GALATYEK 2:20 - BUKUIT NE TILIL

²⁰ Kigigartata koboto Kristo; ago asobe; ago ma ko ane, ago sobei Kristo eng’ ane: ak sobondo ne asobe nguno eng’ borto asobe eng’ kayanet ne mitei eng’ Weritab Jehovah, ne kichama, ak kiigoitogei agobo ane.

Bukuit Ne Tilil

²⁰ Ki kigartata kobooto Kristo; ago asabe; ago ma ko anee, ago sabei Kristo eng' anee: ak saboondo ne asabe nguno eng' poorto asabe eng' kayaneet ne miitei eng' Weeriitap Kamuktaindet, ne ki chama, ak ki igoitogei agobo anee.

BUKUIT NE TILIIL Sireet ne Dutero Kanon

²⁰ Ki kigartata kobooto Kristo; ago asabe; ago ma ko anee, ago sabei Kristo eng' anee: ak saboondo ne asabe nguno eng' poorto asabe eng' kayaneet ne miitei eng' Weeriitap Kamuktaindet, ne ki chama, ak ki igoitogei agobo anee.

GALATYEK 2:20 ပူးပေါင်းရင်းမြစ်များ

TYENDO NE SIIREI TUGUL 7:10

A bo chamanennyu, Ak tokyinagei magennyi.

MATAYO 20:28

agot ko u noto, kima nyo Weritab chi keboisiechi, ago si kobois inendet, ak kogoito sobondanyi koek kit ne kitiage che chang’.

MATAYO 4:3

Ak kinyo yomindet ak kolenji, Ngo i Weritab Jehovah, ing’at koichu koek makatinik.

JOHANA 1:49

Kowolji Natanael kole, Rabbi, i Weritab Jehovah; i Laitoriatab Israel.

JOHANA 10:11

A mestowot ne mie: igoitoi mestowot ne mie sobondanyi agobo kechirek.

JOHANA 15:13

Matinyei chi chamnyet ne siirei ni, ale kogoito chi sobondanyi agobo choronokyik.

JOHANA 17:21

si kobiit koek ichek tugul agenge; ko u ye imi inye Baba, eng’ ane, ak ane eng’ inye, si kobiit koteb ichek eng’ achek: si kobiit koyan ng’ony kole kiiyokwa.

JOHANA 3:16

Amu kicham Jehovah ng’ony mising, kot kogoito Werinnyi ne kigii inegei, si malus age tugul ne iyani inendet, ago si konyor sobondab koigeny.

JOHANA 3:35

Chamei Kwanda Werit, ak kigonde tuguk tugul eunnyi.

JOHANA 6:57

Ko u ye kiiyokwa Kwanda ne sobei, ak asobe amu Kwanda; u noto inendet ne ama, sobei agine amu ane.

JOHANA 6:69

Ak kigiyan ak kingen kele i Ne Tilil ne bo Jehovah.

POISYONIGAP CHE KIYOKTOI 8:36

Ak ye kingota kobendi eng’ oret, koit ye mi beek; kole chichoto, Keer beek-o; nee ne kera si ma kibatisana?

POISYONIGAP CHE KIYOKTOI 9:20

Ak ne matianit koamda agobo Jesu eng’ sunagogisiek kole, Inendet ko Weritab Jehovah.

ROMANIK 1:17

Amu king’anyei eng’ choto imandab Jehovah eng’ kayanet agoi kayanet: ko u ye sirat kole, Ago sobei ne bo imanda eng’ kayanet.

ROMANIK 14:7

Amu mami age eng’ achek ne sobei agobo ge, ama mi ne meei agobo ge.

ROMANIK 3:22

agot imandab Jehovah ne mi eng’ kayanet eng’ Jesu Kristo eng’ icheget tugul che iyani; amu mami kabesiet;

ROMANIK 4:25

ne kigigoito amu bistautikyok, ak kiging’eet si kobiit kiityech imanda.

ROMANIK 5:2

ak kigenyoru eng’ inendet agine kemong’ji eng’ kayanet mieinoto kitonone; ak ongeboiboitu eng’ kamang’unetab torornatetab Jehovah.

ROMANIK 5:6

Amu ye kita ko ki nyalulyotin, kome Kristo agobo che yaachen eng’ betut ne kiga kelewen.

ROMANIK 5:8

Ago iboruech achek Jehovah chamnyennyi, amu ye kita ko ki kiptengeginik, kome Kristo agobo achek.

ROMANIK 6:13

anan ogochi tengek kebeberwekab borwekwok koek karik che ma bo iman; ago ogochige Jehovah, ko u che soptos che kamong’une che kibek, ak ogochi Jehovah kebeberwekab borwekwok koek karikab imanda.

ROMANIK 6:8

Ago ngo kigebegu koboto Kristo, kiyani kora kele kisoptosi koboto inendet;

ROMANIK 8:10

Ak ngo mi Kristo eng’ okwek, ko kigome borto amu tengekto; ago Tamirmiriet ko sobondo amu imanda.

ROMANIK 8:37

Ago, ki katerterik kot kosiir eng’ tuguchu tugul eng’ inendet ne kichamech.

1 KORINTOEK 6:17

Ago inendet ne ituitos gei ak Kiptaiyat ko tamirmiriet agenge.

2 KORINTOEK 1:24

Ma kele kitinye bounatet eng’ kayaneng’wong’, ago ki toretik che bo boiboiyeng’wong’: amu otonondosi eng’ kayaneng’wong’.

2 KORINTOEK 10:3

Amu agot ngebendoti eng’ borto, ko magiyae luget eng’ atebetab borto

2 KORINTOEK 11:10

Ko u ye mi imanitab Kristo eng’ ane, mami chi ne kirindoa eng’ kalosunoni eng’ korotinwekab Akaya.

2 KORINTOEK 13:3

amu ocheng’e kaborunetab Kristo ne ng’alali eng’ ane; ne ma nyalulat eng’ okwek, ago tinyei kimnatet eng’ okwek:

2 KORINTOEK 13:5

Osiaige okwege, ngomi eng’ kayanet; otiemge okwege. Anan mongen okwege ole mitei Jesu Kristo eng’ okwek? Iyois ko o esiootin iman.

2 KORINTOEK 5:14

Amu ichiichech chamnyetab Kristo; amu kigeere ko u ni, kele kimechi chito agenge tugul, noto anyun kibek tugul;

2 KORINTOEK 5:15

ak kimechi inendet tugul, si ma kosoptos agobo ge icheget che soptos, ago agobo inendet ne kimechi ak kong’eet kogeny.

2 KORINTOEK 5:7

(amu kibendoti eng’ kayanet, ma eng’ keeret);

GALATYEK 1:4

ne kiigoitogei agobo tengekwogikyok, si kobiit kosoruech eng’ betusiechu yaachen, ko u magetab Jehovah nenyo ak ko Kwandanyo:

GALATYEK 2:16

ago kingen kele magiityin chi imanda eng’ boisionikab ng’atutik, ago eng’ kayanet eng’ Jesu Kristo, kigiyan agachek eng’ Kristo Jesu, si kobiit kiityech imanda eng’ kayanet eng’ Kristo, ama eng’ boisionikab Ng’atutiet: amu magiityin chi imanda eng’ boisionikab Ng’atutiet.

GALATYEK 3:11

Toogu anyun kele, mami chi ne kiityin imanda eng’ Ng’atutiet eng’ taitab Jehovah: amu, Sobei ne bo imanda eng’ kayanet;

GALATYEK 5:24

Ak icheget che bo Kristo Jesu ko kigogartat borto koboto magutikyik ak kasetab miat che bo choto.

GALATYEK 6:14

Ago ingolooit eng’ ane alosge, kobate eng’ kimurtoiyot ne bo Kiptaiyandennyo Jesu Kristo, ne eng’ noto ko kigigartat ng’ony agobo ane, ak ane agobo ng’ony.

EPESOEK 3:17

si kobiit komeny Kristo mugulelwekwok eng’ kayanet; si kobiit, ye otinye tigitik ak lumdaet eng’ chamnyet,

EPESOEK 5:2

ak obendate chamnyet, ko u ye kichamak Kristo agine, ak kogoitogei agobo achek, koek kagochinet ak tiseiywot eng’ Jehovah ne ng’uu ne nyamdut.

EPESOEK 5:25

Manong’otaichu, ocham osotikwok, ko u Kristo agine ne kicham kaniset, ak kogoitogei agobo inendet;

PILIPIK 1:21

Amu eng’ ane ngasobe ko Kristo, ak ngamee ko borotet.

PILIPIK 4:13

Amuchi ayai tuguk tugul eng’ inendet ne igimita.

KOLOSAIK 1:27

che kicham Jehovah kong’ang’ji kit ne u magornatosiekab torornatet ne bo ung’otionito eng’ Bororiosiek, noto Kristo eng’ okwek, kamang’unetab torornatet:

1 THESSALONIKEK 1:10

ak ogeni Werinnyi ne bunu kipsengwet, ne kiing’eet komong’ eng’ che kibek, inendet Jesu, ne soruech eng’ nereknatet ne nyonei.

1 THESSALONIKEK 5:10

ne kimechech, si ngegosu anan ngeruitosi, kesoptosi koboto inendet.

TITO 2:14

ne kiigoitogei agobo achek, si kobiit kotiachech eng’ tengekto tugul, ak kotililjigei bik koek chechik, che lewenotin, che igiilegei eng’ boisionik che miach.

HEBRANIK 8:3

Amu kindoi tisiindet age tugul ne o si kogoitoi kagochinoik ak tiseiywek: noto anyun konyolu kotinyei agine tisiindoni kit ne igoitoi.

1 PETERO 1:8

ne ochame nganda tom ogeer; inendet ne nganda mogeere nguno, oyani, ko oboiboi mising’ eng’ boiboiyet ne ma mwaoksei ak ko nyiitat torornatet:

1 JOHANA 1:7

ago ngot kebendote lapkeiyet, ko u ye mi inendet eng’ lapkeiyet, keting’ege yamdaet, ak kotililech korotikab Jesu Werinnyi eng’ tengekwogikyok tugul.

1 JOHANA 4:14

Ak kigegeer ak kebaoriani kele kiiyok Kwanda Werit konyo koek Yetindetab ng’ony.

1 JOHANA 5:20

Ak kingen kele kigonyo Weritab Jehovah, ak kigogonech kaguiyet, si kobiit kenai inendet ne bo iman, ak kemi eng’ inendet ne bo iman, eng’ Werinnyi Jesu Kristo. Nito ko Jehovah ne bo iman, ak sobondab koigeny.

NG'ANG'UTYET 1:5

ak che bunu Jesu Kristo ne baoriat ne bo iman, taita ne bo che kigobek, ak ko bounindetab laitorinikab ng’ony. Ingobunji inendet ne chamech, ne kiitiachech eng’ tengekwogikyok eng’ korotikyik;

NG'ANG'UTYET 3:20

Keero, atononi eng’ kurget ak agongonyi: ngo kas chi kutinnyu ak koyat kurget, awendi ole mi inendet, ak aamisie koboto inendet, ak koamis inendet kobota.