GALATYEK 5:19 - BUKUIT NE TILIL

¹⁹ Toogunotin anyun boisionik che bo borto, choto ko chu: sokset, simdo, maget ne ya agobo tuguk che yaach,

Bukuit Ne Tilil

¹⁹ Taagunotiin anyun poisyonik che po poorto, chooto ko chu: sokseet, simdo, mageet ne ya agobo tuguuk che yaach,

BUKUIT NE TILIIL Sireet ne Dutero Kanon

¹⁹ Taagunotiin anyun poisyonik che po poorto, chooto ko chu: sokseet, simdo, mageet ne ya agobo tuguuk che yaach,

GALATYEK 5:19 ပူးပေါင်းရင်းမြစ်များ

NG'ANG'UTYET 21:8

Ago che iyweisiei, ak che maiyani, ak che kiwechei, ak rumik, ak che soksei, ak bonik, ak che saei kanamonik, ak kiplembechonik tugul, kotinyei kebebertanywa eng’ araraita ne lale mat ak koik che laldos; ne noto ko meet ne bo aeng’.

GALATYEK 6:8

Amu inendet ne koljin bortanyi kotun kesei eng’ borto ng’emisiet; ago inendet ne koljin Tamirmiriet kotun kesei eng’ Tamirmiriet sobondo ne bo koigeny.

TITO 3:3

Amu kigi berberen agachek keny, kima kegase it, kigiberberech, keote magutik che terotin ak ureriosiek, ketebye eng’ yaitiet ak ng’etkong’, kigi che kiwechei ak kewechege.

1 KORINTOEK 3:3

amu ta omi eng’ atebetab borto: amu ko u ye mi kwenung’wong’ ng’etkonda ak boriet, tos momi eng’ atebetab borto, ak obendoti ko u biteetab bik?

ROMANIK 8:13

amu ngosubi borto, obegu matiny; ago ngobar eng’ Tamirmiriet boisionikab borto, osoptosi.

ROMANIK 8:5

Amu ichek che isubi borto kogereri met agobo tugukab borto; ago ichek che isubi Tamirmiriet kogereri met agobo tugukab Tamirmiriet.

NG'ANG'UTYET 22:15

Mi sang’ sesenik, ak bonik, ak che soksei, ak rumik, ak che saei kanamonik, ak age tugul ne chamei lembeita ak koyaei.

1 KORINTOEK 6:18

Omwee ibetab ge. Tengek age tugul ne yaei chi komitei sang’utab borto; ago inendet ne yaei ibetab ge koyachin bortanyi tengekto.

GALATYEK 5:17

Amu machei borto mising’ kogirinda Tamirmiriet, ak machei Tamirmiriet kogirinda borto; amu kirindogei chuto tuwai; si moyai tuguk che omache.

GALATYEK 5:13

Amu okwek che kitupche, ko kigiguurjok katiaget; ago moboisie katiageng’wong’ koek boroindo ne bo borto, ago oboisiechige okwege eng’ okwege eng’ chamnyet.

ROMANIK 8:9

Ago ma omi eng’ borto ago eng’ Tamirmiriet, ngo menyok Tamirmirietab Jehovah. Ago ngo matinyei chi Tamirmirietab Kristo ko ma nenyi.

ROMANIK 7:18

Amu angen ale eng’ ane, noto ko eng’ bortanyu, ko mamenyei kiy ne mie: amu mi chamet kobota, ago ale ayai noto mie, ko mayae.

ROMANIK 7:5

Amu ye kingota kemi eng’ borto ko kiboisiei magutik che bo tengek eng’ kebeberwekab borwekyok, che kimi amu Ng’atutiet, si koiiyo logoek che ityin meet.

JOHANA 3:6

Ne kigisich eng’ borto ko borto; ak ne kigisich eng’ Tamirmiriet ko tamirmiriet.

TIENWOGIKAL 17:4

Ago eng’ boisionikab bik, ko kiaripge amu ng’olyot ne bunu kuting’ung’ Si masub ortinwekab rebik.

ROMANIK 8:3

Amu kit ne kima imuch Ng’atutiet koyai, amu nyaluletab borto, koyok Jehovah Werinnyi eng’ kergeindab bortab tengek si koek kagochinet ne bo tengekto, kogikyi tengekto eng’ borto:

ROMANIK 7:25

Amwachini Jehovah kongoi eng’ Jesu Kristo Kiptaiyandennyo. Noto anyun, aote eng’ ng’omnatennyu Ng’atutietab Jehovah, ago eng’ borto aote ng’atutikab tengekto.

HEBRANIK 13:4

Ingogonyit tugul katunisiet, amat koek itogut ne tinyei simdo: amu tun iruokyin Jehovah che soksei ak che ibegei.