GALATYEK 3:22 - BUKUIT NE TILIL

²² Ago kigoratyi sirutiet tuguk tugul kimnatetab tengekto, si kobiit kigochi che iyani, arorutiet eng’ kayanet eng’ Jesu Kristo.

Bukuit Ne Tilil

²² Ago ki koratyi siruutyet tuguuk tugul kimnateetap tengekto, si kobiit kigoochi che iyani, arorutyet eng' kayaneet eng' Jeso Kristo.

BUKUIT NE TILIIL Sireet ne Dutero Kanon

²² Ago ki koratyi siruutyet tuguuk tugul kimnateetap tengekto, si kobiit kigoochi che iyani, arorutyet eng' kayaneet eng' Jeso Kristo.

GALATYEK 3:22 ပူးပေါင်းရင်းမြစ်များ

TIENWOGIKAL 143:2

Ameruokyi otwogindeng’ung’; Amu mami chi ne sobei ne kiityin imanda eng’ taing’ung’.

MARIKO 16:16

Inendet ne iyani ak kibatisan kesoru; ago inendet ne maiyani ko tun kiruokyin.

JOHANA 12:46

Kianyo aegu lapkeiyet eng’ ng’ony, si ma kotebyei eng’ mesundeito chi age tugul ne iyana.

JOHANA 20:31

ago kigisir chu, si kobiit oyan ole Jesu ko Kristo, Weritab Jehovah; ak si kobiit ye oyani onyoru sobondo eng’ kainennyi.

JOHANA 3:36

Tinyei sobondab koigeny ne iyani Werit; ama keerei sobondo ne magase it Werit, ago tebe neregekab Jehovah baragunnyi.

JOHANA 5:24

Amwawok, iman, iman, ale, Inendet ne kasei ng’olyondennyu, ak koyani inendet ne kiiyokwa, kotinyei sobondab koigeny, ama wendi ole mi kiruoget, ago kagomong’ eng’ meet komong’ji sobondo.

JOHANA 6:40

Amu ni magetab Baba, ale chi age tugul ne keerei Werit, ak koyan inendet, konyoru sobondab koigeny; ak ang’eeti inendet eng’ betutab let.

POISYONIGAP CHE KIYOKTOI 16:31

Kolenji, Iyan Kiptaiyat Jesu, si kesorun, inye ak gong’ung’.

ROMANIK 10:9

amu nging’any eng’ kuting’ung’ ile Jesu ko Kiptaiyat, ak iyani eng’ muguleldang’ung’ ile kiing’eet Jehovah inendet komong’une che kibek, kesorun:

ROMANIK 11:32

Amu kigoratyi Jehovah tugul eng’ bistoet, si kobiit korire tugul.

ROMANIK 3:22

agot imandab Jehovah ne mi eng’ kayanet eng’ Jesu Kristo eng’ icheget tugul che iyani; amu mami kabesiet;

ROMANIK 3:23

amu kigoyai tugul tengek, ama ityin torornatetab Jehovah;

ROMANIK 5:12

Noto anyun, ko u ye kimong’ji ng’ony tengek eng’ chito agenge, ak meet amu tengek; koityi anyun meet bik tugul, amu kiyai tugul tengek -

GALATYEK 3:14

si kobiit konyonji Bororiosiek kaberuretab Abraham eng’ Kristo Jesu; si kobiit ketaach arorutietab Tamirmiriet eng’ kayanet.

GALATYEK 3:17

Amwae ni anyun ale; Kayomiset ne kisib kogimit Jehovah, noto Ng’atutiet ne kinyonei ko kagobata kenyisiek bogol ang’wan ak sosom, ko mawalei koek buch, kele, si koyai arorutiet koek ne matilei kiy.

GALATYEK 3:23

Ago ye kitomo konyo kayanet, ko kigiribech eng’ Ng’atutiet. Kiga kiratech agoi koit kayanet ne kitun keng’any eng’ let.

GALATYEK 3:29

Ak ngot o bo Kristo, ko o keswekab Abraham anyun che namei tuguk ko u eng’ arorutiet.

2 TIMOTEO 1:1

Paulo, ne kiyoktoi ne bo Kristo Jesu eng’ magetab Jehovah, ko u arorutiet ne bo sobondo ne mitei eng’ Kristo Jesu,

HEBRANIK 9:15

Ak amu ng’olyondonito inendet ko katuiyoindetab kayomiset ne leel, si kobiit konyor che kigeguur, arorutietab borotet ne bo koigeny, ye kingo kagobiit meet agobo katiagetab bistaosiek che kimitei eng’ kayomiset ne bo tai.

2 PETERO 1:4

kigogonech eng’ choto arorutik che miachen mising’ ak ko eechen inne; si kobiit oegu eng’ chuto yamdoikab atebetab Jehovah, ko kaochililye ng’emisiet ne mi ng’ony amu maget ne ya.

2 PETERO 3:13

Ago, kigeni kipsengwet ne leel ak ng’onyut ne leel ko u arorutiennyi, ole menyei imanda.

1 JOHANA 2:25

Ak ni arorutiet ne kiiaroruech inendet, noto ko sobondab koigeny.