GALATYEK 5:7 - BUKUIT NE TILIL

⁷ Kioruae komie; ng’o ne koranyak si mogas it imanit?

Bukuit Ne Tilil

⁷ Ki orwae komyee; ng'oo ne koraanyak si mogas iit imanit?

BUKUIT NE TILIIL Sireet ne Dutero Kanon

⁷ Ki orwae komyee; ng'oo ne koraanyak si mogas iit imanit?

GALATYEK 5:7 ပူးပေါင်းရင်းမြစ်များ

MATAYO 13:21

ago matinyei tigitik inendet, ago tebyei ne matia; ak ye kanyo nyalilda anan usisiet agobo ng’olyot, kinach anyun ngunoto.

POISYONIGAP CHE KIYOKTOI 6:7

Kitesak anyun ng’olyotab Jehovah; ak kotesak mising’ koitetab alamalyet eng’ Jerusalem; ak kogas it kayanet tuiyet ne o ne bo tisiik.

ROMANIK 10:16

Ago kima kas it tugul logoiywek che miach. Amu mwaei Isaia kole, Kiptaiyandani, kigoyan ng’o ng’alekyok?

ROMANIK 15:18

Amu maganye ang’alal agobo tugun alak tugul kobate choto che kigoyai Kristo eng’ ane, agobo kasetab it ne bo Bororiosiek, eng’ ng’olyot ak yaet,

ROMANIK 16:26

ago kagong’ang’ak nguno, ak eng’ sirutik che bo maotik, ko u ng’atutietab Jehovah ne bo koigeny, ko kagiborji bororiosiek tugul agoi kasetab it ne bo kayanet;

ROMANIK 2:8

ago eng’ ichek che ngelelik, ama kase it imanit, ago che kase it ne ma bo imanda, koegu nyitatet ak nereknatet,

ROMANIK 6:17

Ago kimwachini Jehovah kongoi, amu, okwek che ki o otwogikab tengekto, ko kiogas it eng’ muguleldo konetisiet ne u ne kigegonok okwek;

1 KORINTOEK 9:24

Mongen ole icheget che ibelegei eng’ labatet koruaei tugul, ago agenge ne nyoru konunet? Oruai anyun, si onyoru.

2 KORINTOEK 10:5

kiluuli kabwatutik, ak kiy age tugul ne toror ne ieetegei kole kogirinda naetab Jehovah, ak koluulei kabwatet age tugul si kobiit kogas it Kristo;

GALATYEK 2:2

Ak kiatogoste eng’ ng’ang’utiet; ak kiatetyi ichek logoiywek che miach che aamdooti eng’ kwenutab Bororiosiek, ago eng’ ung’ot eng’ icheget che toogunotin, si maegu, eng’ or age tugul, ne alabati buch, anan ne kialabat buch.

GALATYEK 3:1

Ee Galatiechu berberen, ng’o ne kibanak, okwek che kiginde Jesu Kristo taitab konyekwok kotook kele kigigartat?

GALATYEK 5:10

Atinye kamang’unet eng’ okwek eng’ Kiptaiyat, ale amoegu che tinyei kabwatutik che ter: ago inendet ne inyalilok konyoru kiruogennyi, agot ngo ng’o.

2 THESSALONIKEK 1:8

eng’ mat ne lalei, koyaakyi mugetut icheget che ma nai Jehovah, ak ichek che magase it logoiywek che miach che bo Kiptaiyandennyo Jesu:

HEBRANIK 11:8

Kigas it Abraham eng’ kayanet ye kingeguur, ak kimanda kwo, ko maingen ole wendi, kwo komosta ne tun taachei koek borotet.

HEBRANIK 12:1

Noto anyun, amu kiyiemenech boldet ne o ne bo baorinik eng’ komoswek tugul, ongeiste nyigisindo age tugul, ak tengekto ne isib konamech, ak ongeruai eng’ muitaet eng’ kabeletab ge ne kiginde tainnyo,

HEBRANIK 5:9

ak kingo kageyai koek ne igesunotgei, koek inendet ne kitaunegei yetunet ne bo koigeny eng’ ichek tugul che kase it inendet;

1 PETERO 1:22

Amu kiotilil sobonwekwok eng’ kasetab it ne ogase it imanit kot koit chamnyetab tupchosiek ne matinyei kenisiet, ochamnye, okwege eng’ mugulelwekwok eng’ kagiiletab ge: