EZRAH 9:1 - BUKUIT NE TILIL

¹ Kingo kagoyaak tuguchu, korik kandoik ole ami, kole, Ma itabanegei bikab Israel ak tisiik ak Lawik bikab emotinwek, yaei tuguk che kiwechei, che bo Kananik, Hitik, Perisik, Jebusik, Amonik, Moabik, Misrik, ak Amorik.

Bukuit Ne Tilil

¹ Kingo kagoyaak tuguuchu, kobwonjo kandoik ak koleenjo, “Ma itabaanegei piigap Israel ak Tisiik ak Lawiik piigap emotinwek; yaei tuguuk che kiwechei che po Kanaanik, Hitik, Perisik, Jebusik, Amonik, Moabik, Misiriik ak Amorik.

BUKUIT NE TILIIL Sireet ne Dutero Kanon

¹ Kingo kagoyaak tuguuchu, kobwonjo kandoik ak koleenjo, “Ma itabaanegei piigap Israel ak Tisiik ak Lawiik piigap emotinwek; yaei tuguuk che kiwechei che po Kanaanik, Hitik, Perisik, Jebusik, Amonik, Moabik, Misiriik ak Amorik.

EZRAH 9:1 ပူးပေါင်းရင်းမြစ်များ

TAUNET 15:16

Ak tun weegugei kogeny kobwanei yu eng’ ibinda ne bo ang’wan: amu tomo konyi tengektab Amorik.

1 LAITORINIK 11:1

Kicham anyun Solomon kwonyik che chang’ che bo bororiosiek, koboto cheptab Parao, ak tibik che bo Moabik, ak che bo Amonik, ak che bo Edomik, ak che bo Sidonik, ak che bo Hitik:

2 ATEPTAP PEETUUSYEK 33:2

Ak kiyai ne ya eng’ taitab Jehovah ko u tuguk che kiwechei che bo bororiosiek, che kiga on Jehovah eng’ taitab lagokab Israel.

2 ATEPTAP PEETUUSYEK 8:7

Ago bik tugul che king’et eng’ Hitik, Amorik, Perisik, Hibik, ak Jebusik, che kima ko bo Israel;

EZRAH 10:2

Ak kiwolji Sekania weritab Jehiel, weritab Elam, Esra, kolenji, Kigichililji Kamuktaindennyo, ak kigitun tibik che toek che bo bikab emoni: ago mi nguno kamang’unet agobo Israel agobo ng’olyondonito.

EZRAH 10:8

Ak age tugul ne ma nyo ko kagobata betusiek somogu, ko u ng’olyotab bounik ak boisiek, kerebe tugukyik tugul, ak kitabane tuiyetab bichoto kiga kiluul.

NEEMIA 13:23

Kiageer kogeny eng’ betusiechoto Yahudik che kiga kotun tibikab Asdod, che bo Amon, ak che bo Moab;

NEEMIA 4:3

Kimi ak inendet Tobia Amonindet, ak kile, Agot noto teechei, ko ngot kolany lelwot, kobutei irimenywa ne bo koik.

NEEMIA 4:7

Ago kingogas Sanbalat, ak Tobia, ak Marabuk, ak Amonik, koboto Asdodik, kole wendi tai teekset ne keteechei irimoikab Jerusalem, che kiga kobutok, ak kole kitiemei ole kiga koundur, konerekso mising’;

NEEMIA 9:2

Ak kitabanegei iyotetab Israel toek tugul, ak kotononso kong’any tengekwogikwak, ak tengekwogikab kwanisiekwak.

TIENWOGIKAL 106:35

Ago kiburuigei koboto bororiosiek, Ak kiinetgei boisionikwak:

KOMONG'U 13:5

Ak ye kagomutak Jehovah oit emetab Kananik, ak ne bo Hitik, ak ne bo Amorik, ak ne bo Hibik, ak ne bo Jebusik, emet ne kiiyosiechi inendet kwanisieguk kole tun konok, emet ne nyiitat chego ak kumik, eng’ yoto anyun orib boisioni oyai kotugul eng’ arawanito.

KOMONG'U 23:23

Amu wendi malaikaiyandennyu kondoenen, komutin iwe ole mi Amorik, Hitik, Perisik, Kananik, Hibik, ak Jebusik, ak aiste ichek awong’u.

KOMONG'U 33:16

Amu kinae nee nguno kele, kaanyoru chamet eng’ taing’ung’, ak biguk? Tos ma amu kibendi tugul ak inye, si kobiit kitabangei, ane ak biguk, eng’ bik tugul che mi ng’ony?

ISAIAH 52:11

Oba, oba, omande eng’ oloto, amat otwa kiy ne ma tilil; omande eng’ kwenunnyi; otililitu, okwek che oibe tugukab Jehovah.

JEREMIA 26:10

Ak kingogas bounikab Juda tuguchuto, kotogos eng’ gotab laitoriat kobwa gotab Jehovah; ak kiteb ng’ony eng’ ole kibunei eng’ ormarichet ne leel ne bo gotab Jehovah.

JEREMIA 26:16

Yeityo komwachi bounik ak bik tugul tisiik ak maotik kolenji: Manyoljin meet chichi; amu kagong’alalwech eng’ kainetab Jehovah Kamuktaindennyo.

ATEPTAP LAWIK 18:3

Amat oyai tuguk che kiyaei emetab Misri, ole kiomenye: amat oyai boisionikab emetab Kanan, ole amutok: amat obendate konetisiosiekwak.

MALAKI 2:11

Kigoyai Juda kaberberisiet, ak kigeyai kit ne kiwechei eng’ Israel ak eng’ Jerusalem; amu kigong’wanit Juda tililindab Jehovah ne chamei, ak kotun cheptab cheptalelit ne ter.

KAITOSYEK 23:9

Amu ageere Israel ami ruandosiek barak, Ak ageere inendet ami tulonok: Ogeero, icheget ko bik che meng’isiei ichegei; Ak magiititoi bororiosiek alak.

KAITOSYEK 25:6

Ak ogeero, kinyo Israelindet age komutyin tupchosiekyik kobogoriotab Midianik, eng’ taitab Musa, ak eng’ taitab tuiyet komugul ne bo lagokab Israel, ye kita korirtos eng’ kurgetab emait ne kituiyechin.

NG'ATUTIK 18:9

Ye kaiit emet ne konin Jehovah Kamuktaindeng’ung’, ko menetgei iyai tuguchoto yaachen yaei bororiosiechoto.

NG'ATUTIK 23:8

Ingomanda ole mi tuiyetab Jehovah lagokwak che sichei eng’ ibinda ne bo somok.

NG'ATUTIK 7:1

Ye kagoitin Jehovah Kamuktaindeng’ung’ emet ne iwendi iname kobunjin, ak koon bororiosiek che chang’ eng’ taing’ung’, Hitik, Girgasik, Amorik, Kananik, Perisik, Hibik, ak Jebusik, bororiosiek tisab che eechen ak ko kimen kosiirin;

JOSHUA 23:12

Amu ngot ochuchuige obe let eng’ kiy age tugul, ak onamge ak bororiosiechuto king’et, chuto king’et eng’ kwenung’wong’, ak otunge ak ichek, ak obe ole mi: ak kobwa ole omi: