HOSEA 11:9 - BUKUIT NE TILIL

⁹ Mayae koromnatetab neregekyuk, maweeksei ang’eme Epraim: amu a Kamuktaindet, ma a chi; Inendet ne Tilil ne mi kwenung’ung’: machute nganaset.

Bukuit Ne Tilil

⁹ Ma yae koroomnatetap nereegekyuk, ma weeksei ang'eme Ephraim: amu aa Kamuktaindet, ma aa chii; Ineendet ne Tiliil ne mi kwenung'ung': machute nganaseet.

BUKUIT NE TILIIL Sireet ne Dutero Kanon

⁹ Ma yae koroomnatetap nereegekyuk, ma weeksei ang'eme Ephraim: amu aa Kamuktaindet, ma aa chii; Ineendet ne Tiliil ne mi kwenung'ung': machute nganaseet.

HOSEA 11:9 ပူးပေါင်းရင်းမြစ်များ

2 SAMUEL 20:10

Ago ma keer Amasa rotwetab chok ne kitinyei Joab eng’ eunnyi: kotoor anyun moet eng’ rotwonoto, ak kitumda agutanikyik koba ng’ony, amata kotoor inendet kogeny; ak kime. Ak kiisub Joab ak Abisai ng’etab kamet, Sheba weritab Bikri.

TIENWOGIKAL 46:5

Mi Kamuktaindet kwenunnyi; ama kiistoi: Toreti Kamuktaindet inendet ko kaeech.

TIENWOGIKAL 78:38

Ago kinyochi kaat tengektanywa amu ki nyiitat inendet rirenetab ge, ak kima bar ichek: Ee, kiweekta neregekyik konyil che chang’, Ama ing’eet neregekyik tugul.

TIENWOGIKAL 85:4

Weekyeige, Kamuktaindetab yetunennyo. Ak ingosisyo neregeguk che tokyineigei.

ISAIAH 12:6

Owaach mising’ ak otiense, inye ne imenye Sion: amu o Inendet ne Tilil ne bo Israel eng’ kwenung’ung’.

ISAIAH 31:1

Bwa eng’ ichek che chorjingei Misri kocheng’ei toretet, ak kotiiegei mbartanyisiek; ak komang’u karisiek, amu chang’, ak komang’u bik che lanyei mbartanyisiek, amu kimen kot; ago mainyali Inendet ne Tilil ne bo Israel, ama cheng’ei Jehovah!

ISAIAH 41:14

Ameiyweisie, inye Jakobo, ne i kutiet, ak okwek bikab Israel; atoretin, mwaei Jehovah, ak katiagindeng’ung’ ko Inendet ne Tilil ne bo Israel.

ISAIAH 41:16

Iruri, si koib usonet, ak koyesta kipchurjuriet: ak ibaibaitu eng’ Jehovah, ilosunegei Inendet ne Tilil ne bo Israel.

ISAIAH 48:9

Agoitoi neregekyuk amu kainennyu, ak amuitoi agobo inye amu kalosunennyu, si magesun.

ISAIAH 5:24

Noto anyun, ko u ye beelei liblibenetab mat mobek, ak ko u ye igesu liblibenetab mat suswek che yaamnyotin, ko u noto kergeitu tigitikwak ak nunatet, ak kotogosta taptokwak ko u temburiek: amu kigoesio ng’atutikab Jehovah ne bo lugosiek, ak kosas ng’olyotab Inendet ne Tilil ne bo Israel.

JEREMIA 26:3

Abere imuchi kogas, ak koweek chi age tugul eng’ orennyi ne ya; si kobiit awal kabwatutikyuk eng’ yaitiet ne kiga achob ale ayachini ichek amu yaitietab boisionikwak.

JEREMIA 30:11

Amu ami koboten, mwaei Jehovah, si asorun; amu agesu bororiosiek tugul che kigayestochin, ago magesun inye; ago atigonenen kiruoget, amabagaktoin ama kibirin.

HOSEA 12:1

Baegei Epraim usonet, ak kosuboti usonetab kong’asis: tesei kotugul lembechek ak ng’emisiet; ak koyomisegei koboto Asuria, ak keib mwanik koba Misri.

HOSEA 14:4

Asoobi kachuchugeng’wong’ bo ge, achame ichek mising’: amu kogoistoegei inendet neregekyuk.

MALAKI 3:6

Amu mawalaksei ane Jehovah, magigeswok anyun, ee okwek werikab Jakobo.

KAITOSYEK 23:19

Ma chito Kamuktaindet, kot komwa lembech; Anan weritab chi, kot kosik: Tos kagomwa, ak mayaei? Anan kagomwa, ama yaei kosulda?

NG'ATUTIK 13:17

Amenam eng’ eung’ung’ kiy age tugul ne kigeisto: si koweek Jehovah kobagach neregekyik che koromen, ak korirenen, ak kochamin, ak kobarain, ko u ye kigoyosiechi kwanisieguk;

1 SAMUEL 26:8

Kolenji anyun Abisai Daudi, Kagonde Kamuktaindet eung’ung’ bunyondeng’ung’ rani: ara anyun, asomin ale chamwa atoor inendet eng’ ng’otit, atoore agenge, kosore ak matoore kogeny asakyini.