HOSEA 10:8 - BUKUIT NE TILIL

⁸ King’emei kogeny komoswek che tororen che bo Aben, tengektab Israel: bitos katok ak katablelinik eng’ kapkorosusiekwak; ak kolenji ichek tulonok, Otuchech; ak kolenji tulonok che mengechen, Oluuljech.

Bukuit Ne Tilil

⁸ King'emei kogeny komoswek che torooreen che po Aben, tengektap Israel: piitos katook che toorei piich ak che rutei piich eng' kapkorosusyekwak; ak koleenji icheek tuloonook, otuchech ak koleenji tuloonook che mengeechen, oluuljech.

BUKUIT NE TILIIL Sireet ne Dutero Kanon

⁸ King'emei kogeny komoswek che torooreen che po Aben, tengektap Israel: piitos katook che toorei piich ak che rutei piich eng' kapkorosusyekwak; ak koleenji icheek tuloonook, otuchech ak koleenji tuloonook che mengeechen, oluuljech.

HOSEA 10:8 ပူးပေါင်းရင်းမြစ်များ

TAUNET 3:8

Ak kigas Jehovah Kamuktaindet kowendoti eng’ mbar ye kiga kogaititit koskoleny; koung’gei koistoegei ole mi Jehovah Kamuktaindet chichoto ak kwondanyi, eng’ ketik orit che mi mbar.

1 LAITORINIK 13:2

Ak kiwaage kapkorosut eng’ ng’olyotab Jehovah, kole, Ee, kapkorosuni, kapkorosuni, kamwa Jehovah ko u ni kole, Keero, tun kisikyin lakwet gotab Daudi, ne kiguure kainennyi Josia; ak kogoitoenen inendet tisiikab komoswek che tororen, che beelenen nyamdutik, ak tun beelei eng’ inye kowekab bik.

1 LAITORINIK 13:34

ak kiek kii tengekto eng’ gotab Jeroboam, si koisto kobet, ak kong’em kogesgei eng’ ng’ony.

1 LAITORINIK 14:16

Ak metoi Israel amu tengekwogikab Jeroboam, che kiyai inendet, che kiibeete Israel si koyai tengekto.

2 LAITORINIK 23:15

Ak kibut kapkorosut ne kimi Bet-el, ak komosta ne toror ne kiga koyai Jeroboam weritab Nebat, ne kiigochi Israel koyai tengekto, kibut kapkorosunoto ak komosta ne toror; ak kibeel komosta ne toror, ak kotuatui koek busbusik, ak kobeel Asera.

2 ATEPTAP PEETUUSYEK 31:1

Kingo kagogesgei chuto tugul, koba nganasokab Juda Israel tugul che kimi, koba kobut tolochik, ak koeb Aserik, ak kobut komoswek che tororen ak kapkorosusiek eng’ Juda tugul ak Benjamin, eng’ Epraim agine ak Manase, kot kong’em tugul. Koweek anyun lagok tugul che bo Israel, kwo chi tugul ole mi tugukyik, eng’ nganasokwak.

ISAIAH 2:19

Ak komwechi bik kebenonik che mi ruandosiek, ak keringonik che mi ng’ony, komwee kamuisetab Jehovah, ak eng’ torornatetab etunatennyi, ye kang’eet kotumdum ng’onyuni eng’ kimnatet.

ISAIAH 2:21

si komwechi kebenonik, ak ruandosiek che kibetogis, komwee kamuisetab Jehovah, ak eng’ torornatetab etunatennyi, ye kang’eet kotumdum ng’onyuni eng’ kimnatet.

ISAIAH 32:13

Bitos katok ak katablelinik eng’ emetab bikyuk; ee, eng’ gorik tugul che bo boiboiyet eng’ nganaset ne kobaibai:

ISAIAH 34:13

Ak kobitye katok gorikyik che bo laitorinik, ak kobitye siwek ak katablelinik irimoikyik: ak koek meng’otetab lelwek, ak seremutab tiong’ikab songolik.

HOSEA 10:2

Pcheat muguleldanywa; tinyei ng’ogisto: butei Jehovah kapkorosusiekwak, ng’emei tolochikwak.

HOSEA 10:5

Iyweisiei mising’ bik che menyei Samaria amu kanamonikab moekab Bet-aben: amu rirjin bikab emonoto oloto, koboto tisiikyik che kiboiboitune kanamwonoto bo moita amu torornatennyi ne kiga koistoegei.

HOSEA 10:9

Ee Israel, kiiyai tengekto koboch betusiekab Gibea: kitononso eng’ oloto; si manam ichek boriet eng’ Gibea ne baregei ak lagokab tengekto.

HOSEA 2:6

Keer anyun-o, ayieme oreng’ung’ katok, ak ang’ot inendet si manyor ortinwekyik.

HOSEA 4:13

Enyei tiseiywek eng’ tulonok barak, ak kobeelei nyamdutik eng’ tulonok, eng’ kelutab ketik, ak ketik alak che u siliboik, ak ketik alak che ter, amu mie uruenywa: yaei anyun tibikwok kugoinatet, ak koyai murerenikwok ibetab ge.

HOSEA 4:15

Agot ngiyae inye Israel kugoinatet, ko mat koyai Juda; amobwa Gilgal, anan otogoste Bet-aben, anan oyosie ole, Ko u ye sobei Jehovah.

HOSEA 5:8

Oguut igondit eng’ Gibea, ak oguut iriaget eng’ Rama: owaach eng’ Bet-aben; eng’ ole bo let eng’ inye, ee Benjamin.

HOSEA 8:5

Kigometo moitang’ung’, ee Samaria, kagolalyo neregekyuk agobo ichek: tianitu si koek bik che matinyei tengek?

HOSEA 9:6

Ogeero, kigoistoegei ng’emisiet, ago iyumi Misri ichek, ak tubei Mempis ichek: bunjin siwek tugukwak che kororon che bo feda: mi katok emaisiekwak.

AMOS 1:5

Ak airi temeleiywotab Damasko, ak abar ne menyei atebwetab Aben, koboto inendet ne namei siaritab laitornatet, ne bunu gotab Eden: ak keluul bikab Suria, koba Kir, mwaei Jehovah.

AMOS 3:14

Amu eng’ betut ne tun aiityini biret Israel amu bistaosiekyik, aiityini kogeny biret kapkorosusiekab Bet-el, ak keisto kuinoikab kapkorosut, ak kobut.

AMOS 7:9

ak koguber komoswek che tororen che bo Isak, ak kebut oldinwek che tililen che bo Israel; ak ang’eet abar gotab Jeroboam eng’ rotwetab chok.

AMOS 8:14

Icheget che iyostos eng’ tengektab Samaria, kole, Ee Dan, ko u ye sobei Kamuktaindeng’ung’; ak ko u ye sobei oretab Beer-seba; ibutos choto agichek, amagoi ng’eetyo kogeny.

MIKAH 1:13

Ratyi karitab luget mbartanyit ne chepcheb, ee inye chito ne imenye Lakis: ki taunindetab tengekto inendet ne bo cheptab Sion; amu kiginyorjin bistaosiekab Israel.

MIKAH 1:5

Biitu chuto amu bistoetab Jakobo, ak amu tengekwogikab gotab Israel. Nee bistoetab Jakobo? Tos ma Samaria? Ak nee komoswek che tororen che bo Juda? Tos ma Jerusalem?

NAHUM 3:11

Ibogiti aginye, kiunyin; icheng’e aginye irimet amu bunyot.

LUKA 23:30

Yeityo kotoi ichek kolenji tulonok, Oluuljech; ak kolenji tulonok che mengech, Otuchech.

NG'ATUTIK 9:21

Kiaib anyun tengektang’wong’, moita ne kiga oyai, abeel, atui, ang’a komengegitu, agoi kotambululitu: yeityo arong’ji kererut ne rootune tulwet.

NG'ANG'UTYET 6:16

ak kolenji tulonok ak ruandosiek, Oluuljech, ak ounyech eng’ togetab inendet ne tebe ng’echeretab laitornatet, ak eng’ neregekab Aruet:

NG'ANG'UTYET 9:6

Ak tun cheng’ei bik meet eng’ betusiechoto, ak magoi nyor; ak machei kole kobek, ak komweei meet eng’ ichek.