HOSEA 10:12 - BUKUIT NE TILIL

¹² Ogoljige eng’ imanda, oges eng’ rirenet; obalu mbareng’wong’: amu kait betusiek che kicheng’ei Jehovah, kot konyo ak korobonjok imanda.

Bukuit Ne Tilil

¹² Ogooljigei eng' imanda, oges eng' rireenet; obalu mbareeng'wong': amu kait peetuusyek che ki cheeng'ei Kamuktaindet ne Toroor, kot konyo ak korobonjok imanda.

BUKUIT NE TILIIL Sireet ne Dutero Kanon

¹² Ogooljigei eng' imanda, oges eng' rireenet; obalu mbareeng'wong': amu kait peetuusyek che ki cheeng'ei Kamuktaindet ne Toroor, kot konyo ak korobonjok imanda.

HOSEA 10:12 ပူးပေါင်းရင်းမြစ်များ

TIENWOGIKAL 105:4

Ocheng’ Jehovah ak kimnatennyi; Ocheng’ togennyi kotugul.

TIENWOGIKAL 72:6

Chorugei inendet ko u ropta ne chorjingei maleliet: Ko u ropta ne inesyin ng’ony.

KALEWANAIK 11:18

Nyoru kiptengekyot melektab ng’alset: Ago inendet ne kolei imanda kotinyei melekto ne bo iman.

KALEWANAIK 18:21

Mitei kimnatetab ng’elyepta, meet ak sobondo; Ak amei logoekyik ichek che chamei.

AMDOINDET 11:6

Kolse karon, amesis koskoleny: amu mengen che rurtos, ngo ni anan ni, anan ngo miagitu tuwai.

ISAIAH 30:23

Ak koyok inendet ropta ne bo kesweguk, si kobiit igolse; ak kogonok amitwogik che bunu ruratetab emet, ak konerio ak kochang’ait: tun agete tuguk ole baraa eng’ betunoto.

ISAIAH 31:1

Bwa eng’ ichek che chorjingei Misri kocheng’ei toretet, ak kotiiegei mbartanyisiek; ak komang’u karisiek, amu chang’, ak komang’u bik che lanyei mbartanyisiek, amu kimen kot; ago mainyali Inendet ne Tilil ne bo Israel, ama cheng’ei Jehovah!

ISAIAH 32:20

Oberurotin okwek che ogole tabanwekab beek tugul, che iyoktoi kelyekab eito ak che bo sigiriet.

ISAIAH 44:3

Amu arong’jini beek ne amei melel, arong’jini ainosiek emet ne yaamat: arong’jini Tamirmiriennyu iyoteng’ung’, ak arong’jini berurtanyu lagoguk:

ISAIAH 45:8

Osau, okwek kipsengwetisiek, ak ingorong’ bolik imanda: ingoyatak emet, si kobiit koib bolik yetunet, ak ingogochi imanda kobityo tugul; ane Jehovah ne kiayae noto.

ISAIAH 48:18

Kita mie nda kigegas ng’atutikyuk! Kita igeitu kalyeng’ung’ ainet, ak koigei imandang’ung’ beekab nyanjet che mildogei:

ISAIAH 5:6

ak angem; ma kesabori, ama kesemberi; ago bitos katablelinik ak katok: ang’ate kogeny bolik si mata korobonji.

ISAIAH 54:14

Kigimitin eng’ imanda; ilooitu eng’ nyalilda, amu meiyweisiei; ilooitu eng’ kamuiset, amu marikyinin.

ISAIAH 55:6

Ocheng’ Jehovah kota kimuchi kenyor, oguur kota ko negit:

JEREMIA 50:4

Bwanei eng’ betusiechoto ak eng’ betunoto, lagokab Israel, icheget ak lagokab Juda, mwaei Jehovah; bendi koririoti, ak kocheng’oti Jehovah Kamuktaindenywa.

EZEKIEL 34:26

Ak ayai ichek koek kaberuret koboto komoswek ole negite tulwennyu; ak ang’at ropta korobon eng’ betusiekyik; ak kobiit roptab kaberuret.

HOSEA 12:6

Iweekyige anyun Kamuktaindeng’ung’: rib rirenet ak kiruoget, ak igen Kamuktaindeng’ung’ kotugul.

HOSEA 14:1

Ee Israel, weekyige Jehovah Kamuktaindeng’ung’; amu kiibut eng’ tengektang’ung’.

HOSEA 6:3

Ongenai anyun, ongetes tai kenai Jehovah; mong’u iman ko u ye eechei: ak nyonjinech ko u ropta, ko u ropta ne bo let ne ibisi ng’ony.

HOSEA 8:7

Amu kolei usonet, ak kesei kipchurjuriet: matinyei bek che tonondos; maiitos itikab bek; ngot koiiyo, koamei kipsagarek kotarei.

AMOS 5:15

Owech yaitiet, ocham che miach, ak ogimit kiruoget eng’ ormarichet: abere imuchi korire Jehovah, Kamuktaindet ne bo lugosiek, che king’et che bo Josep.

AMOS 5:4

Amu mwachin Jehovah gotab Israel ko u ni kole, Ocheng’a, si osopche:

AMOS 5:6

Ocheng’ Jehovah si osopche: si ma lal ko u mat eng’ gotab Josep, ak kobeel koges, ama biitu chi ne imisi eng’ Bet-el:

AMOS 5:8

ocheng’ inendet ne yaei Koremerik ak Kapsomoguk, ak kowalei uruetab meet koek karonet, ak koyaei betut koek kemoi; inendet ne kuurei nyanjet ak korong’ji ng’ony; Jehovah kainennyi;

LUKA 13:24

Ogiilge obun kurget ne mariich: amu amwawok ale, cheng’ei tun che chang’ kobun yoto, ago matun imuchi.

POISYONIGAP CHE KIYOKTOI 2:18

Arong’jini Tamirmiriennyu eng’ betusiechoto; Ee, agot otwogikyuk murenik ak tibik, si komaoten.

2 KORINTOEK 9:10

Ak inendet ne igochin keswek kolindet ak amitwogik che amei, kogonok ak kotesei keswekwok che ogole, ak kotes logoekab imandang’wong’:

JAKOBO 3:18

Ak kegolei logoekab imanda eng’ kalyet agobo ichek che yaei kalyet.