HOSEA 10:10 - BUKUIT NE TILIL

¹⁰ Atigoni ichek ye kamach; ak koyumgei bororiosiek koborie, ye kagiratyi ichek bistaosiekwak aeng’.

Bukuit Ne Tilil

¹⁰ Atigooni icheek ye kamach; ak koyumgei pororyosyek koborye, ye kagiratyi icheek pistaosyekwak aeng'.

BUKUIT NE TILIIL Sireet ne Dutero Kanon

¹⁰ Atigooni icheek ye kamach; ak koyumgei pororyosyek koborye, ye kagiratyi icheek pistaosyekwak aeng'.

HOSEA 10:10 ပူးပေါင်းရင်းမြစ်များ

1 LAITORINIK 12:28

Koruoch anyun laitoriat ak kotany itonwek aeng’ che bo moek che bo tahabu; ak kilenji ichek, Uui kot eng’ okwek obe otogoste Jerusalem; ogeer kanamonikwok-o, ee Israel, che kiimutwak otogosu eng’ emetab Misri.

Kitabuutap JOB 39:10

Tos imuchi iratyi soet mogombet? Anan tos murmurun mbaret ne kaibat?

ISAIAH 1:24

Mwaei anyun Kiptaiyat, Jehovah ne bo lugosiek, Inendet ne bo Kamuktaet ne bo Israel, kole, Haa, anyoru kagaigaet eng’ bunikyuk, ak ayoktochige mugetut eng’ bunikyuk:

JEREMIA 15:6

Kiiesia, mwaei Jehovah, kiichuchuige: kiachuul anyun eunnyu atokyin, ak ang’emin; kaang’et eng’ muitaet.

JEREMIA 16:16

Ogeero, ayoktoi keguur ramik che chang’ che bo njirenik, mwaei Jehovah, si kobiit koram ichek; ak ye ibata ayokte keguur kiplogotinik che chang’, si kobiit kocheng’at ichek eng’ tulwet age tugul, ak eng’ tulwet age tugul ne ming’in, ak eng’ kebenonik.

JEREMIA 21:4

Mwaei Jehovah, Kamuktaindetab Israel, ko u ni kole, Ogeero, aweektoi karikab luget che mitei eunekwok, che obarege ak laitoriatab Babulon, ak Kaldeik che yiemok, eng’ sang’utab irimoik, ak ayumji ichek kwenutab nganasani.

EZEKIEL 16:37

noto anyun, keero, ayumi chamaniguk tugul, che kiobaibaige, koboto ichek tugul che koicham, ak koboto ichek tugul che koiwech; ayumjinin ichek kobun komosta age tugul, ak ang’ang’ji ichek kogeerin imi ach ngor, si kobiit kogeer ach ngorieng’ung’ tugul.

EZEKIEL 16:42

Agesu anyun neregekyuk che ng’wonen eng’ inye, ak koistoenengei ng’etkondanyu, ak asis, ma anerechi kogeny.

EZEKIEL 23:46

Amu mwaei Kiptaiyat Jehovah ko u ni kole: Amutyini ichek tuiyet, ak agoite ichek kewirji komosi ak komosi ak keluul.

EZEKIEL 23:9

Kiande anyun inendet eunekab chamanikyik, kwo eunekab Asuriek, che kichamei mising’.

EZEKIEL 5:13

Isuldoi anyun neregekyuk ko u noto, ak anerekyini ichek eng’ neregekyuk che ng’wonen, kot koyama, si kigaigaa: si konai ichek kole ane Jehovah ne kiang’alal eng’ kagiilennyu bo ge, ye kaayai neregekyuk che ng’wonen kosulda eng’ ichek.

HOSEA 10:9

Ee Israel, kiiyai tengekto koboch betusiekab Gibea: kitononso eng’ oloto; si manam ichek boriet eng’ Gibea ne baregei ak lagokab tengekto.

HOSEA 4:19

Kagotuch usonet inendet eng’ kebebaikyik; ak ililandos amu tisieywekwak.

HOSEA 4:9

Ak kit ne u eng’ bik, ko u noto eng’ tisiindet: ak abire ichek amu ortinwekwak, ak ayaakyi boisionikwak.

HOSEA 8:1

Kuut iriaget. Nyonjin gotab Jehovah ko u kipsichit: amu kigobistoe ichek kayomisennyu, ak kongelelji ng’atutikyuk.

HOSEA 8:10

Ee, agot nganda alei eng’ bororiosiek, ayumi anyun ichek; ak kotoi kong’ering’itu amu lautietab laitoriatab bounik.

MATAYO 22:7

Ago kinerech laitoriat; ak kiiyokto lugosiekyik, kobar rumichoto, ak kobeel nganasenywa.

NG'ATUTIK 28:63

Ak ko u ye kibaibait Jehovah eng’ okwek koyaiywok ne mie, ak kotesak; u noto boiboitu Jehovah eng’ okwek kolusak, ak kowong’wok; ak kitutok eng’ emet ne iwendi iname kobunjin.