EZRAH 9:6 - BUKUIT NE TILIL

⁶ ak ale, Ee Kamuktaindennyu, alilani mising’ ak kagowalak togennyu kot ko mamuch anyalin, inye, Kamuktaindennyu: amu kogotesak tengekwogikyok kot ko maluuchech ak kigoeet ng’ogistanyo kot koit kipsengwetisiek.

Bukuit Ne Tilil

⁶ ak ale, “Ee Kamuktaindennyu, alilani miising' ak kagowalak togeennyu kot koma muuch anyalin, inyee Kamuktaindennyu, amu kogotesak tengekwogikyok kot ko maluuchech ak ki koeet ng'oogistonyo kot koit kipsengwet.

BUKUIT NE TILIIL Sireet ne Dutero Kanon

⁶ ak ale, “Ee Kamuktaindennyu, alilani miising' ak kagowalak togeennyu kot koma muuch anyalin, inyee Kamuktaindennyu, amu kogotesak tengekwogikyok kot ko maluuchech ak ki koeet ng'oogistonyo kot koit kipsengwet.

EZRAH 9:6 ပူးပေါင်းရင်းမြစ်များ

TAUNET 13:13

Ago ki yaachen bikab Sodom, ak ki kiptengeginik mising’ kosiir, eng’ taitab Jehovah.

1 LAITORINIK 8:47

ago ngot kobwatgei eng’ emet ne kigimut koek luulenik, ak kosik, ak korirjin eng’ emetab bik che kiimut ichek koluul, kole, Kigeyai tengekto, kigeyai kit ne imaasat, kigeyai kit ne ya kot;

2 ATEPTAP PEETUUSYEK 28:9

Ago kimi maotiotab Jehovah oloto, ne kigiguure Oded: ak kiwa kotorokta luget ne kinyonei Samaria, ak kolenji ichek, Ogeero, amu kinerekyi Jehovah Kamuktaindetab kwanisiekwok Juda, ko no koinde ichek eunekwok, ak kaobar ichek eng’ neregek che ng’wonen che kagoit kipsengwet.

EZRAH 9:13

Ak amu kigobwanjech choto tugul amu boisionikyok che yaach, ak ng’ogistanyo ne o, amu ma ibirech inye Kamuktaindennyo ko u ye yamegei ak tengekwogikyok, ak kiigonech chu ng’etunotin,

EZRAH 9:15

Ee Jehovah, Kamuktaindetab Israel, i bo iman; amu ki bik che kigeng’etu, che kichililso, ko u rani: keero, kimi taing’ung’ eng’ ng’ogistanyo; amu mami ne imuchi kotonon eng’ taing’ung’ amu nito.

NEEMIA 1:6

ingoeb it itiguk, ak koyatogis konyeguk, si kobiit igas saetab otwogindeng’ung’, ne asain eng’ saini, bet ak kemoi, agobo lagokab Israel otwogiguk, ye ang’anye tengekwogikab lagokab Israel, che kigeyaun: ee, kiayai tengekto koboto gotab kwandanyu.

Kitabuutap JOB 40:4

Keero, ma a kiy; awolun nee? Kagonama kut.

Kitabuutap JOB 42:6

Kaasasge anyun amu noto, kasigu Eng’ temburiek ak orek.

TIENWOGIKAL 38:4

Amu kagomaluucha tengekwogikyuk: Kagotemena ko u milet ne nyigis.

TIENWOGIKAL 38:5

Kagosamisitu ng’otobosiekyuk ak kogonunio, Amu abusnatennyu.

KOMONG'U 32:31

Ak kiweekyigei Musa Jehovah, ak kolenji, Bwa, kiyai bichu tengekto ne o mising’, ak kigoyachigei kanamwet ne bo tahabu.

ISAIAH 1:18

Obwa anyun, keng’alal, mwaei Jehovah: agot ngo biriren tengekwogikwok, koleelagitu ko u teluchi; agot ngo biriren mising’, koigeitu kororikab kechirek.

ISAIAH 59:12

Amu kigotesogis bistaosiekyok eng’ taing’ung’, ak baorianjinech tengekwogikyok: amu mi kobotech bistaosiekyok, ak kingen tengekwogikyok:

JEREMIA 3:3

Kigeger anyun ropta amu noto, si mata kobiit ropta ne bo let; ago itinye togetab chepkugoniot, ak iesioi ililan.

JEREMIA 31:19

Kiasigu iman ko kiawelelage; ak kiarabach kubestanyu ko kagineta: Kialilan, ee kiatoptoben, amu kiaiboti tewernatetab ming’inatennyu.

JEREMIA 51:9

Kata kimache kisoob Babulon, ago ma sob: omete inendet, ak ongebe, kwo chi tugul emennyi: amu itei kipsengwet kiruogennyi, ak kaginamji barak agoi koit kipsengwet.

JEREMIA 6:15

Tos kiililanso ye kingoyai tuguk che kiwechei? Achicha, ma ililanso agot kitigin, ama walogis togochikwak: ibutos anyun koboto icheget che ibutos: tun kiwirtoi eng’ betut ne anyonjini ichek abire, mwaei Jehovah.

JEREMIA 8:12

Tos kiililanso ye kingoyai tuguk che kiwechei? Achicha, ma ililanso agot kitigin, ama walogis togochikwak: ibutos anyun koboto icheget chek ibutos: tun kiwirtoi ichek eng’ betut ne kibirei, mwaei Jehovah.

RIREKAB JEREMIA 3:42

Kigibistoe ak kigingelelse; ma inyoiywech kaat.

EZEKIEL 16:63

si kobiit ibwat, ak itoptoben, ametwegu kogeny, amu kalilaneng’ung’; ye kanyoun kaat tuguk tugul che kiiyai, mwaei Kiptaiyat Jehovah.

ATEPTAP LAWIK 26:40

Yeityo kong’any tengekwogikwak, ak che bo kwanisiekwak eng’ kachiliilutikwak che kiyaiywa ichek, ak kogeny amu kitila let,

LUKA 15:21

Ak kilenji werit, Baba, kiachalwogenji kipsengwet, ak kiachalwogen eng’ taing’ung’: ma ko nyoljina kota keguurena wering’ung’.

LUKA 18:13

Ago kitonon taagindetab aisurut eng’ ye loo, ak ma cham agot konyal kipsengwet, ago kiluch tegennyi, kole, Jehovah, rirena, a kiptengekyo.

ROMANIK 6:21

Kiotinye logoek nee eng’ betusiechoto eng’ tuguk che olilane nguno? Amu kagesunetab tuguchoto ko meet.

NG'ANG'UTYET 18:5

amu kigoit tengekwogikyik kipsengwet, ak kagobwat Jehovah tengekwogikyik.