GALATYEK 1:7 - BUKUIT NE TILIL

⁷ che ma ter: kobate mi alage che iimok, ak machei kowal logoiywek che miach che bo Kristo.

Bukuit Ne Tilil

⁷ che ma teer: kobatee mi alage che iimok, ak machei kowal logoiywek che myach che po Kristo.

BUKUIT NE TILIIL Sireet ne Dutero Kanon

⁷ che ma teer: kobatee mi alage che iimok, ak machei kowal logoiywek che myach che po Kristo.

GALATYEK 1:7 ပူးပေါင်းရင်းမြစ်များ

JEREMIA 23:26

Tebe kot kotianit nito mugulelwekab maotik che maoteni lembechek, maotikab kaberberisietab mugulelwekwak,

JEREMIA 23:36

Ama omwae lautietab Jehovah kogeny: amu egu ng’olyotab chi age tugul lautiennyi; amu kiomaas ng’alekab Kamuktaindet ne sobei, che bo Jehovah ne bo lugosiek, Kamuktaindennyo.

MATAYO 24:24

Amu ng’eetos Kristoisiek che bo lembech, ak maotik che bo lembech, ak kobortoi kaborunoik ak kwong’utik che eechen; si kobeet, agot che lewenotin, nda imugaksei.

POISYONIGAP CHE KIYOKTOI 13:10

ak kole, Ee inye ne nyiitat ng’alset tugul ak ng’omnatet tugul ne bo kabeetet, inye weritab oindet, inye bunyotab imanda tugul, mebagaktoi imaas ortinwek che lititen che bo Kiptaiyat?

POISYONIGAP CHE KIYOKTOI 15:24

amu kogegas kele, inyalilok eng’ ng’alek bik alak che kibunei kwenunnyo, kong’emei sobonwekwok; bik che kima king’at ko u noto;

POISYONIGAP CHE KIYOKTOI 20:30

ak tun ng’eetos alage eng’ kwenung’wong’ komwaei ng’alek che imaasi bich, si kochuut alamalyet kosub ichek.

2 KORINTOEK 11:13

Amu bik che u choto ko che kiyoktoi che bo lembech, kiboitinikab kenisiet, che walegei koek che kiyoktoi che bo Kristo.

2 KORINTOEK 2:17

Amu achek ko ma ki u che chang’, che boisie ng’olyotab Jehovah eng’ ng’alset: ago ki che boisiei eng’ oret ne matinyei ng’alset, ago ki bo Jehovah, ak eng’ taitab Jehovah, keng’alali eng’ Kristo.

2 KORINTOEK 4:2

ago kigeesie tuguk che ung’otin che bo kalilanet, ama kibendoti eng’ ng’alset, anan keboisie ng’olyotab Jehovah eng’ kaberberisiet; ago eng’ kabartaetab imanit, kiborjinige kabwatetab chi age tugul eng’ taitab Jehovah.

GALATYEK 1:6

Akwong’e amu oistoige ochoktoi eng’ inendet ne kiguurok eng’ mieindab Kristo, obe oldab logoiywek che miach che ter;

GALATYEK 2:4

amu tupchosiek che bo lembech che kigimut kobwa orit eng’ ung’ot, che kimong’ eng’ ung’ot kosegei katiagennyo ne kitinye eng’ Kristo Jesu, si kobiit kondeech otwoknatet:

GALATYEK 4:17

Igiiljinogei kocheng’ok eng’ oret ne ma mie: ee, machei kole kogerjok sang’, si kobiit ocheng’ ichek.

GALATYEK 5:10

Atinye kamang’unet eng’ okwek eng’ Kiptaiyat, ale amoegu che tinyei kabwatutik che ter: ago inendet ne inyalilok konyoru kiruogennyi, agot ngo ng’o.

GALATYEK 5:12

Katamache anyun ale koistogei icheget che iluiluchok.

GALATYEK 6:17

Koboch nguno ko matata konyalila chi: amu aiboti eng’ bortanyu berutikab Jesu.

2 TIMOTEO 2:18

bik che kigochiliil eng’ imanit, mwaei kole kigosiirto ng’eetyet, ak koweleli kayanetab bik alak.

1 JOHANA 2:26

Kaasirwak tuguchu agobo ichek che machei kobeetok.

1 JOHANA 4:1

Chamanichu, amoyan tamirmiriet age tugul, ago otiem tamirmirik, ngo bo Jehovah: amu kigomong’ji ng’ony maotik che chang’ che bo lembech.

2 JOHANA 1:10

Ngot konyonjok chi ama ibu konetisioni, ko mat otaach inendet eng’ gorikwok, amat ogat:

2 JOHANA 1:7

Amu kigomong’ji ng’ony kenik che chang’, ichek che mang’anyei kole kinyo Jesu Kristo eng’ borto. Nito ko kenindet, ak ko kirindoindetab Kristo.

JUDA 1:4

Amu mi bik alak che kichut orit eng’ ung’ot, ichek che kigichopchi kiruogoni koboch keny, bik che maiywei Jehovah, che walei mieindab Jehovah nenyo koek maget ne ya, ak koesioi Laitoriandennyo, ne inegei, ak ko Kiptaiyandennyo Jesu Kristo.

NG'ANG'UTYET 12:9

Ak kigiturur maswetinoto o konyo ng’ony, erenet ne bo keny, ne kiguure Oindet ak ko Setani, kaberberindetab ng’ony komugul; kigiturur konyo ng’ony, ak kigiturur malaikaisiekyik koboto inendet.

NG'ANG'UTYET 13:14

Ak kiiberber ichek che menyei ng’ony eng’ kaborunoik che kigigochi inendet koyai eng’ taitab tiondo; kolenjin ichek che menyei ng’ony koyachi kanamwet tiondo, ne tinyei berutietab rotwetab chok, ak kisob tionyoto.

NG'ANG'UTYET 19:20

Ak kiginam tiondo, koboto maotiondonoto ki bo lembech ne kiyaei kaborunoik eng’ tainnyi, ne kiiberberi che kiga kinde berutietab tiondo, ak ichek che kiilosu kanamwennyi: kigiwirji choto tuwai kosoptos araraita ne bo mat ne lalei eng’ koik che laldos:

NG'ANG'UTYET 2:2

Angen boisioniguk, ak boisieng’ung’ ne nyigis ak muitaeng’ung’, ak angen ale memuchi imuite agobo bik che yaachen, ak kiitiem ichek che kuuregei che kiyoktoi, ago ma choto, ak kiinai ile kiplembechonik;

NG'ANG'UTYET 2:20

Ago ating’enen ng’olyot, ale ichamjini kobogoriot Jesebel, ne kuuregei maotio; ak koneti otwogikyuk ak kogoigoi kosokso, ak koam tuguk che kigochin kanamonik.

NG'ANG'UTYET 2:6

Ago itinye ni, ale iweche boisionikab Nikolaitik, che aweche agane.

NG'ANG'UTYET 20:3

ak kowirji inendet keringet ne maigoksei, ak koger, ak kong’och baragunnyi, si mata koberber bororiosiek kogeny, agoi kogesgei kenyisiek elfut agenge: ye ibata noto kitiach ne matia.