EZRAH 9:8 - BUKUIT NE TILIL

⁸ Kagiboruech anyun nguno eng’ boroini ming’in mieindo ne bunu Jehovah Kamuktaindennyo, kot kotuukwech alak kochililso, ak kogonech tigongiot eng’ oldanyi ne tilil, si kokweng’wech konyekyok Kamuktaindennyo, ak kogonech kasoobet ne ming’in eng’ ratisiennyo.

Bukuit Ne Tilil

⁸ Kagiboorwech anyun nguno eng' poroini ming'in myeeindo ne punu Kamuktaindet ne Toroor, Kamuktaindennyo, kot kotuukwech alak kochililso ak kogoonech tigongyot eng' oldanyi ne tiliil, si kokweng'wech konyekyok Kamuktaindennyo ak kogoonech kasoobet ne ming'in eng' ratisyennyo.

BUKUIT NE TILIIL Sireet ne Dutero Kanon

⁸ Kagiboorwech anyun nguno eng' poroini ming'in myeeindo ne punu Kamuktaindet ne Toroor, Kamuktaindennyo, kot kotuukwech alak kochililso ak kogoonech tigongyot eng' oldanyi ne tiliil, si kokweng'wech konyekyok Kamuktaindennyo ak kogoonech kasoobet ne ming'in eng' ratisyennyo.

EZRAH 9:8 ပူးပေါင်းရင်းမြစ်များ

2 LAITORINIK 19:4

Abere imuchi kogas Jehovah Kamuktaindeng’ung’ ng’alek tugul che bo Rabsake, ne kagoyok laitoriatab Asuria kiptaiyandennyi, konyo kochot Kamuktaindet ne sobei, ak koger kong’ ng’alek che kagas Jehovah Kamuktaindeng’ung’: ara anyun sa agobo bik che ng’etunotin.

EZRAH 9:9

Amu ki otwogik; ago ma bagakyech Kamuktaindennyo ratisiennyo, ago kiityech rirenet eng’ taitab laitorinikab Persia, si kogonech kasoobet, si kelumda gotab Kamuktaindennyo, ak keteech ole kigong’emak eng’ goyoto, ak kegonech irimet eng’ Juda ak Jerusalem.

NEEMIA 1:11

Asain, ee Kiptaiyat, ale, ingoepchi it iting’ung’ saetab otwogindeng’ung’, ak saetab otwogiguk, che boiboi koiywei kaineng’ung’: ak asain ale, igochi otwogindeng’ung’ kobor eng’ betuni, ak igochi inendet rirenet eng’ taitab chichi. (Ki ne ipchin laitoriat kikombet.)

NEEMIA 9:31

Ago eng’ rirenosieguk che chang’ ko ma igesu ichek, anan imete, amu i Kamuktaindet ne bo mieindo, ak ko nyiitat rirenet.

Kitabuutap JOB 33:30

Si koweech sobondanyi komong’une keringet, Si kobiit kikweng’e lapkeiyetab che soptos.

TIENWOGIKAL 13:3

Ee Jehovah Kamuktaindennyu, keer si iwolwa: Ikweny konyekyuk, si maru ruondab meet;

TIENWOGIKAL 13:4

Si mamwa bunyondennyu, kole, Kaaterter inendet; Si maboiboitu bunikyuk ye kiistaa.

TIENWOGIKAL 138:7

Agot ngabunoti kwenutab nyalilda, ko inye ne isooba; Iitoi eung’ung’ igirindoe neregekab bunikyuk, Ak sorua eung’ung’ ne bo tai.

TIENWOGIKAL 34:5

Kiinyal inendet, ak kinyor kakweng’et: Ak manyoru kalilanet togochikwak agoi.

TIENWOGIKAL 85:6

Tos maisoobech kogeny, Si kobiit koboiboitunenen biguk?

KALEWANAIK 29:13

Tuitos kibagenge kibananiat ak usindet: Ikweng’jin Jehovah konyekab ichek tuwai.

AMDOINDET 12:11

U kiplitok ng’alekab bik che ng’omen, ak u kipchumarisiek che kigigiich komie, ng’alekab konetikab tuiyosiek, che kigigon kobun mestowot agenge.

ISAIAH 1:9

Nda kima bagakwech Jehovah ne bo lugosiek ng’etunenik che ng’ering’ mising’, ta kiga keige Sodom, ak ta kiga keige Gomora.

ISAIAH 14:3

Ak eng’ betut ne konin Jehovah kamuung’et eng’ arogeneng’ung’, ak eng’ nyalindang’ung’, ak eng’ otisiet ne uui ne kigibirjin,

ISAIAH 56:5

kole, Agochini ichek kabwatet ak kainet eng’ gonnyu ak eng’ irimoikyuk, kosiir werik ak tibik; agochini kainet ne bo koigeny, ne magiistoi.

ISAIAH 57:15

Amu mwaei ko u ni Inendet ne mi barak ak ko toror ne menyei koigeny, ne Tilil kainennyi, kole, Amenye ole toror, ak ko tilil, koboto inendet agine ne kigonyeratgei eng’ tamirmiriet, ak koming’ingei, si kobiit kisoob tamirmirietab ne iming’inegei, ak kisoob mugulelwekab che inyeratigei.

ISAIAH 6:13

Ak ngot ko ta komi kebeberta agenge eng’ taman, keamei kogeny: ko u ketit ne kiguure teil, ak ketit age, che ng’etu musugikwak ye kageeb; u noto, iyotet ne tilil ko tigitikyik.

JEREMIA 42:2

ak kolenji maotiot Jeremia, Kisomin kele, kaswech somennyo, ak saiywech Jehovah Kamuktaindeng’ung’, achek tugul che kiging’etu; amu kiging’etu bik che ng’ering’ eng’ bik che chang’, ko u ye igeerech:

JEREMIA 44:14

kot ko machilil anan kong’et agot agenge eng’ che kiga ng’et che bo Juda, che kiba emetab Misri, kotebe oloto, kole koweek kobwa emetab Juda, emet ne machei kole koweekyigei koba komeny: amu mabiitu ne weechigei kobate ne chilili.

EZEKIEL 14:22

Ago, ogeero, kituuchi bik che ng’etu che tun kimuti, werik koboto tibik: ogeero, mong’jinok, ak ogeer ortinwekwak ak boisionikwak: ak kigaigaak agobo yaitiet ne koaipchi Jerusalem, agobo tugul che koaipchi.

HOSEA 6:2

Isoobech ye ibata betusiek aeng’u: ak kong’eetech eng’ betut ne bo somok, ak kesopche eng’ tainnyi.

HABAKUK 3:2

Ee Jehovah, kiagas ng’aleguk, aiyweisiei: Ee Jehovah, ing’eet boisieng’ung’ eng’ kwenutab kenyisiek; Yai kotook eng’ kwenutab kenyisiek; Ibwat rirenet nginerechi.

SEPANIA 3:12

Ago abagachi eng’ kwenung’ung’ bik che kinyalili ak ko kibananok, ak komang’ ichek kainetab Jehovah.

SEKARIA 10:4

Mong’une inendet koita ne bo luita, mong’une inendet kipchumariat, mong’une inendet kwangetab boriet, mong’une inendet age tugul ne usisiei kibagenge.

SEKARIA 8:12

Amu tun biitu keswotab kalyet: tun yiei ketitab sabibuk, ak korurio tuguk eng’ emet, ak kogon kipsengwetisiek rewot; ak agochi bik che king’et eng’ bichu konam tuguchu tugul koek borotenywa.

SEKARIA 8:6

Mwaei Jehovah ne bo lugosiek ko u ni kole: Ngot ko bo kwong’et eng’ konyekab bik che ng’etu eng’ bichu eng’ betusiechoto, ko tos ma bo kwong’et agine eng’ konyekyuk? Mwaei Jehovah ne bo lugosiek.

ROMANIK 9:27

Ak kimwa Isaia eng’ kutit ne o agobo Israel, kole, Agot ngo koitetab lagokab Israel ko te ng’aniekab nyanjet, kesoru che king’et:

NG'ANG'UTYET 3:12

Inendet ne iterteri, ayae koek toloita eng’ hekalut ne bo Jehovah nenyu, ama komandoi sang’ kogeny: ak asirjini inendet kainetab Jehovah nenyu, ak kainetab nganasetab Jehovah nenyu, noto Jerusalem ne leel, ne chorugei eng’ kipsengwet kobunu Jehovah nenyu, ak kainennyu ne leel.

1 SAMUEL 14:27

Ago kima kas Jonatan ye king’atei kwanda bik eng’ kayosiet: kiiyogoito anyun kirokto ne kimi eunnyi, ak kotoore masamek, ak konde kutit; ak kiyatogis konyekyik.

1 SAMUEL 14:29

Kile Jonatan anyun, Kigoiim emet baba: asomok ale, ogeer ole kagiyatita konyekyuk, amu kachamjam kitigin eng’ kumiandani.