HOSEA 11:2 - BUKUIT NE TILIL

² Kingoguur ichek bichoto, kotes koistoegei: kieng’ji Baalik, ak kibeelji nyamdutik kanamonik che kigiwai.

Bukuit Ne Tilil

² Kinga testai aguur icheek, ko testai koistoenagei; ki eng'ji Baalik, ak kobeelji nyamdutik kanamonik che ki kiwai.

BUKUIT NE TILIIL Sireet ne Dutero Kanon

² Kinga testai aguur icheek, ko testai koistoenagei; ki eng'ji Baalik, ak kobeelji nyamdutik kanamonik che ki kiwai.

HOSEA 11:2 ပူးပေါင်းရင်းမြစ်များ

1 LAITORINIK 12:33

Ak kitogosta kwo kapkorosut ne kiga koyai eng’ Bet-el, eng’ betutab taman ak mut, eng’ arawetab sisiit, eng’ arawet ne kiga chob inegei eng’ muguleldanyi, ak king’at keyai: kiinde igorta ne bo lagokab Israel, ak kotogosta kwo kapkorosut, kobeel nyamdutik.

1 LAITORINIK 18:19

Iyokte anyun nguno kiyumwa Israel tugul kobwa tulwetab Karmel, koboto maotikab Baal bogol ang’wan ak konom, ak maotikab Asera bogol ang’wan, che amisie mesetab Jesebel.

NEEMIA 9:30

Ago kiimuitochi ichek eng’ kenyisiek che chang’, ak kiibaorianji ichek eng’ Tamirmirieng’ung’ eng’ maotiguk: ago ma cham kogas: kiinde anyun ichek eunekab bikab emotinwek.

ISAIAH 65:7

tengekwogikwok, koboto tengekwogikab kwanisiekwok, mwaei Jehovah, che kigobeel nyamdutik eng’ tulonok, ak kochuba eng’ tulonok che mengechen: ageerjini anyun boisionikwak che bo tai, andochini tegetikwak.

JEREMIA 18:15

Amu kigoutiena bikyuk, kigobeelji nyamdutik tuguk che matilei kiy; ak kigonach ichek eng’ ortinwekwak, eng’ ortinwek che bo keny, si kobunot ortinwek che mi taban, eng’ oret ne ma kiyai;

JEREMIA 35:13

Mwaei Jehovah ne bo lugosiek, Kamuktaindetab Israel, ko u ni kole: Ui ak imwachi bikab Juda ak bik che menyei Jerusalem, ilenji, Tos mochame otaach konetisiet oepchi it ng’alekyuk? Mwaei Jehovah.

JEREMIA 44:5

Ago ma kas, anan koeb it si kobiit koweek kometo yaitienywa, si mata kobeelji nyamdutik cheptalelisiek che ter.

HOSEA 11:7

Kagobegechi bikyuk kochuchuigei kometa: agot ngo kuurso ichek koguurji ichek inendet ne mi barak, ko mabiitu ne itorori inendet.

HOSEA 2:13

Ak aipchi inendet biret agobo betusiekab Baalik, che kobeeljin nyamdutik; ye kilelesanjinegei munaokyik koboto tugukyik che bo lelesta, ak kwo kosubot chamanikyik, ak koutiena, mwaei Jehovah.

HOSEA 4:13

Enyei tiseiywek eng’ tulonok barak, ak kobeelei nyamdutik eng’ tulonok, eng’ kelutab ketik, ak ketik alak che u siliboik, ak ketik alak che ter, amu mie uruenywa: yaei anyun tibikwok kugoinatet, ak koyai murerenikwok ibetab ge.

HOSEA 4:17

Kigonamgei Epraim ak kanamonik; bagakte inegei.

SEKARIA 1:4

Amoige kwanisiekwok, che kiga ititenji maotik che bo tai, kolenji, Mwaei Jehovah ne bo lugosiek ko u ni kole, Oweege anyun nguno omete ortinwekwok che yaach, ak boisionikwok che yaach: ago kima kas ichek, anan koepcha it, mwaei Jehovah.

SEKARIA 7:11

Ago kiesio kogas it, ak kililich tigigoikwak, ak kotim itikwak, si magas.

LUKA 13:34

Ee, Jerusalem, Jerusalem, inye ne ibare maotik, ak ilage koik che kiyogun! Kiamach konyil ata ayum lagoguk, ko u ngogiet ne iyumjin arekyik kebebaikyik, ago kima ocham!

JOHANA 3:19

Ak ni kiruoget, amu kinyonji ng’ony lapkeiyet, ak kicham bik mesundeito kosiir lapkeiyet; amu ki yaach boisionikwak.

POISYONIGAP CHE KIYOKTOI 7:51

Okwek che uui kaat che ma kimuratan mugulelwek ak itik, ogirindoi Tamirmiriet ne Tilil kotugul: ko u ye kiyaei kwanisiekwok, oyae ak okwek ko u noto.

KIRUOGIK 10:6

Ak kiyai lagokab Israel yaitiet kogeny eng’ taitab Jehovah, ak kiot Baalik, ak Astarot, ak kanamonikab Suria, ak kanamonikab Sidon, ak kanamonikab Moab, ak kanamonikab lagokab Amon, ak kanamonikab Pilistik; ak kimeto Jehovah, mata koot inendet.

KIRUOGIK 2:13

Ak kimeto Jehovah, ak koot Baal ak Astarot.

KIRUOGIK 3:7

Ak kiyai ne ya lagokab Israel eng’ taitab Jehovah, ak koutie Jehovah Kamuktaindenywa, ak koot Baalik ak Aserot.