GALATYEK 3:14 - BUKUIT NE TILIL

¹⁴ si kobiit konyonji Bororiosiek kaberuretab Abraham eng’ Kristo Jesu; si kobiit ketaach arorutietab Tamirmiriet eng’ kayanet.

Bukuit Ne Tilil

¹⁴ si kobiit konyonji Pororyosyek kaberuretap Abraham eng' Kristo Jeso; si kobiit ketaach arorutyetap Kabuuset ne Tiliil eng' kayaneet.

BUKUIT NE TILIIL Sireet ne Dutero Kanon

¹⁴ si kobiit konyonji Pororyosyek kaberuretap Abraham eng' Kristo Jeso; si kobiit ketaach arorutyetap Kabuuset ne Tiliil eng' kayaneet.

GALATYEK 3:14 ပူးပေါင်းရင်းမြစ်များ

TAUNET 22:18

ak tun kiberuri bororiosiek tugul che bo ng’ony eng’ keswondeng’ung’; amu kegas it kutinnyu.

ISAIAH 32:15

agoi kerong’wech tamirmiriet eng’ barak, ak koek ong’atet mbaret ne rurei, ak kiroge mbaret ne rurei, osnet.

ISAIAH 41:8

Ago inye Israel, otwogindennyu, Jakobo ne kialewen, iyotetab choruennyu Abraham;

ISAIAH 49:6

ee, mwaei kole, Kiy ne ming’in iegu otwogindennyu, si kobiit ing’eet bororiosiek che bo Jakobo, ak iweech che kigirib che bo Israel: agonin kogeny iegu lapkeiyetab Bororiosiek, si kobiit iegu yetunennyu agoi tabanwekab ng’ony.

ISAIAH 52:10

Amu kigobarta Jehovah eunnyi ne tilil eng’ taitab bororiosiek tugul; ak keerei tabanwek tugul che bo ng’ony yetunetab Kamuktaindennyo.

JEREMIA 31:33

Ago ni kayomiset ne kiyomisige ak gotab Israel ye ibata betusiechoto, mwaei Jehovah; andoi ng’atutiennyu orinywa, ak asirjini mugulelwekwak: ak aegu Kamuktaindenywa, ak koek bikyuk.

JEREMIA 32:40

ak kiyomisige ak ichek kayomiset ne bo koigeny, ale matuktochini batai ichek ago ayachini ne mie; ak ande kaiyweisiennyu mugulelwekwak, si maistoenagei.

EZEKIEL 11:19

Ak agochi ichek muguleldo agenge, ak amdeak tamirmiriet ne leel; ak aiste muguleldab koita eng’ borwekwak, ak agochi ichek muguleldo ne bo banyek:

EZEKIEL 39:29

ama aung’e ichek togennyu kogeny; amu kaarong’ji tamirmiriennyu gotab Israel, mwaei Kiptaiyat Jehovah.

SEKARIA 12:10

Ak arong’ji tamirmirietab mieindo ak ne bo somet gotab Daudi, ak bik che menyei Jerusalem, ak konyala ichek che kitoora: ak kotee agobo inendet ko u ye iteei chi agobo werinnyi ne kigii inegeik ak konyo ng’wanindo agobo inendet, ko u inendet ne mi eng’ ng’wanindo agobo taitanyi.

LUKA 11:13

Ngongen okwek che o yaach ogochi lagokwok tuguk che miach, siirei anyun ne tia kagoitoet ne igochin Kwandang’wong’ ne mi kipsengwet Tamirmiriet ne Tilil ichek che somei inendet!

LUKA 24:49

Ak ogeero, ayogu kayomisetab Baba kotebi eng’ okwek: ago otebi okwek eng’ nganaset, agoi kilaakwok kimnatet ne bunu barak.

JOHANA 7:39

Ago kimwaei nito agobo Tamirmiriet, ne tun taachei ichek che iyani inendet: amu kitom kegon Tamirmiriet; amu kitom kitoror Jesu.

POISYONIGAP CHE KIYOKTOI 2:33

Amu itororot inendet eng’ eutab tai ne bo Jehovah, ak ko kagetaach eng’ Kwanda kayomiset ne bo Tamirmiriet ne Tilil, ko kagorong’ anyun nito ogeere ak ogase.

POISYONIGAP CHE KIYOKTOI 4:12

Ama mi yetunet eng’ chito age: amu mami kainet age eng’ kureretab kipsengwet, ne kigigochi bik, ne kanyol kesorunenech.

POISYONIGAP CHE KIYOKTOI 5:32

Ak ki baorinik achek che bo tuguchu; ak Tamirmiriet ne Tilil agine, ne kigogochi Jehovah ichek che kase it inendet.

1 KORINTOEK 12:13

Amu eng’ Tamirmiriet agenge ko kigibatisanech achek tugul keegu borto agenge, ngo Yahudik anan Yunanik, ngo ratotin, anan kotiagotin, ak kigigonech achek tugul kee eng’ Tamirmiriet agenge.

2 KORINTOEK 1:22

ak king’ochech, ak kogonech Tamirmiriet eng’ mugulelwekyok koek tongoaniatab tuguk che bwanei.

GALATYEK 3:16

Kigimwachi anyun Abraham arorutichoto, ak keswondennyi. Mamwaei kole, Igochin keswekyik, ko u ye kachang’a; ago ko u agenge, kole, Ak eng’ keswondeng’ung’, noto ko Kristo.

GALATYEK 3:2

Ni kityo ne amache anetenage, Kiotaach Tamirmiriet eng’ boisionikab Ng’atutiet, anan eng’ kaset ne bo kayanet?

GALATYEK 4:6

Ak amu o werik, ko kiiyokyi Jehovah Tamirmirietab Werinnyi mugulelwekyok, ne rirei, kole, Aba, Kwanda.

EPESOEK 2:18

amu kinyoru achek tuwai eng’ inendet orennyo eng’ Tamirmiriet agenge, ne kiite ole mi Kwanda.

EPESOEK 2:22

kigiteechak ak okwek oegu agenge eng’ inendet, ole menyei Jehovah eng’ Tamirmiriet.

EPESOEK 3:16

si kobiit kogonok, ko u magornatosiekab torornatennyi, ogimegitu eng’ kamuktaet eng’ Tamirmiriennyi eng’ chito ne bo orit;

EPESOEK 4:30

Ak amogochi arogenet Tamirmiriet ne Tilil ne bo Jehovah ne kigindaenak ng’okset agoi betutab katiaget.

1 PETERO 1:22

Amu kiotilil sobonwekwok eng’ kasetab it ne ogase it imanit kot koit chamnyetab tupchosiek ne matinyei kenisiet, ochamnye, okwege eng’ mugulelwekwok eng’ kagiiletab ge:

1 PETERO 3:9

che mayaaktoi yaitio eng’ yaitio, anan ko ng’emetab kut eng’ ng’emetab kut; ago oegu che iberurisiei; amu kigiguurjok nito, si onam kaberuret.