GALATYEK 5:13 - BUKUIT NE TILIL

¹³ Amu okwek che kitupche, ko kigiguurjok katiaget; ago moboisie katiageng’wong’ koek boroindo ne bo borto, ago oboisiechige okwege eng’ okwege eng’ chamnyet.

Bukuit Ne Tilil

¹³ Amu okweek che kitupche, ko ki kiguurchok katyaget; ago moboisyee katyageng'wong' koek poroindo ne po poorto, ago oboisyechigei okweegei eng' okweegei eng' chamyet.

BUKUIT NE TILIIL Sireet ne Dutero Kanon

¹³ Amu okweek che kitupche, ko ki kiguurchok katyaget; ago moboisyee katyageng'wong' koek poroindo ne po poorto, ago oboisyechigei okweegei eng' okweegei eng' chamyet.

GALATYEK 5:13 ပူးပေါင်းရင်းမြစ်များ

ISAIAH 61:1

Mi kobota tamirmirietab Kiptaiyat Jehovah; amu kiila Jehovah si kobiit aamji logoiywek che miach che nyerotin; kigoyokta anya che ilyotin mugulelwek, si kobiit aamji luulenik katiaget, ak kitiach che ratotin.

LUKA 4:18

Mi Tamirmirietab Kiptaiyat kobota, Ami kiila si kobiit aamji kibananok logoiywek che miach: Kiiyokwa si kobiit aamji luulenik katiaget, Asi kobiit kogeerto kipkoratinik, Ak atiach che kigiguoten.

POISYONIGAP CHE KIYOKTOI 20:35

Kiagonok kaborunet eng’ tuguk tugul, ale ye oboisiei ko nyolu otoret che matinyei kimnatet, ak obwati ng’alekab Kiptaiyat Jesu, ko u ye kimwa inendet kole, Tinyei boiboiyet kagoitoet kosiir taaget.

1 KORINTOEK 8:9

Ago oripge si maek kanagutiet kimnatoning’wong’ eng’ che nyalulyotin.

1 KORINTOEK 9:19

Agot ngo kiatiagat eng’ bik tugul, ko kiayaige aek ne ratat agobo tugul, si kobiit anyor che siirtoot.

2 KORINTOEK 12:15

Ak abaibai mising’ aboisie chechuk ak keboisena agobo sobonwekwok. Ngot achamok mising’ kosiir, ko tos kichama kitigin?

2 KORINTOEK 2:8

Noto anyun asomok ale ogimit chamnyeng’wong’ eng’ inendet.

2 KORINTOEK 3:17

Kiptaiyat ko Tamirmiriet anyun: ak ole mi Tamirmirietab Kiptaiyat komi katiaget.

2 KORINTOEK 4:5

Amu magiamdoti agobo ge, ago Kristo Jesu ne Kiptaiyat, ak acheget ko ki otwogikwok amu Jesu.

GALATYEK 2:4

amu tupchosiek che bo lembech che kigimut kobwa orit eng’ ung’ot, che kimong’ eng’ ung’ot kosegei katiagennyo ne kitinye eng’ Kristo Jesu, si kobiit kondeech otwoknatet:

GALATYEK 4:22

Amu kigisir kele, Kitinyei Abraham werik aeng’, age eng’ chepto ne otwogin, ak age eng’ kobogoriot ne itiagat.

GALATYEK 5:1

Kiitiachech Kristo eng’ katiaget; otononse komie anyun, amatata keratak kogeny eng’ chogitab otwoknatet.

GALATYEK 5:14

Amu isuldoi Ng’atutik tugul eng’ ng’olyot agenge, noto ko ni; Cham chitab kokweng’ung’ ko u ole ichamdoige.

GALATYEK 5:22

Ago logoiyotab Tamirmiriet ko chamnyet, boiboiyet, kalyet, muitaet, talasiet, mieindo, atepto ne kiyani,

GALATYEK 6:2

Otoretge eng’ nyalilwogik, oyae kosulda ng’atutikab Kristo.

EPESOEK 5:21

oming’injige ge eng’ kaiyweisietab Kristo.

1 THESSALONIKEK 1:3

kibwati ne magisise, boisieng’wong’ ne bo kayanet ak boisiet ne uui ne bo chamnyet ak muitaetab kamang’unet eng’ Kiptaiyandennyo Jesu Kristo, eng’ taitab Jehovah nenyo ak ko Kwanda;

1 PETERO 2:16

ko u che itiogotin, amoboisie katiaknateng’wong’ ko u kit ne otektoe yaitiet, ago oboisie ko u otwogikab Jehovah.

2 PETERO 2:19

koarorjin ichek katiaget, ago icheget ko otwogikab ng’emisiet; amu inendet ne iterteri chito age, koyaei chichoto koek otwogindet.

JUDA 1:4

Amu mi bik alak che kichut orit eng’ ung’ot, ichek che kigichopchi kiruogoni koboch keny, bik che maiywei Jehovah, che walei mieindab Jehovah nenyo koek maget ne ya, ak koesioi Laitoriandennyo, ne inegei, ak ko Kiptaiyandennyo Jesu Kristo.