GALATYEK 4:8 - BUKUIT NE TILIL

⁸ Ago eng’ betunoto, kima ongen Jehovah, ko kio otwogikab icheget che kima ko cheptalelisiek che ma bo iman:

Bukuit Ne Tilil

⁸ Ago eng' peetuunooto, ki ma ongen Kamuktaindet, ko ki oo otwogigap icheeget che ki ma ko kamuktaik che ma po iman:

BUKUIT NE TILIIL Sireet ne Dutero Kanon

⁸ Ago eng' peetuunooto, ki ma ongen Kamuktaindet, ko ki oo otwogigap icheeget che ki ma ko kamuktaik che ma po iman:

GALATYEK 4:8 ပူးပေါင်းရင်းမြစ်များ

2 ATEPTAP PEETUUSYEK 13:9

Ma oonu tisiikab Jehovah, werikab Aron, ak Lawik, ak olewenjige tisiik, osubi bitonwekab bikab emotinwek alak? Si age tugul ne nyonei koanyinyegei kirgit ak mengichik tisab, koegu noto tisiindetab tuguk che matilei kiy.

KOMONG'U 5:2

Ak kile Parao, Ng’o Jehovah, ne tos agas it ng’alekyik kot achamji Israel koba? Mangen Jehovah, ak kogeny, machamjini Israel koba.

ISAIAH 37:19

ak kigowirji ma kanamonikwak: amu kima ko cheptalelisiek, ago ki boisietab eunekab bik, ketit ak koik; king’em anyun ichek tuguchoto amu noto.

JEREMIA 10:25

Rong’ji neregeguk che ng’wonen bororiosiek che maingenin, ak ortinwek che maguurei kaineng’ung’; amu kigoam Jakobo, ee, kigoam inendet ak koges, ak kigong’em meng’otenywa.

JEREMIA 16:20

Tos yachingei chito kanamonik, che ma cheptalelisiek?

JEREMIA 2:11

Tos kigowal bororiet kanamonikwak agot ngo ma cheptalelisiek? Ago kigowal bikyuk torornatenywa agobo kit ne magonu kelunet.

JEREMIA 5:7

Amuktoi ano anyoun kaat? Kigometa lagoguk, ak kigiyosio agobo kanamonik che ma cheptalelisiek: kingo kaabai kobiyong’so, koyai ibetab ge, ak koyumjinotgei gorikab chepkugonik.

JOHANA 1:10

Kimi ng’ony inendet, ak kigiyai ng’ony eng’ inendet, ak kima nai ng’ony inendet.

POISYONIGAP CHE KIYOKTOI 14:12

Ak kiguure Barnaba, Seu; koguure Paulo, Herme, amu ki ng’alalindet ne o inendet.

POISYONIGAP CHE KIYOKTOI 17:23

Amu ye kiasiirtoi, ak ageer tuguk che osae, anyoru agine kapkorosut ne tinyei sirutichu, BO CHEPTALELIT NE MANAEI CHI. Noto anyun ne osae amongen, aboruok anyun nito.

ROMANIK 1:23

ak kowal torornatetab Jehovah ne ma ng’emaksei kogergeit ak itondab chito ne ng’emaksei, ak ne bo taritik, ak tiong’ik che bo kelyek ang’wan, ak tuguk che ichuutegei.

ROMANIK 1:28

Ak ko u ye kiesio kotebe Jehovah naenywa, kobagakyi Jehovah ichek kabwatutik che kigong’emogis, si koyai tuguchoto che ma nyolu;

1 KORINTOEK 1:21

Amu eng’ ng’omnatet ne bo Jehovah ko ma nai ng’ony Jehovah eng’ ng’omnatennyi, kicham Jehovah kosor icheget che iyani, eng’ berberindo ne bo ng’olyot ne kiamdoi.

1 KORINTOEK 12:2

Ongen ole kingota ko o Bororiosiek, ko kigiretok obe oldab kanamonichoto che matwegu, ko u ye kigindoiywok.

1 KORINTOEK 8:4

Noto anyun eng’ amet ne bo tuguk che kieng’jin kanamonik, kingen kele mami kanamwet ne kiy eng’ ng’ony, ama mi Jehovah age kobate agenge.

GALATYEK 4:3

Ki u noto ak achek, kingota ko ki lagok, ko kigi ratotin eng’ konetisiosiek che bo tai che bo ng’ony:

EPESOEK 4:18

che imenen eng’ nautikwak, che kigiyai koek kipsagarek eng’ sobondab Jehovah, amu berberindo ne mi eng’ ichek, amu uuindab mugulelwekwak;

1 THESSALONIKEK 1:9

Amu icheget che ibortoi agobo achek ole kigibwanunde oldang’wong’; ak ko u ye kioweekyige Jehovah olakte kanamonik, si kobiit oot Jehovah ne sobei ak ko ne bo iman,

1 THESSALONIKEK 4:5

ma eng’ maget ne bo kasetab miat, agot ko u Bororiosiek che maingen Jehovah;

2 THESSALONIKEK 1:8

eng’ mat ne lalei, koyaakyi mugetut icheget che ma nai Jehovah, ak ichek che magase it logoiywek che miach che bo Kiptaiyandennyo Jesu:

JOSHUA 24:15

Ak ngot ogeere ko ya oboisiechini Jehovah, olewen rani ne oboisiechini; ngo kanamonik che kiotei kwanisiekwok eng’ Ainet bitonin, anan kanamonikab Amorik, che omenye emenywa: ago aboisiechini ane Jehovah, koboto gonnyu.

JOSHUA 24:2

Ak kilenji Josua bik tugul, Kamwa ko u ni Jehovah Kamuktaindetab Israel, kole, Kimenyei kwanisiekwok keny Ainet bitonin, Tera, kwandab Abraham, ak ko kwandab Nahor: ak kiotei kanamonik.

1 PETERO 4:3

Amu kigoyam betusiek che kigosiirto kosulda magetab Bororiosiek, ye kiobendoti eng’ magutik che yaachen, ak kasetab miat, eetab maiyek, ak wasang’natet, ak saetab kanamonik che etei ng’atutik:

1 JOHANA 3:1

Ogeero, chamnyet ne u nee ne kichamenech Kwanda, kot keguurenech lagokab Jehovah! Ago ki choto achek. Amu nito anyun, ko maingenech ng’ony, amu kima nai inendet.