji Jehovah Samuel, Kas ng’alekab bik agobo tuguk tugul che kamwaun: amu ma inye ne kaesio, ago kaesio ane, kole maegu laitoriat eng’ ichek.