EZRAH 9:7 - BUKUIT NE TILIL

⁷ Kigeegu kiptengeginik mising’ koboch betusiekab kwanisiekyok agoi rani; ak kigindeech eunekab laitorinik che bo emotinwek, agobo tengekwogikyok achek, ak laitorinikyok, ak tisiikyok, kebarech eng’ rotwetab chok, keluulech, ak ng’emisiet, ak kalilanet, ko u rani.

Bukuit Ne Tilil

⁷ Ki keegu kiptengegiinik miising' kobooch peetuusyegap kwanisyekyok agoi rani, ak ki kindeech eunegap laitorinik che po emotinwek agobo tengekwogikyok acheek, laitorinikyok ak tisiikyok, kebarech eng' rotwetap chok, keluulech, ng'emisyet ak kalilanet, ko uu rani.

BUKUIT NE TILIIL Sireet ne Dutero Kanon

⁷ Ki keegu kiptengegiinik miising' kobooch peetuusyegap kwanisyekyok agoi rani, ak ki kindeech eunegap laitorinik che po emotinwek agobo tengekwogikyok acheek, laitorinikyok ak tisiikyok, kebarech eng' rotwetap chok, keluulech, ng'emisyet ak kalilanet, ko uu rani.

EZRAH 9:7 ပူးပေါင်းရင်းမြစ်များ

1 LAITORINIK 8:47

ago ngot kobwatgei eng’ emet ne kigimut koek luulenik, ak kosik, ak korirjin eng’ emetab bik che kiimut ichek koluul, kole, Kigeyai tengekto, kigeyai kit ne imaasat, kigeyai kit ne ya kot;

2 ATEPTAP PEETUUSYEK 29:6

Amu kigochiliil kwanisiekyok, ak koyai ne ya eng’ taitab Jehovah Kamuktaindennyo, ak kigometo inendet, ak kowelelgei kometo ole menyei Jehovah, ak kotuktochi batai.

2 ATEPTAP PEETUUSYEK 30:7

Amoige kwanisiekwok, ak tupchosiekwok, che kiingelelji Jehovah, Kamuktaindetab kwanisiekwak, kot kobagakta ichek koek che kikwong’e, ko u ye ogeere.

2 ATEPTAP PEETUUSYEK 34:24

Kamwa Jehovah ko u ni, kole, Ogeero, aipchini yaitiet yuto, ak ichek che menyei olito, chubisiosiek tugul che kigisirji bukuit ne kagesoman eng’ taitab laitoriatab Juda:

EZRAH 9:13

Ak amu kigobwanjech choto tugul amu boisionikyok che yaach, ak ng’ogistanyo ne o, amu ma ibirech inye Kamuktaindennyo ko u ye yamegei ak tengekwogikyok, ak kiigonech chu ng’etunotin,

NEEMIA 9:30

Ago kiimuitochi ichek eng’ kenyisiek che chang’, ak kiibaorianji ichek eng’ Tamirmirieng’ung’ eng’ maotiguk: ago ma cham kogas: kiinde anyun ichek eunekab bikab emotinwek.

ISAIAH 64:4

Amu tomo kogas bik koboch keny, anan koguiyo eng’ itik, anan kogeer eng’ konyekwak Kamuktaindet age ne ma inye, ne yaei boisiet agobo chito ne igeni inendet.

JEREMIA 25:18

choto ko Jerusalem, ak nganasokab Juda, ak laitorinikyik, ak bounikyik, si koyai ichek koek karatia, kwong’et, ne kirenyei, ak ne kisasei; ko u eng’ betuni;

JEREMIA 3:25

Ongeruiye eng’ kalilanennyo, ak ingotuchech tewernatennyo: amu kigeyachi tengekto Jehovah Kamuktaindennyo, achek ak kwanisiekyok, koboch ming’inatennyo agoi betuni: ama kigas it kutitab Jehovah Kamuktaindennyo.

JEREMIA 32:23

ak kibwa, konam kobunji; ago ma kas it kuting’ung’, ama isub ng’atutiguk; ma yai kiy age tugul eng’ choto tugul kiing’atyi ichek koyai: koigochi anyun yaitioni tugul konyonji ichek.

JEREMIA 32:32

amu yaitiet tugul ne bo lagokab Israel ak ne bo lagokab Juda, che kigoyai kotagena anerech, ichek, laitorinikwak, bounikwak, tisiikwak, ak maotikwak, ak bikab Juda, ak bik che menyei Jerusalem.

JEREMIA 44:22

kot ko mata komuch Jehovah komuita, amu yaitietab boisionikwok, ak amu tuguk che kiwechei che kioyai? Kiek anyun emeng’wong’ ne kuberot, ak ne kikwong’e, ak ne kisasei, ama menyei chi, ko u ye u rani.

JEREMIA 44:9

Tos kioutie yaitwogikab kwanisiekwok, ak yaitwogikab laitorinikab Juda, ak yaitwogikab osotikwak, ak yaitwogikwok, ak yaitwogikab osotikwok, che kiyai eng’ emetab Juda, ak eng’ ortinwekab Jerusalem?

RIREKAB JEREMIA 5:7

Kigoyai tengekto kwanisiekyok ak ma komi; Ak kigegesen tengekwogikwak.

EZEKIEL 11:9

Ak amutwok omong’une kwenunnyi, ak andeok eunekab toek, ak ayai kiruogutik eng’ kwenung’ung’.

EZEKIEL 39:23

Ak konai bororiosiek kole kigiluul gotab Israel amu tengektanywa; amu kiingelelja, ak kiaung’e ichek togennyu: kiande anyun ichek eutab bunikwak, ak kobek ichek tugul eng’ rotwetab chok.

KAITOSYEK 32:14

Ak ogeero, kong’eetye oyai ko u ye kiyai kwanisiekwok, oegu kiptengeginik che tesoksei, otes neregek che koromen che bo Jehovah eng’ Israel.

1 SAMUEL 12:15

ago ngot ko mogas it kutitab Jehovah, ago ngot obistoe ng’atutietab Jehovah, konyalilok eutab Jehovah anyun, ko u ye kiinyalil kwanisiekwok.