GALATYEK 4:9 - BUKUIT NE TILIL

⁹ ago nguno ko kaonai Jehovah, anan ko kagonaak okwek Jehovah, amu nee anyun si oweektege let kogeny oweekyige konetisiosiek che bo tai che nyalulyotin ak che bo bananda, eng’ choto omache oweekyige otwoknatenywa kogeny?

Bukuit Ne Tilil

⁹ ago nguno ko kaonai Kamuktaindet, anan ko kagonaak okweek Kamuktaindet, amu nee anyun si oweektegei let kogeny oweekyigei kaneetisyosyek che po tai che nyalulyotin ak che po pananda, eng' chooto omache oweekyigei otwogindennywa kogeny?

BUKUIT NE TILIIL Sireet ne Dutero Kanon

⁹ ago nguno ko kaonai Kamuktaindet, anan ko kagonaak okweek Kamuktaindet, amu nee anyun si oweektegei let kogeny oweekyigei kaneetisyosyek che po tai che nyalulyotin ak che po pananda, eng' chooto omache oweekyigei otwogindennywa kogeny?

GALATYEK 4:9 ပူးပေါင်းရင်းမြစ်များ

1 LAITORINIK 8:43

igas eng’ kipsengwet oldang’ung’ ole imenye, ak iyai ko u tuguk tugul che kaguurjin chichoto bo bororiosiek; si kobiit konai kaineng’ung’ bik tugul che bo ng’ony, koiywein, ko u ye iywein biguk Israel, ak si kobiit konai kole goi kiateech kemwaitoe kaineng’ung’.

1 ATEPTAP PEETUUSYEK 28:9

Nai anyun inye Solomon werinnyu, Kamuktaindetab kwandang’ung’, ak iboisiechi inendet eng’ muguleldo ne igesunotgei, ak eng’ kabwatutik che tinyei chamet: amu isiachi Jehovah mugulelwek tugul, ak koguitos kabwatutik tugul che bo metit: ngot icheng’ inendet, inyoru: ago ngot imete inendet, kowirtoin koigeny.

TIENWOGIKAL 1:6

Amu ingen Jehovah oretab che bo imanda: Ago betei oretab kiptengeginik.

TIENWOGIKAL 9:10

Ak imang’un che ingen kaineng’ung’; Amu ma imete inye, Jehovah che cheng’in.

KOMONG'U 33:17

Ak kilenji Jehovah Musa, Ayae ng’olyondoni kemwa agine: amu kenyoru chamet eng’ tainnyu, ak angen kaineng’ung’.

KALEWANAIK 2:5

Iguiye anyun kaiyweisiet ne kiywei Jehovah, Ak inyoru inai Kamuktaindet.

JEREMIA 31:34

Ama koneti kogeny chi age tugul chitab kokwennyi, ama koneti chi age tugul ng’etab kamet, kolenjin, Nai Jehovah: amu tun naa ichek tugul, koboch ne ming’in eng’ ichek agoi ne o, mwaei Jehovah: amu anyochini kaat amun yaitienywa, ama abwati tengektanywa kogeny.

HABAKUK 2:14

Amu nyiiei ng’ony naetab torornatetab Jehovah, ko u ye nyiiei beek nyanjet.

MATAYO 11:27

Kigogona tuguk tugul Baba: ama mi ne ingen Werit, kobate Kwanda; ama mi ne ingen Kwanda kobate Werit, ak chi age tugul ne chamei Werit kong’ang’jin.

LUKA 5:38

Ago kanyol kinde divaik che leelach lolotinwek che leelachen.

JOHANA 10:14

A mestowot ne mie; ak angen chechuk, ak kongena chechuk,

JOHANA 10:27

Kasei kutinnyu kechirekyuk, ak angen ichek, ak kosuba:

JOHANA 17:3

Ak ni sobondab koigeny, ale konain Jehovah ne inyendet inyege ne bo iman, ak Jesu Kristo, ne kiiyogu.

ROMANIK 8:29

Amu Jehovah ne kisib konai ichek, ko inendet ne kisib kolewen ichek si kogergeit ak itondab Werinnyi, si koek ne bo tai eng’ che tupcho che chang’:

ROMANIK 8:3

Amu kit ne kima imuch Ng’atutiet koyai, amu nyaluletab borto, koyok Jehovah Werinnyi eng’ kergeindab bortab tengek si koek kagochinet ne bo tengekto, kogikyi tengekto eng’ borto:

1 KORINTOEK 13:12

Amu nguno kegeere eng’ kioit, eng’ tamirmiron; ago tun ko togoch eng’ togoch: nguno angen eng’ kebeberta; ago tun anae ko u ye kigenaa.

1 KORINTOEK 15:34

Ogosu eng’ imanda, amat oyai tengek; amu maingen alak Jehovah: amwae ni si agonok olilan.

1 KORINTOEK 8:3

ago ngo chamei chi age tugul Jehovah, ko naat chichoto eng’ inendet.

2 KORINTOEK 11:20

Amu omuitochini chito, ngo yaak oegu otwogik, ngo amok, ngo namak, ngo tororgei, ngorabachok.

2 KORINTOEK 4:6

Amu Jehovah ne kimwa kole, Tun iluu lapkeiyet kobunu mesundeito, inendet ne kiiluuchi mugulelwekyok, si kogon lapkeiyet ne bo naetab torornatetab Jehovah eng’ togetab Jesu Kristo.

GALATYEK 3:3

Tos kaga o berberen ko u noto? Ngo kiotau eng’ Tamirmiriet, omache nguno oegu che ogesunotingei eng’ borto?

GALATYEK 4:3

Ki u noto ak achek, kingota ko ki lagok, ko kigi ratotin eng’ konetisiosiek che bo tai che bo ng’ony:

EPESOEK 1:17

ale ingogonok Jehovah ne bo Kiptaiyandennyo Jesu Kristo, Kwanda ne bo torornatet, tamirmiriet ne bo ng’omnatet ak ng’ang’utiet eng’ naetab inendet;

2 TIMOTEO 2:19

Ago tononi lumeiywot ne kim ne bo Jehovah, kotinyei ng’oksoni kele, Ingen Kiptaiyat ichek che chechik; ak, Ingoistoegei yaitiet age tugul ne mwaei kainetab Kiptaiyat.

HEBRANIK 7:18

Amu mitei metoet ne bo ng’atutiet ne kiga kindoune, amu nyalulennyi ama tilei kiy

2 PETERO 2:20

Amu ye kagochililye muruonindab ng’ony eng’ naet ne naei Kiptaiyat ak ko Yetindet Jesu Kristo, ko ngot ko ta koratgei kogeny ak tuguchoto ak kiterter, koyaitu atebenywa ne bo let kosiir ne bo tai.

1 JOHANA 5:20

Ak kingen kele kigonyo Weritab Jehovah, ak kigogonech kaguiyet, si kobiit kenai inendet ne bo iman, ak kemi eng’ inendet ne bo iman, eng’ Werinnyi Jesu Kristo. Nito ko Jehovah ne bo iman, ak sobondab koigeny.