HAGGAI 1:6 - BUKUIT NE TILIL

⁶ Kiogol che chang’, ago ogese che ng’ering’; oamisiei, ago mobiyong’dosi; oeeisei, ago manyiiok; olaachi ngoroik, ago mami ne lalang’; ak inendet ne nyoru melekto kondoi lolet ne undurot.

Bukuit Ne Tilil

⁶ Ki ogol che chaang', ago ogese che ng'ering'; oamisyei, ago mobiyong'dosi; oeeisei, ago manyiiok; olaachi ngoroik, ago ma mi ne lalang'; ak ineendet ne nyooru melekto kondai lolet ne undurot.”

BUKUIT NE TILIIL Sireet ne Dutero Kanon

⁶ Ki ogol che chaang', ago ogese che ng'ering'; oamisyei, ago mobiyong'dosi; oeeisei, ago manyiiok; olaachi ngoroik, ago ma mi ne lalang'; ak ineendet ne nyooru melekto kondai lolet ne undurot.”

HAGGAI 1:6 ပူးပေါင်းရင်းမြစ်များ

2 SAMUEL 21:1

Ak kibiit rubet eng’ betusiekab Daudi, eng’ kenyisiek somok che kiisubegei, ak kicheng’ Daudi togetab Jehovah. Ak kile Jehovah, Bo Saul, ak gonnyi ne bo korotik, amu kibar Gibeonik.

1 LAITORINIK 17:12

Ak kile, Ko u ye sobei Jehovah Kamuktaindeng’ung’, ko matinye makatiat, kobate busiekab eut che mi teret, ak mwaita kitigin ne mi sotet ne ming’in: ak keero, abute kwenik aeng’, si kekwang’jinege ak werinnyu, si keam, ak kebegu.

NEEMIA 5:2

Amu kimi che kimwa kole, Ki chang’ achek koboto werikyok ak tibikyok: ongecheng’jige bek, si kobiit keam ak kesopche.

Kitabuutap JOB 20:22

Bichiityin eng’ chang’indab tugukyik; Ityin inendet eutab age tugul ne nyalili.

Kitabuutap JOB 20:28

Istogei magornatetab gonnyi, Iseeroksei eng’ betutab neregekyik.

TIENWOGIKAL 107:34

Walei emet ne iyiot koek ong’atetab munyuk, Amu sogornatetab icheget che menyei oloto.

KALEWANAIK 11:24

Mi ne iseeri, ago tesoksei kosiir; Ak komi ne etei mising’ kosiir ne nyolu, ago ibu noto bananda.

ISAIAH 5:10

Amu yiei ekaisiek tamanu che bo mbaretab sabibuk, debeinik aeng’, ak koi keswekab homer, epah agenge.

JEREMIA 12:13

Kigol nganok, ago kiges katok; kibirtogei ama kelji kiy: ak olilandosi amu logoekwok, amu neregek che ng’wonen che bo Jehovah.

JEREMIA 14:4

Amu emet ne kigobetak, amu kima kota komi ropta emet, ililandos che ibatisiei, tuchei metowekwak.

JEREMIA 44:18

Ago koboch ngab kebagakte kebeelji nyamdutik laitoriatab kipsengwet ne kwondo, ak kerong’jini kagochinoik che kieei, korarwech tuguk tugul, ak kigeswech eng’ rotwetab chok ak rubet.

HOSEA 4:10

Ak koamisiei, ama biyong’dos; yaei kugoinatet, ama tesoksei: amu kigometa koepchi it Jehovah.

HOSEA 8:7

Amu kolei usonet, ak kesei kipchurjuriet: matinyei bek che tonondos; maiitos itikab bek; ngot koiiyo, koamei kipsagarek kotarei.

ATEPTAP LAWIK 26:20

ak oboisie buch kimnateng’wong’; amu magonu emeng’wong’ ruratet, ak maiitos ketikab emet logoekwak.

ATEPTAP LAWIK 26:26

Ye atil amitwogikwok kong’ering’itu, kobeel anyun kobogorisiek tamanu amitwogikwok eng’ kapkoimaut agenge, ak kebimanwak amitwogikwok eng’ ratilit; ak oamisiei amobiyonyi.

HAGGAI 1:10

Kigirat kipsengwet anyun amu okwek si magon rewot, ama yiei emet logoekyik.

HAGGAI 1:5

Mwaei anyun Jehovah ne bo lugosiek ko u ni kole, Orib atebosiekwok.

HAGGAI 1:7

Mwaei Jehovah ne bo lugosiek ko u ni kole, Orib atebosiekwok.

HAGGAI 1:9

Kiocheng’ che chang’, ak ogeero, kibiit che ng’ering’; ak kingoibu kobwa ga, agutute. Amu nee? Mwae Jehovah ne bo lugosiek. Amu gonnyu ne butot, ago labati chi age tugul gonnyi.

HAGGAI 2:16

eng’ betusiechoto tugul, ye kingwo chi kocheng’ karurugutietab kerutik tiptem, konyoru ne bo kerutik taman kityo; ak kingwo ole kitaage divaik kole koib terenik konom, ko kimi tiptemu ichegei.

HAGGAI 2:17

Kiabirenok chelalitiet ak uchatet ak koikab ropta eng’ boisionik tugul che bo eunekwok; ago ma oweekyage, mwaei Jehovah.

SEKARIA 5:4

Ayoktoi bukuinoto, mwaei Jehovah ne bo lugosiek, ak kochut gotab chorindet, ak kochut gotab chito ne iyostos lembechek eng’ kainennyu: ak kotebe kwenutab gonnyi, ak koges goyoto koboto ketikyik ak koikyik.

SEKARIA 8:10

Amu kingotom koit betusiechoto ko kima konyoru chi melekto, ak kima keyaaktoi kiy agobo tiony; ak kima komi kalyet eng’ inendet ne mandoi ak eng’ inendet ne nyonei amu bunyot: amu kiagochi chi age tugul koborio ak chitab kokwennyi.

MALAKI 2:2

Ngot ko momache ogas, ak ngot ko momache ogonore mugulelwekwok, si kobiit otoror kainennyu, mwaei Jehovah ne bo lugosiek, ayokwok anyun chubisiet, ak achub berurwogikwok: ee, kaachub amu mogonore ng’atutionoto mugulelwek.

NG'ATUTIK 28:17

Kichubei kitongeng’ung’ ak tereng’ung’ ne kitangware busiek.