EZRAH 7:9 - BUKUIT NE TILIL

⁹ Amu kitoi kotogos eng’ Babulon eng’ betut ne bo tai ne bo arawet ne bo tai, ak eng’ betut ne bo tai ne bo arawetab mut, koit Jerusalem, ko u ye kimi ak inendet eut ne mie ne bo Kamuktaindennyi.

Bukuit Ne Tilil

⁹ Ki katoi kotogos eng' Babilon eng' peetuut ne po tai ne po arawet ne po tai ak eng' peetuut ne po tai ne po arawetap muut, koit Jerusalem ko uu ye ki mi ak ineendet euut ne myee ne po Kamuktaindennyi.

BUKUIT NE TILIIL Sireet ne Dutero Kanon

⁹ Ki katoi kotogos eng' Babilon eng' peetuut ne po tai ne po arawet ne po tai ak eng' peetuut ne po tai ne po arawetap muut, koit Jerusalem ko uu ye ki mi ak ineendet euut ne myee ne po Kamuktaindennyi.

EZRAH 7:9 ပူးပေါင်းရင်းမြစ်များ

EZRAH 7:28

ak kigoitwa ak ane rirenet eng’ taitab laitoriat ak kiruogikyik ak eng’ taitab bounik tugul che kimen che bo laitoriat. Ak kigigimita ko u ye kimi kobota eutab Jehovah Kamuktaindennyu, ak kiayum, eng’ Israel bik che toogunotin ketogoste tugul.

EZRAH 7:6

kotogosta anyun Esra nito eng’ Babulon; ak ki sirindet ne ng’om eng’ Ng’atutikab Musa, che kiga kogochi Jehovah, Kamuktaindetab Israel: ak kichamji laitoriat somennyi tugul, ko u ye kimi eutab Jehovah Kamuktaindennyi, baragunnyi.

EZRAH 7:8

Ak kiit Esra Jerusalem eng’ arawet ne bo mut, ne ki kenyit ne bo tisab ne bo laitoriat.

EZRAH 8:18

Ak ko u ye kimi kobotech eut ne mie ne bo Kamuktaindennyo, komutwech chito ne tinyei naet, ne bo werikab Mali, weritab Lawi, weritab Israel; ak Serebia, koboto werikyik ak tupchosiekyik, taman ak sisiit;

EZRAH 8:22

Amu kialilan asom laitoriat kweanet ne bo askarik, ak bik che lanyei mbartanyisiek si kotoretech kegirinde bunik che mi oret: amu kiga kemwachi laitoriat, kelenji, Mi eutab Kamuktaindennyo koboto ichek tugul che cheng’ei inendet, koyachi ne mie; ago kirindoi kimnatennyi ak nereknatennyi bik tugul che metoi inendet.

EZRAH 8:31

Kebe anyun eng’ ainetab Ahaba eng’ betutab taman ak aeng’ ne bo arawet ne bo tai, kebe Jerusalem: ak kimi kobotech eutab Kamuktaindennyo, ak kisoruech eng’ eutab bunyot, ak ne kisapchinech eng’ oret.

EZRAH 8:32

Ak kigibwa Jerusalem, ak ketebe yoto betusiek somok.

NEEMIA 2:18

Ak kiamwachi ichek agobo eut ne mie ne bo Kamuktaindennyu ne kimi kobota; ak kiamwachi kogeny ng’alekab laitoriat che kiga komwawa. Ak kile, Ongeng’eetye keteekse. Kiigimitgei anyun agobo boisiet ne mie.

NEEMIA 2:8

ak baruet ne kisirjin Asap ribindetab osnetab laitoriat, si kogona ketik ayae baoinikab kurgotik che bo irimet ne kinamgei ak got, ak che bo irimetab nganaset, ak che bo got ne awendi. Ak kigona laitoriat ko u noto, ko u eut ne mie ne bo Kamuktaindennyu ne kimi kobota.

TIENWOGIKAL 80:18

Si ma kegetyinige let kemetoin: Isoobech, si keguur kaineng’ung’.

ISAIAH 66:14

Ak ogeero, ak koboiboitu mugulelwekwok, ak kong’atyo kowekwok ko u suswek che ng’orng’or: ak konaak eutab Jehovah eng’ otwogikyik, ak konerekyi bunikyik.