HOSEA 11:10 - BUKUIT NE TILIL

¹⁰ Bendoti ichek kosuboti Jehovah, ne boriseni ko u ng’etundo: amu boriseni inendet, ak kobwa lagok kobotanionu kobunu cherongo.

Bukuit Ne Tilil

¹⁰ Pendoti icheek kosuboti Kamuktaindet ne Toroor, ne poriseni ko uu ng'etundo: amu poriseni ineendet, ak kobwa lagok kobotanionu kobunu cherongo.

BUKUIT NE TILIIL Sireet ne Dutero Kanon

¹⁰ Pendoti icheek kosuboti Kamuktaindet ne Toroor, ne poriseni ko uu ng'etundo: amu poriseni ineendet, ak kobwa lagok kobotanionu kobunu cherongo.

HOSEA 11:10 ပူးပေါင်းရင်းမြစ်များ

Kitabuutap JOB 37:1

Botani muguleldanyu eng’ nito agine, Ak kaistoegei komostanyi.

TIENWOGIKAL 119:120

Botani bortanyu amu aiywein; Ak aiywei kiruogutiguk.

TIENWOGIKAL 2:11

Oboisiechi Jehovah eng’ kaiyweisiet, Ak oboiboitu eng’ botanet.

ISAIAH 11:11

Ak eng’ betunoto koyogoito Kiptaiyat eunnyi kogeny ne bo aeng’, kosor bikyik che tun ng’etu, eng’ Asuria, ak eng’ Misri, ak eng’ Patros, ak eng’ Kus, ak eng’ Elam, ak eng’ Sinar, ak eng’ Hamat, ak eng’ emotinwek che mi ngegusiek.

ISAIAH 2:5

Ee gotab Jakobo, obwa kebendate lapkeiyetab Jehovah.

ISAIAH 31:4

Amu mwaei Jehovah ko u ni kole, Ko u ye boriseni ng’etundo ak ng’etundo ne barnotiot, agobo tiondo ne kagobar, agot ngeguur mestowek che chang’ koawenji inendet, ko maarogeni eng’ waaganywa, anan koming’injigei bolatenywa: chorugei ko u noto Jehovah ne bo lugosiek koyai boriet eng’ tulwetab Sion ak eng’ tulwennyi ne ming’in.

ISAIAH 42:13

Mandoi Jehovah ko u chito ne kim; ing’eeti neregek ko u chitab luget; bolei, ee waachei mising’; iborjin bunikyik kamugennyi.

ISAIAH 49:10

Magasei rubet anan koam melelda; ama kobeelei ichek mat, anan kobir asista: amu indochin ichek inendet ne rire, imuti kobun kong’ikab beek.

ISAIAH 64:2

ko u ye beelei mat sigorik, ak ko u ye iguuti mat beek: si kibarta kaineng’ung’ konaak eng’ buniguk, si kobotanso bororiosiek eng’ taing’ung’!

ISAIAH 66:2

Amu kiyaei eunnyu tuguchuto tugul, ak kibiit anyun tuguchuto tugul, mwaei Jehovah; ago ageni inendet ne banan ak konyerategei eng’ tamirmiriet, ne botani amu ng’olyondennyu.

ISAIAH 66:5

Ogas ng’olyotab Jehovah, okwek che obotandosi amu ng’olyondennyi: Kigomwa che otupche icheget che wechok, che kitimdak agobo kainennyu, kole, Ingitoror Jehovah, si kobiit kegeer boiboiyeng’wong’; ago ililandos.

JEREMIA 2:2

Ui, ititenji Jerusalem, ilenji, Mwaei Jehovah ko u ni kole, Abwatin agobo mieindab ming’inateng’ung’, chamnyetab katunisieng’ung’; ko u ye kiisubwa eng’ ong’atet, eng’ emet ne kima kegolei.

JEREMIA 25:30

Maotenji anyun eng’ ng’alechu tugul, ilenji, Boriseni Jehovah eng’ barak, ak kotwegu eng’ meng’otennyi ne tilil; borisenjin mising’ akwennyi; waachei ko u che tiechei sabibuk, kowaakyi bik tugul che menyei ng’ony.

JEREMIA 31:9

Bwanei koririonu, ak amutune sautik: agochini kobendat eng’ ole negit ainosiek, eng’ oret ne litit eng’ ole maginachi: amu a kwanda eng’ Israel, ak taitanyu Epraim.

JEREMIA 33:9

Ak koek nganasani eng’ ane kainet ne kiboiboitune, koek kalosunet ak torornatet, eng’ taitab bororiosiek tugul che bo ng’ony, che kasei mieindo tugul ne ayachini ichek, ak koiyweis ak kobotanso amu mieinoto tugul ak kalyet tugul ne agochini nganasani.

JEREMIA 5:22

Tos moiywea? Mwaei Jehovah: tos mobotandosi eng’ tainnyu, ane ne kiande ng’aniek koek kiwotetab nyanjet, eng’ ng’atutiet ne tebyei agoi, ne maimuchi nyanjet kosiir? Ak agot ngo mildoegei beek mising’, ko maimuchi kotil kiy; agot ngo moror, ko maimuchi kosiir.

JEREMIA 50:4

Bwanei eng’ betusiechoto ak eng’ betunoto, lagokab Israel, icheget ak lagokab Juda, mwaei Jehovah; bendi koririoti, ak kocheng’oti Jehovah Kamuktaindenywa.

JEREMIA 7:6

ngot ko mosastoe toondet, ak ne matinyei kwanda, ak mosoget, ak amotumde korotik che matinyei tengek eng’ olito, anan osubote chjeptalelisiek che ter ogochinege nyalilda:

JEREMIA 7:9

Tos ochorsei, orumisiei, ak oyae ibetab ge, ak oyostosi eng’ lembech, ak obeeljini nyamdutik Baal, ak osuboti cheptalelisiek che ter che mongen,

EZEKIEL 26:16

Kochorgei anyun eng’ ng’echerokwak che bo laitornatet bounik tugul che bo nyanjet, ak koreek ngoroikwak che tabanu barak, ak koreek ngoroikwak che kiginde lelesta: ilaachi botanet; ak kotebe ng’onyut, ak kobotanso sait age tugul ak kokwong’enen.

HOSEA 3:5

ye ibata koweek lagokab Israel, ak kocheng’ Jehovah Kamuktaindenywa, ak Daudi laitoriandenywa; ak kobwanji Jehovah ak mieindanyi eng’ kaiyweisiet eng’ betusiek che bo let.

JOEL 3:16

ak boriseni Jehovah eng’ Sion, ak kotwek eng’ Jerusalem; ak botandos kipsengwetisiek ak ng’ony: ago egu Jehovah ole mwechin bikyik, ak koek irimet eng’ lagokab Israel.

AMOS 1:2

Kimwa kole, Boriseni Jehovah eng’ Sion, ak kotwegu eng’ Jerusalem; ak koririo ole iyagisie mestowek, ak koyaam walitab Karmel.

AMOS 3:4

Tos boriseni ng’etundo eng’ osnet ngo ma bar tiondo? Tos boriseni ng’etundo ne neran eng’ kebenennyi ngot ko ma am kiy?

AMOS 3:8

Kagoborisen ng’etundo, ng’o ne maiyweisiei? Kagong’alal Kiptaiyat Jehovah, ko ng’o anyun ne mamaoteni?

MIKAH 4:5

Amu wendoti bororiet age tugul eng’ bororiosiek tugul eng’ kainetab cheptalelinnyi, ak kibendote achek kainetab Jehovah Kamuktaindennyo koigeny ak koigeny.

HABAKUK 3:16

Kiagas, ak kitilgei moennyu, Kibotan kutinnyu eng’ cheonoto; Kinunio kowekyuk ak kiabotan eng’ ole kiami: Si kobiit amuuny eng’ betutab nyalilda, Ye togosyi noto bik, che ibokyin inendet eng’ kweanaik.

SEKARIA 10:10

Amutu ichek kogeny komong’une emetab Misri, ak ayum ichek komong’ eng’ Asuria; ak amutu ichek kobwa emetab Gilead ak Lebanon; ama biitu ole yamei ichek.

SEKARIA 10:12

Ak agimit ichek eng’ Jehovah; ak kobendate kainennyi, mwaei Jehovah.

SEKARIA 8:7

Mwaei Jehovah ne bo lugosiek ko u ni kole: Ogeero, asoru bikyuk eng’ emet ne bo kong’asis, ak eng’ emet ne bo cherongo:

JOHANA 8:12

Kimwachi Jesu anyun ichek kogeny, kolenji, A lapkeiyet ne bo ng’ony: inendet ne isuba ko mawendoti eng’ mesundeito, ago nyoru lapkeiyetab sobondo.

POISYONIGAP CHE KIYOKTOI 24:25

Ak ye kita kong’alali agobo imanda, ak ribetab ge, ak kiruoget ne nyonei, koiyweis Peliki, ak kowol kole, Ui korok; ak ye tun anyoru boroindo ne mie, aguurin.

ROMANIK 8:1

Noto anyun ma komi kiruoget eng’ ichek che mitei eng’ Kristo Jesu.

2 PETERO 2:10

ago eng’ magetab muruonindo, ak kosasei bounatet. Che koromen, che isubi magutikwak, che mabotandos ye chubei che tororen.

NG'ANG'UTYET 10:3

ak kitwek eng’ kutit ne o, ko u ye morori ng’etundo: ak ye kingo kagotwek, kobolyo tulosiek tisabu.