HAGGAI 1:13 - BUKUIT NE TILIL

¹³ King’alal anyun Hagai, ne kiiyoktoi Jehovah, komwachi bik ng’alekab Jehovah kolenji, Ami kobotok, mwaei Jehovah.

Bukuit Ne Tilil

¹³ Ki ng'alaal anyun Haggai, ne ki iyooktoi Kamuktaindet ne Toroor, komwachi piik ng'aleegap Kamuktaindet ne Toroor koleenji: Mwaei Kamuktaindet ne Toroor kole “Ami kobootok.”

BUKUIT NE TILIIL Sireet ne Dutero Kanon

¹³ Ki ng'alaal anyun Haggai, ne ki iyooktoi Kamuktaindet ne Toroor, komwachi piik ng'aleegap Kamuktaindet ne Toroor koleenji: Mwaei Kamuktaindet ne Toroor kole “Ami kobootok.”

HAGGAI 1:13 ပူးပေါင်းရင်းမြစ်များ

1 ATEPTAP PEETUUSYEK 28:20

Ak kilenji Daudi Solomon werinnyi, Kimitu nyiganitu, ak iyai: ameiywei, anan itoptoben: amu mi koboten Jehovah Kamuktaindet, inendet Kamuktaindennyu: mabagaktoin, anan kometen agoi kogesgei boisiet tugul ne bo otisietab gotab Jehovah.

2 ATEPTAP PEETUUSYEK 15:2

ak kiwa kotorokta Asa, kolenji, Ogasa okwek, inye Asa ak Juda tugul ak Benjamin: mi Jehovah kobotok, ye otebye ak inendet; ak ngot ocheng’ inendet, onyoru; ago ngot omete inendet, kometok.

2 ATEPTAP PEETUUSYEK 20:17

Ma okwek che oyae lugoni: otetge, otononse, si ogeer yetunetab Jehovah ne mi kobotok, ee Juda ak Jerusalem: amoiyweisie, anan oarogense: oba obokyi mutai; amu mi Jehovah kobotok.

2 ATEPTAP PEETUUSYEK 32:8

Mi koboto inendet eut ne bo borto; ago mi kobotech Jehovah Kamuktaindennyo kotoretech, ak koyai lugosiekyok. Ak kitiiegei bik ng’alekab Hesekia laitoriatab Juda.

TIENWOGIKAL 46:11

Mi Jehovah ne bo lugosiek kobotech; Ole kimwechini Kamuktaindetab Jakobo.

TIENWOGIKAL 46:7

Mi kobotech Jehovah ne bo lugosiek: Ole kimwechini Kamuktaindetab Jakobo.

ISAIAH 41:10

ameiyweisie, amu ami koboten; amearogen, amu a Kamuktaindeng’ung’: agimitin; ee, atoretin; ee, anamin eng’ eunnyu ne bo tai ne bo imandanyu.

ISAIAH 42:19

Ng’o ne korat, kobate otwogindennyu? Anan ng’o ne ming’at ko u nenyu ne kiyoktoi ne ayoktoi? Ng’o ne korat ko u inendet ne kiting’ege kalyet, ak ko korat ko u otwogindetab Jehovah?

ISAIAH 43:2

Ami koboten ye ibune beek che chang’; ak ye ibune ainosiek, ko maimaluuchin; ye ibune mat, ko mabeelin; ama imelin liblibenetab mat.

ISAIAH 44:26

ne igimiti ng’olyotab otwogindennyi, ak kosuldoi kiruogetab chechik che kiyoktoi; ne mwaei agobo Jerusalem kole, Tun kimenyei; ak komwaei agobo nganasokab Juda kole, Tun kiteechei, ak ang’eet komoswekyik che kigoek karatwek:

JEREMIA 15:20

Ak ayain eng’ bichu iegu irimet ne ng’otat ne bo sugunwet; ak obarge ak ichek ago maiterterin; amu ami koboten si asorun ak atiachin, mwaei Jehovah.

JEREMIA 20:11

Ago mi Jehovah kobota ko u inendet ne kim ak komuisei: kinachi anyun usikyuk, ama iterterisiei: ililandos kot, amu ma yai eng’ ng’omnatet, ak magoi kiutie tewernatenywa ne bo koigeny.

JEREMIA 30:11

Amu ami koboten, mwaei Jehovah, si asorun; amu agesu bororiosiek tugul che kigayestochin, ago magesun inye; ago atigonenen kiruoget, amabagaktoin ama kibirin.

EZEKIEL 3:17

Ee, weritab chi, kandein iegu ribindet eng’ gotab Israel: kas anyun ng’olyot ne amwae, ak iteechi ichek eng’ ng’olyondennyu.

HAGGAI 2:4

Nyiganitu, ee Serubabel, mwaei Jehovah; ak inyiganitu, ee Josua weritab Jeosadak, tisiindet ne o; onyiganitu okwek bik tugul che bo emet, mwaei Jehovah, ak oboisie: amu ami kobotok, mwaei Jehovah ne bo lugosiek,

MALAKI 2:7

Amu kanyo korib kutitab tisiindet naet, ak kocheng’ bik ng’atutiet eng’ ng’alekyik: amu inendet ko chito ne iyoktoi Jehovah ne bo lugosiek.

MALAKI 3:1

Ogeero, ayogu chito nenyu, ne kiyoktoi, ak kochob oret eng’ tainnyu: ak sib konyonei hekalunnyi Kiptaiyat ne ocheng’e; ne chito ne kiyoktoi ne bo arorutiet, ne oboiboitune, ogeero, nyonei, mwaei Jehovah ne bo lugosiek.

MATAYO 1:23

Ogeero, manachi bergeiyat, ak kosich werit, ak keguure kainennyi Imanuel; ye kiweech ko ni, Mi Jehovah kobotech.

MATAYO 18:20

Amu ole katuiyechi aeng’u anan somok eng’ kainennyu, ami kwenunywa eng’ oloto.

MATAYO 28:20

onet ichek kosub tuguk tugul che kaang’atak: ak ogeero, ami kobotok eng’ betusiek tugul, agoi kagesunetab ng’ony.

ROMANIK 8:31

Kimwae nee anyun eng’ tuguchuto? Ngo mi Jehovah komostanyo, ko ng’o ne kirindaech?

2 KORINTOEK 5:20

Noto anyun ki tononjinik agobo Kristo, ko u ye igoigook Jehovah eng’ achek; kigoigook agobo Kristo, kele otuiyege ak Jehovah.

2 TIMOTEO 4:17

Ago kitonon Kiptaiyat kobota, ak kogimita; si kobiit keamda eng’ ane ng’alek komie, ak si kogas Bororiosiek tugul: ak kigisorua eng’ kutitab ng’etundo.

2 TIMOTEO 4:22

Ingoteb Kiptaiyat koboto tamirmirieng’ung’. Ingoteb mieindo kobotok.

KIRUOGIK 2:1

Ak kitogos malaikaiyatab Jehovah eng’ Gilgal konyo Bokim. Ak kile, Kiamutwak otogosu eng’ Misri, ak kiamutwak obwa emet ne kiayosiechi kwanisiekwok; ak kiamwa ale, Magoi abut kayomisennyu ne kigiarorjige ak okwek: