GALATYEK 2:9 - BUKUIT NE TILIL

⁹ ak ye kingonai Jakobo ak Kepa ak Johana, icheget che kigiit kele tolochik, mieindo ne kigigona, kogona ak Barnaba eutab tai en bo yamdaet, si kobiit kebe oldab Bororiosiek, koba ichek oldab che kimuratani;

Bukuit Ne Tilil

⁹ ak ye kingo nai Jakobo ak Kepa ak Johana, icheeget che ki kiit keele tolochik, myeeindo ne ki kigoono, kogoono ak Barnaba eutap tai ne po yamdaet, si kobiit keebe ye mi Pororyosyek, koba icheek ye mi che kimuratani;

BUKUIT NE TILIIL Sireet ne Dutero Kanon

⁹ ak ye kingo nai Jakobo ak Kepa ak Johana, icheeget che ki kiit keele tolochik, myeeindo ne ki kigoono, kogoono ak Barnaba eutap tai ne po yamdaet, si kobiit keebe ye mi Pororyosyek, koba icheek ye mi che kimuratani;

GALATYEK 2:9 ပူးပေါင်းရင်းမြစ်များ

2 LAITORINIK 10:15

Ak ye kingo kakwa eng’ yoto, kotuiyo ak Jeonadab weritab Rekab kotorogu inendet: ak kiigat inendet ak kolenji, Mie muguleldang’ung’, ko u ye mie muguleldanyu eng’ muguleldang’ung’? Ak kiwol Jeonadab kole, Mie. Ngot ko u noto, igona eut. Ak kiigochi inendet eut; ak kinam inendet kwo karit orit.

MATAYO 16:18

Ak amwaun agane ale, i Petero, ak ateeche kanisennyu ruandani; ak maneneti kimnatosiekab oldab che kigobek.

LUKA 22:8

Ak kiiyokto Petero ak Johana, kole, Oba ochobwech paska, si kobiit keam.

JOHANA 1:42

Kiimutyi inendet Jesu. Kigeer Jesu inendet, ak kole, I Simon weritab Johana: ta keguurenen Kepa (ye kiweech, ko Petero).

POISYONIGAP CHE KIYOKTOI 12:17

Ago kiiborjine inendet ichek eut kosisyo, ak kotetyi ole kagomutunda Kiptaiyat inendet komong’ eng’ korgoret. Ak kimwa kole, Omwachi ng’alechu Jakobo, ak tupchosiek. Ak kiwa agoi komosta age.

POISYONIGAP CHE KIYOKTOI 15:13

Ak kingo kagosisyo, kowol Jakobo, kole, Che kitupche, ogaso.

POISYONIGAP CHE KIYOKTOI 15:7

Ak kingo kagoteebegei mising’, kotonon Petero ak komwachi ichek, kole, Che kitupche, ongen okwek ole kigolewen Jehovah eng’ kwenung’wong’ koboch ye bo ui, kole, kogas Bororiosiek ng’olyot ne bo logoiywek che miach eng’ kutinnyu, ak koyan.

POISYONIGAP CHE KIYOKTOI 4:36

Ak kialda Josep mbaret ne kitinyei, inendet ne kitochi che kiyoktoi kainet ne bo aeng’ koguure Barnaba (ne ye kiweech, ko Weritab kagaigaet), Lawindet, chito ne kisalu Kupro,

ROMANIK 1:5

kigitaach eng’ inendet mieindo ak kayoktoet, agoi kasetab it ne bo kayanet eng’ bororiosiek tugul amu kainennyi:

ROMANIK 12:3

Amu amwachini chi age tugul ne mi kwenung’wong’, eng’ mieindo ne kigegona, amat kobwatgei chi kole toror kosiir ne te ne nyolu kobwat; ago kobwat ne yamei, ko u ye kiigochi Jehovah chi age tugul karagutietab kayanet.

ROMANIK 15:15

Ago, asirwok agobo ng’alek alak eng’ nyiganatet ne siirei, ko u ye abwatwok kogeny, amu mieindo ne kigona Jehovah,

1 KORINTOEK 15:10

Ago eng’ mieindab Jehovah a u kit ne a u: ak mieindanyi ne kigigona ko maek buch; ago kiaboisie mising’ asiir ichek tugul: ago ma ane, ago mieindab Jehovah ne kimi kobota.

2 KORINTOEK 11:5

Amu aiitige ale mami let eng’ kiy age tugul eng’ che eechen mising’ eng’ che kiyoktoi.

2 KORINTOEK 12:11

Kaaberberitu: kiobirja; amu kota nyolu oloswa okwek: amu kima a bo let eng’ kiy age tugul eng’ che koiyoktoi che eechen kosiir, agot ngo ma a kiy.

2 KORINTOEK 8:4

kosomech eng’ kagaigaet ne o agobo mieini ak yamdaet eng’ boisiet ne kiboisiechin che tililen:

GALATYEK 1:16

si kong’any Werinnyi eng’ ane, si kobiit aamda inendet eng’ Bororiosiek; kima king’alal anyun ak chi eng’ sainato:

GALATYEK 1:18

Kingogesgei anyun kenyisiek somogu atogoste awe Jerusalem si aborjige Kepas, ak abeni oldanyi betusiek taman ak mut.

GALATYEK 2:1

Kingobata anyun kenyisiek tamanu ak ang’wan atogoste kogeny awe Jerusalem koboto Barnaba, amuti Tito agine.

GALATYEK 2:2

Ak kiatogoste eng’ ng’ang’utiet; ak kiatetyi ichek logoiywek che miach che aamdooti eng’ kwenutab Bororiosiek, ago eng’ ung’ot eng’ icheget che toogunotin, si maegu, eng’ or age tugul, ne alabati buch, anan ne kialabat buch.

GALATYEK 6:3

Amu ngot kobwategei chi kole a kiy, ago kaga ma kiy, koberberegei inegei.

EPESOEK 2:20

Kigeteechak eng’ lumdaetab che kiyoktoi ak maotik, Kristo Jesu inendet ko koita ne o ne bo luita;

EPESOEK 3:8

Kigigona mieini, ane, ne a ming’in kosiir inendet ne ming’in eng’ che tililen tugul: aamji Bororiosiek magornatosiekab Kristo che maisiagaksei;

KOLOSAIK 1:29

abirtochinige agine noto, agiilige ko u boisiennyi, ne boisiei eng’ ane eng’ kamuktaet.

1 TIMOTEO 3:15

ago ngot agage, imuchi inai ole kanyol kotepto bik eng’ gotab Jehovah, noto kanisetab Jehovah ne sobei, toloita ak irimetab imanit.

1 JOHANA 1:3

noto kigegeer ak kegas ko noto ne keamwok ak okwek, si kobiit osich ak okwek yamdaet kobotech: ee, mitei yamdaennyo koboto Kwanda, ak koboto Werinnyi Jesu Kristo:

NG'ANG'UTYET 3:12

Inendet ne iterteri, ayae koek toloita eng’ hekalut ne bo Jehovah nenyu, ama komandoi sang’ kogeny: ak asirjini inendet kainetab Jehovah nenyu, ak kainetab nganasetab Jehovah nenyu, noto Jerusalem ne leel, ne chorugei eng’ kipsengwet kobunu Jehovah nenyu, ak kainennyu ne leel.