GALATYEK 3:13 - BUKUIT NE TILIL

¹³ Kiitiachech Kristo eng’ chubisietab Ng’atutiet ye kiek inendet chubet agobo achek: amu kigisir kele, Chubot chi age tugul ne kisonginini eng’ ketit:

Bukuit Ne Tilil

¹³ Ki ityaachech Kristo eng' chubisyetap Ng'atuutyet ye ki ek ineendet chubeet agobo acheek: amu ki kisir keele, Chuboot chii age tugul ne kisonginini eng' keetit:

BUKUIT NE TILIIL Sireet ne Dutero Kanon

¹³ Ki ityaachech Kristo eng' chubisyetap Ng'atuutyet ye ki ek ineendet chubeet agobo acheek: amu ki kisir keele, Chuboot chii age tugul ne kisonginini eng' keetit:

GALATYEK 3:13 ပူးပေါင်းရင်းမြစ်များ

2 SAMUEL 17:23

Ak kingogeer Aitopel kole, mata kosub chi kiruogennyi, koiito sigiriennyi, ak kong’eet, kwo ga, kot koit nganasennyi, ak kwo korarji ket bikab gonnyi, ak kogetgei; ak kime; ak kigitupchi kereritab kwandanyi.

2 SAMUEL 18:10

Ak kigeer chito age, ak komwachi Joab kolenji, Keero, kageer Absalom kosonginini eng’ ketit.

2 SAMUEL 21:3

ak kilenji Daudi Gibeonik, Ayaiywok nee? Ak ayai kagaigao nee, si kobiit oberur borotetab Jehovah?

2 SAMUEL 21:9

ak kiinde eunekab Gibeonik, ak kiigartat ichek eng’ tulwet eng’ taitab Jehovah, ak kibek tugul ko tisab kibagenge: ak kigibar ichek eng’ betusiekab kesisiet, eng’ betusiek che bo tai eng’ taunetab kesisietab sairik.

2 LAITORINIK 22:19

amu kang’arng’arit muguleldang’ung’, ak iming’inge eng’ taitab Jehovah, ye kangigas kit ne kiamwa agobo koroni, ak agobo bik che menyei koronito, ale egu karaita ak chubet, ak amu kegerer ngoroiguk ak irir eng’ tainnyu; kaagasin agane, mwaei Jehovah.

ESTA 7:10

Kiigartat anyun bichoto Haman eng’ ketit ne kiga kochopchi inendet Mordekai. Kosisyo anyun neregekab laitoriat.

ESTA 9:14

Ak king’at laitoriat koyaak ko u noto: ak kigigon ng’atutiet eng’ Susan; ak kigigartat werichoto taman bo Haman.

JEREMIA 44:22

kot ko mata komuch Jehovah komuita, amu yaitietab boisionikwok, ak amu tuguk che kiwechei che kioyai? Kiek anyun emeng’wong’ ne kuberot, ak ne kikwong’e, ak ne kisasei, ama menyei chi, ko u ye u rani.

JEREMIA 49:13

Amu kiayosiechige, mwaei Jehovah, ale, Egu Bosra ne kikwong’e; ne kichotei, ak karatia, ak ne kisasei; ak koek nganasokyik tugul karatwek kotugul.

DANIEL 9:24

Kaging’atyi biguk wigisiek tamanwogik tisab koboto nganaseng’ung’ ne tilil, si kiges bistoet, ak kiges tengekwogik, ak keyai katuiyet agobo tengekto, ak keib imanda ne bo koigeny, ak keng’och ng’ang’utiet ak maoinatet, ak kiil, kitaban ole tilil mising’.

DANIEL 9:26

Ak ye ibata wigisiek tamanwogik lo ak aeng’ keisto inendet ne iilat ama kotinyei kiy: ak kobwa bikab bounindet kong’em nganaset ak ole tilil; ak nyonei kagesunennyi koboto maranet, ak egu luget agoi let; kigeng’at ng’emisiosiek.

SEKARIA 13:7

Ng’eet, ee rotwetab chok, borie mestowondennyu, borie chito ne kimi tuwai, mwaei Jehovah ne bo lugosiek: bir mestowot, si koiyesta kechirek; ak atokyi eunnyu che mengechen.

MATAYO 26:28

amu chuto korotikyuk che bo arorutiet, che kitumdoi agobo che chang’ che bo nyoetab kaat ne bo tengekwogik.

MATAYO 27:5

Ak kiwirji fedaisiek hekalut, ole tilil, ak komanda; ak kiwa anyun kogetgei.

POISYONIGAP CHE KIYOKTOI 5:30

Kiing’eet Jehovah ne bo kwanisiekyok Jesu, inendet ne kiobar ogartat eng’ ketit.

ROMANIK 4:25

ne kigigoito amu bistautikyok, ak kiging’eet si kobiit kiityech imanda.

ROMANIK 9:3

Amu kata amache ale king’wanita anendet eng’ Kristo agobo tupchosiekyuk, che bikyuk eng’ borto:

2 KORINTOEK 5:21

Inendet ne kima kongen tengek, ko kiyai inendet koek tengek amu achek; si kobiit keegu imanda ne bo Jehovah eng’ inendet.

GALATYEK 3:10

Amu tugul che mi eng’ boisionikab Ng’atutiet, komitei eng’ chubet: amu kigisir kele, Chubot chi age tugul ne matebyei eng’ tuguk tugul che kigisir eng’ bukuitab Ng’atutiet, kele koyai choto.

GALATYEK 4:5

si kobiit kotiach ichek che kimi eng’ Ng’atutiet, si kobiit keyaech keegu werik.

EPESOEK 5:2

ak obendate chamnyet, ko u ye kichamak Kristo agine, ak kogoitogei agobo achek, koek kagochinet ak tiseiywot eng’ Jehovah ne ng’uu ne nyamdut.

NG'ATUTIK 21:23

ko mat kotebe musto ketit barak agoi koeech, ago kanyol itub eng’ betunoto; amu chubot eng’ Kamuktaindet ne kigartati; si meng’wanit inye emeng’ung’ ne konin Jehovah Kamuktaindeng’ung’ koek borotet.

TITO 2:14

ne kiigoitogei agobo achek, si kobiit kotiachech eng’ tengekto tugul, ak kotililjigei bik koek chechik, che lewenotin, che igiilegei eng’ boisionik che miach.

HEBRANIK 9:12

ama eng’ korotikab kwesik ak moek, ago eng’ korotikyik ichegei, kwo anyun ole tilil konyil agenge ak koyam, ye kingo kagonyor katiaget ne bo koigeny.

HEBRANIK 9:15

Ak amu ng’olyondonito inendet ko katuiyoindetab kayomiset ne leel, si kobiit konyor che kigeguur, arorutietab borotet ne bo koigeny, ye kingo kagobiit meet agobo katiagetab bistaosiek che kimitei eng’ kayomiset ne bo tai.

HEBRANIK 9:26

amu nda ki u noto anyun ta kinyoljin konyalil konyil che chang’ koboch ngelumda ng’ony: ago kagong’ang’ak nguno konyil agenge eng’ kagesunetab kenyisiek si kobiit koisto tengekto eng’ tiseiywot ne ki inendet.

HEBRANIK 9:28

ko u noto Kristo agine, kingo kagigoito konyil agenge si koib tengekwogikab che chang’, ko tun toogu ne bo aeng’, ma agobo tengek ago, eng’ ichek che igeni inendet, agoi yetunet.

1 PETERO 2:24

inendet ne kiib tengekwogikyok eng’ bortanyi eng’ ketit barak, si kesopche eng’ imanda; achek che kiga kebekyi tengekwogik; kigisoobenok birutikyik.

1 PETERO 3:18

Amu kime Kristo agine konyil agenge agobo tengekwogik, inendet ne bo imanda agobo che ma bo imanda, si kobiit komutyech Jehovah; ne kigibar eng’ borto, ago kigisoob eng’ tamirmiriet;

1 JOHANA 4:10

Nito chamnyet, ma kele kigicham Jehovah, ago kichamech inendet, ak koyok Werinnyi koek tiseiywot agobo tengekwogikyok.

NG'ANG'UTYET 1:5

ak che bunu Jesu Kristo ne baoriat ne bo iman, taita ne bo che kigobek, ak ko bounindetab laitorinikab ng’ony. Ingobunji inendet ne chamech, ne kiitiachech eng’ tengekwogikyok eng’ korotikyik;

NG'ANG'UTYET 13:8

Ak kolos inendet tugul che menyei ng’ony, che ma kisirji kainaikwak bukuitab sobondo ne bo Aruet ne kigibar koboch taunetab ng’ony.

NG'ANG'UTYET 5:9

Ak kotieni tiendo ne leel, kolen, Nyoljinin inam bukuit, ak iyat ng’oksosiekyik: amu kigibarin, ak kiialji Jehovah eng’ korotiguk bik che bo bororiet age tugul, ak che bo kutit age tugul, ak che bo bik alak tugul, ak che bo emet age tugul,