HOSEA 1:10 - BUKUIT NE TILIL

¹⁰ Ago tenitu lagokab Israel ng’aniek che bo nyanjet, che magimuchi kirogendoe kiy anan kiit; ak eng’ ole kigimwachine icheget kele, Ma o bikyuk, ko tun kilenjin, O werikab Kamuktaindet ne sobei.

Bukuit Ne Tilil

¹⁰ Ago tenitu piigap Israel ng'aniegap nyanja che ma kimuuchi kirogendoe kiy anan kiit; ak eng' ole ki kimwachine icheeget keele, “Ma oo piikyuk”, ko tuun ki leenjin, “Oo weeriigap Kamuktaindet ne sabei.”

BUKUIT NE TILIIL Sireet ne Dutero Kanon

¹⁰ Ago tenitu piigap Israel ng'aniegap nyanja che ma kimuuchi kirogendoe kiy anan kiit; ak eng' ole ki kimwachine icheeget keele, “Ma oo piikyuk”, ko tuun ki leenjin, “Oo weeriigap Kamuktaindet ne sabei.”

HOSEA 1:10 ပူးပေါင်းရင်းမြစ်များ

TAUNET 13:16

Ak ayae lagoguk kochang’ait ko u temburiek che bo ng’ony, si ngot komugaksei koiit chi temburiek che bo ng’ony, ko kaga iitoksei lagoguk agichek.

TAUNET 22:17

Eng’ kaberuret aberurin, ak eng’ kayabet ayabi iyoteng’ung’ kobarait kotenit kecheik che bo kipsengwetisiek, ak kotenit ng’aniek che bo ngegutab nyanjet; ak tun nyoboni lagoguk kurgetab bunikwak;

TAUNET 32:12

Ak kiimwa ile, Ayaun ne mie iman, ak ayae iyoteng’ung’ kochang’ait ko u ng’aniekab nyanjet che maiitoksei amu chang’.

2 SAMUEL 7:24

Kiigimityigei biguk Israel koek biguk koigeny; ak kiiegu inye Jehovah Kamuktaindenywa.

ISAIAH 43:6

Amwachini murot ne bo katam, alenjini, Konu; ak amwachi murot ne bo tai, alenji, Ametuuch; omutu werikyuk kobun ole loo, ak omutu tibikyuk eng’ tabanwekab ng’ony;

ISAIAH 48:19

Kita tenitu ng’aniek iyoteng’ung’, ak koigei lagoguk che kiisiche, chang’indab ng’aniek: kima kota kiistoi kainennyi anan keng’em eng’ tainnyu.

ISAIAH 63:16

Amu i kwandanyo, agot ngo maingenech Abraham, ama naech Israel; ee, Jehovah, inye ko i kwandanyo; kaineng’ung’ ko katiagindennyo koboch keny.

ISAIAH 64:8

Ara anyun, ee Jehovah, i kwandanyo; ki menet, ak ko i mimiindennyo; ak ki boisionikab euneguk achek tugul.

ISAIAH 65:1

Teeba bik che kima koteeba; kigonyorua ichek che kima cheng’a: kialenji bororiet ne kima kemwaitae kainennyu, Ogeera, ogeera.

ISAIAH 66:20

Ak komut tupchosiekwok tugul komong’une bororiosiek tugul koek kagochinet eng’ Jehovah, kobunu mbartanyisiek, ak karisiek, ak tirbonok, ak eng’ nyumbusiek, ak eng’ moek che chepcheben che bo tambesik, kobwa tulwennyu ne tilil Jerusalem, mwaei Jehovah, ko u ye ibu lagokab Israel kagochinenywa eng’ teret ne tilil konyo gotab Jehovah.

JEREMIA 33:22

Ko u ye magimuchi kiit tuguk che bo kipsengwet, ama kimuchi keger ng’aniekab nyanjet; atese anyun iyotetab Daudi otwogindennyu, ak Lawik, che boisiewa.

DANIEL 6:26

Ang’ate ng’atutiet ale, Ingobotanso bik che mi bounatetab laitornatennyu ak koiyweis eng’ taitab Kamuktaindetab Daniel: amu inendet ko Kamuktaindet ne sobei, ak kotebyei koigeny, ak laitornatennyi ko maging’emei, ak kotebyei bounatennyi agoi kagesunet:

HOSEA 1:9

Ak kile Jehovah, Kuure kainennyi Lo-ami: amu ma o bikyuk, amaegu Kamuktaindeng’wong’.

HOSEA 2:23

Ak agoljige inendet eng’ emet; ak arire inendet ne kima kirire; ak alenji ichek che kima ko bikyuk, O bikyuk; ak kole, I Kamuktaindennyu.

JOHANA 1:12

Ago tugul che kitaach inendet, ko kiigochi kamuget koek lagokab Jehovah, ichek che iyani kainennyi:

ROMANIK 8:19

Amu igeni mising’ ak koganyei yaet komugul ng’ang’et ne bo werikab Jehovah.

2 KORINTOEK 6:18

Ak aegu Kwanda eng’ okwek, Ak oegu werik ak tibik eng’ ane, Mwaei Kiptaiyat ne bo Kamuktaet.

HEBRANIK 11:12

noto anyun kigisich eng’ agenge, ne kiga koigei ne kigome, bik che chang’, ko u kecheikab kipsengwet ak ng’aniek che mi ngegutab nyanjet, che ma iitoksei.