HOSEA 11:11 - BUKUIT NE TILIL

¹¹ Bwanei kobotanionu ko u taritiet ne mong’une Misri, ak ko u cheptuget ne mong’une emetab Asuria: ak agochi ichek komeny gorikwak, mwaei Jehovah.

Bukuit Ne Tilil

¹¹ Pwoonei kobotanionu ko uu toriityon ne mang'une Misiri, ak ko uu cheptuget ne mang'une emetap Assyria: ak agoochi icheek komeny kooriikwak, mwaei Kamuktaindet ne Toroor.

BUKUIT NE TILIIL Sireet ne Dutero Kanon

¹¹ Pwoonei kobotanionu ko uu toriityon ne mang'une Misiri, ak ko uu cheptuget ne mang'une emetap Assyria: ak agoochi icheek komeny kooriikwak, mwaei Kamuktaindet ne Toroor.

HOSEA 11:11 ပူးပေါင်းရင်းမြစ်များ

ISAIAH 11:11

Ak eng’ betunoto koyogoito Kiptaiyat eunnyi kogeny ne bo aeng’, kosor bikyik che tun ng’etu, eng’ Asuria, ak eng’ Misri, ak eng’ Patros, ak eng’ Kus, ak eng’ Elam, ak eng’ Sinar, ak eng’ Hamat, ak eng’ emotinwek che mi ngegusiek.

ISAIAH 60:8

Ng’o chu ruaei ko u boldet, ak kotirirendos cheptugenik eng’ tirisiokwak?

JEREMIA 31:12

Ak kobwa kotien eng’ ole toror eng’ Sion, ak koroot koba tugul ole mi mieindab Jehovah, ole mi bek, ak divaik, ak mwanik, ak ole mi arekab kechir ak moek: ak koigei sobonwekwak mbaret ne kibisi; ama koarogendos kogeny agot kitigin.

EZEKIEL 34:27

Ak koi logoek ketitab mbar, ak korur emet, ak kotebe chametab ge eng’ emenywa; ak konai kole a Jehovah, ye tun airi ketikab choginywa, ko kaasoru ichek komong’ eng’ eutab bik che kiyai ichek koek otwogikwak.

EZEKIEL 34:28

Ama koegu kogeny che luulei bororiosiek, ama koamei tiony ne bo ng’ony ichek; ago meng’isiei eng’ chametab ge, ama kobiitu chi ne imui.

EZEKIEL 37:21

Ak ilenji ichek, Mwaei Kiptaiyat Jehovah ko u ni kole: Ogeero, amutu lagokab Israel komong’ eng’ bororiosiek, ole kigoba, ak ayum ichek eng’ komosta agenge tugul, ak amutu ichek kobwa emenywa.

EZEKIEL 37:25

Ak komeny emet ne kiagochi Jakobo otwogindennyu, ole kimenyei kwanisiekwok; ak komeny oloto icheget, koboto lagokwak, ak lagokab lagokwak, agoi koigeny: ak koek Daudi otwogindennyu, bounindenywa koigeny.

HOSEA 3:5

ye ibata koweek lagokab Israel, ak kocheng’ Jehovah Kamuktaindenywa, ak Daudi laitoriandenywa; ak kobwanji Jehovah ak mieindanyi eng’ kaiyweisiet eng’ betusiek che bo let.

HOSEA 7:11

U Epraim cheptuget ne berber, ne matinyei kaguiyet: kuurei Misri, bendi Asuria.

OBADIA 1:17

Ago biitu che chilildos eng’ tulwetab Sion, ak kotililit; ak konam gotab Jakobo tugukab bichoto, kobunji.

SEKARIA 10:10

Amutu ichek kogeny komong’une emetab Misri, ak ayum ichek komong’ eng’ Asuria; ak amutu ichek kobwa emetab Gilead ak Lebanon; ama biitu ole yamei ichek.

SEKARIA 8:7

Mwaei Jehovah ne bo lugosiek ko u ni kole: Ogeero, asoru bikyuk eng’ emet ne bo kong’asis, ak eng’ emet ne bo cherongo:

SEKARIA 8:8

ak amutu ichek, ak komeny kwenutab Jerusalem; ak koek ichek bikyuk, ak aegu Kamuktaindenywa, eng’ imanit ak eng’ imanda.