EZRAH 7:6 - BUKUIT NE TILIL

⁶ kotogosta anyun Esra nito eng’ Babulon; ak ki sirindet ne ng’om eng’ Ng’atutikab Musa, che kiga kogochi Jehovah, Kamuktaindetab Israel: ak kichamji laitoriat somennyi tugul, ko u ye kimi eutab Jehovah Kamuktaindennyi, baragunnyi.

Bukuit Ne Tilil

⁶ Ki togosta anyun Ezrah niito eng' Babilon. Ki siriindet ne ng'oom eng' ng'atuutigap Musa che kiga kogoochi Kamuktaindet ne Toroor, Kamuktaindetap Israel. Ki chamji laitoryat soomennyi tugul, ko uu ye kimi eutap Kamuktaindet ne Toroor Kamuktaindennyi paragunnyi.

BUKUIT NE TILIIL Sireet ne Dutero Kanon

⁶ Ki togosta anyun Ezrah niito eng' Babilon. Ki siriindet ne ng'oom eng' ng'atuutigap Musa che kiga kogoochi Kamuktaindet ne Toroor, Kamuktaindetap Israel. Ki chamji laitoryat soomennyi tugul, ko uu ye kimi eutap Kamuktaindet ne Toroor Kamuktaindennyi paragunnyi.

EZRAH 7:6 ပူးပေါင်းရင်းမြစ်များ

TAUNET 32:28

Ak kilenji, Ma keguurenen Jakobo agoi, ago kagiguurenen Israel: amu kaobelgei ak Kamuktaindet ak bik agichek, ak kaiterter.

EZRAH 5:5

Ago kigeer konyekab Kamuktaindenywa boisiekab Yahudik, ak ma mwachi ichek kobagach boisionoto, kot koit ng’olyot oldab Darius, ak keweech wolunet eng’ baruet agobo ng’olyondonito.

EZRAH 6:22

ak korib eng’ boiboiyet igorta ne bo makatinik che ma kinde mermerek betusiek tisab: amu kiigochi Jehovah ichek koboiboitu, ak kiwal muguleldab laitoriatab Asuria kotokyigei ichek, si kogimit ichek eng’ boisietab gotab Kamuktaindet, Kamuktaindetab Israel.

EZRAH 7:21

Ang’ate ane, laitoriat Artaserses, konoraik tugul che bo tuguk, che mi ainet bitonin, ale, kit age tugul ne ta komagenok Esra tisiindet, sirindetab ng’atutikab Kamuktaindetab kipsengwet, keyai eng’ kagiiletab ge,

EZRAH 7:28

ak kigoitwa ak ane rirenet eng’ taitab laitoriat ak kiruogikyik ak eng’ taitab bounik tugul che kimen che bo laitoriat. Ak kigigimita ko u ye kimi kobota eutab Jehovah Kamuktaindennyu, ak kiayum, eng’ Israel bik che toogunotin ketogoste tugul.

EZRAH 7:5

weritab Abisua, weritab Pineas, weritab Eleasar, weritab Aron tisiindet ne o:

EZRAH 7:9

Amu kitoi kotogos eng’ Babulon eng’ betut ne bo tai ne bo arawet ne bo tai, ak eng’ betut ne bo tai ne bo arawetab mut, koit Jerusalem, ko u ye kimi ak inendet eut ne mie ne bo Kamuktaindennyi.

EZRAH 8:1

Chu ko kandoikab gorikab kwanisiekwak, ak chu ko tetutikab ibinwekwak che kigosiirto, che kigitogosu tugul eng’ Babulon, eng’ betusiekab laitornatetab laitoriat Artaserses.

EZRAH 8:18

Ak ko u ye kimi kobotech eut ne mie ne bo Kamuktaindennyo, komutwech chito ne tinyei naet, ne bo werikab Mali, weritab Lawi, weritab Israel; ak Serebia, koboto werikyik ak tupchosiekyik, taman ak sisiit;

EZRAH 8:22

Amu kialilan asom laitoriat kweanet ne bo askarik, ak bik che lanyei mbartanyisiek si kotoretech kegirinde bunik che mi oret: amu kiga kemwachi laitoriat, kelenji, Mi eutab Kamuktaindennyo koboto ichek tugul che cheng’ei inendet, koyachi ne mie; ago kirindoi kimnatennyi ak nereknatennyi bik tugul che metoi inendet.

EZRAH 8:31

Kebe anyun eng’ ainetab Ahaba eng’ betutab taman ak aeng’ ne bo arawet ne bo tai, kebe Jerusalem: ak kimi kobotech eutab Kamuktaindennyo, ak kisoruech eng’ eutab bunyot, ak ne kisapchinech eng’ oret.

NEEMIA 12:26

Kimi chuto eng’ betusiekab Joiakim weritab Jesua, weritab Josadak, ak eng’ betusiekab Neemia bounindet, ak eng’ betusiekab Esra tisiindet ak ko sirindet.

NEEMIA 12:36

ak tupchosiekyik, Semaia, Asarel, Milalai, Gilalai, Maai, Netanel, ak Juda, Hanani, kotinyei kibugandinik che bo Daudi chitab Kamuktaindet; ak kiindoe ichek Esra sirindet:

NEEMIA 2:12

Ak kiang’eet kemoi, ane ak bik che ng’ering che kimi kobota; amamwachi chi age tugul kit ne kiinde Kamuktaindennyu muguleldanyu ayachi Jerusalem: kima komi tiony age tugul kobota, kobate ne kialanye.

NEEMIA 2:18

Ak kiamwachi ichek agobo eut ne mie ne bo Kamuktaindennyu ne kimi kobota; ak kiamwachi kogeny ng’alekab laitoriat che kiga komwawa. Ak kile, Ongeng’eetye keteekse. Kiigimitgei anyun agobo boisiet ne mie.

NEEMIA 2:8

ak baruet ne kisirjin Asap ribindetab osnetab laitoriat, si kogona ketik ayae baoinikab kurgotik che bo irimet ne kinamgei ak got, ak che bo irimetab nganaset, ak che bo got ne awendi. Ak kigona laitoriat ko u noto, ko u eut ne mie ne bo Kamuktaindennyu ne kimi kobota.

NEEMIA 4:15

Ak kingogas bunikyok kole kigegas kiito, ak kigowal Kamuktaindet kiruogenywa koek buch, keweekyigei anyun tugul irimet, kwo chi tugul boisiennyi.

NEEMIA 8:1

Ak kiiyumgei bik tugul ko u chichak eng’ komosta ne baraa ne kimi taitab ormarichetab beek; ak kilenji bichoto Esra sirindet koib bukuitab Ng’atutikab Musa, che kiga kong’atyi Jehovah Israel.

NEEMIA 8:13

Ak eng’ betut ne bo aeng’, koyumgei kandoikab gorikab kwanisiekab bik tugul, tisiik ak Lawik, koyumjigei Esra sirindet, si kobiit koepchi it ng’alekab Ng’atutik.

NEEMIA 8:4

Ak kitonon Esra sirindet eng’ komosta ne kigiteege ketik kotororit, ne kiga kiyachi boisionoto; ak kitonondos eng’ ye negite inendet eng’ komostab eunnyi ne bo tai, Matitia, Sema, Anaia, Uria, Hilkia, ak Maaseia, ak kitonondos eng’ komostab eunnyi ne bo katam, Pedaia, Misael, Malkija, Hasum, Hasbadana, Sekaria, ak Mesulam.

NEEMIA 8:9

Ak kilenji bik tugul Neemia, ne ki Tirsata, ak Esra tisiindet ak ko sirindet, koboto Lawik che kiineti bik, Tilil betuni eng’ Jehovah Kamuktaindeng’wong’; amoteeye, anan oririe. Amu kiga ririo bik tugul, ye kingogas ng’alekab Ng’atutik.

NEEMIA 9:13

Kiichorjige kogeny tulwetab Sinai, ak ing’alalji ichek imi kipsengwet, ak igochi ichek kiruogutik che lititen ak ng’atutik che bo iman, ak kotigonutik che miach ak kayomisutik,

TIENWOGIKAL 109:27

Si kobiit konai kole nito ko eung’ung’; Ak konai kole, inye Jehovah ne kiiyai.

TIENWOGIKAL 147:19

Iborjin Jakobo ng’olyondennyi, Iborjin Israel ng’atutikyik ak kiruogutikyik.

TIENWOGIKAL 45:1

Ing’irtogei tuguk che miach eng’ muguleldanyu; Amwaitoi tuguk che kiayai agobo laitoriat: Kergei ng’elyeptanyu ak ne sirisie sirindet ne ng’om.

TIENWOGIKAL 80:18

Si ma kegetyinige let kemetoin: Isoobech, si keguur kaineng’ung’.

KALEWANAIK 3:6

Ng’any inendet eng’ ortinweguk tugul, Si kolitit ortinweguk.

ISAIAH 50:2

Kilya si mabiit chi ye kianyone? Kingaguurse ko ma biit chi ne wolu? Tos kigonwagit eunnyu kot ko maimuch kotiach? Anan matinyei kamuget ne asorune? Keero, atenyi nyanjet eng’ kergong’iennyu, ayae ainosiek koek ong’atet: boldos njirenikwak, ak kobek eng’ melelda, amu mami beek.

ISAIAH 59:1

Ogeero, ma nwach eutab Jehovah, kot ko maimuch kosor; ama nyigis itinnyi, kot ko maimuch kogas:

JEREMIA 8:8

Omuktoi ano anyun omwa ole, Ki ng’omen, ak olen, kitinye ng’atutietab Jehovah? Ago, ogeero, kigoyai ng’alset kalamitab kaberberisiet ne bo sirik.

MATAYO 13:52

Ak kilenji ichek, Amu noto anyun, sirindet age tugul ne kiginet komie ng’alekab bounatetab kipsengwet, ko kergei ak chito ne bo got, ne inemu tuguk che leelach ak che bo keny, eng’ ole konore tugukyik che bo magornatet.

MATAYO 23:2

kolenji, Tebe sirik ak Parisaik ng’echeretab Musa:

MATAYO 28:20

onet ichek kosub tuguk tugul che kaang’atak: ak ogeero, ami kobotok eng’ betusiek tugul, agoi kagesunetab ng’ony.

1 KORINTOEK 1:20

Mi ano ne ng’om? Mi ano sirindet? Mi ano kiptiiyotiot ne bo kenyisiechu? Tos ma yai Jehovah ng’omnatetab ng’onyuni koberberit?

1 KORINTOEK 15:1

Aboruok anyun, che kitupche, nguno, logoiywek che miach che kiaamwok, choto kiotaach, choto agichek che otonone,

NG'ATUTIK 28:1

Ak ngiepchi it kutitab Jehovah Kamuktaindeng’ung’ eng’ kagiiletab ge, irib iyai ng’atutikyik tugul che kaang’atin rani, koeetin anyun Jehovah Kamuktaindeng’ung’ isiir bororiosiek tugul che mi ng’ony:

NG'ATUTIK 4:5

Ogeero, kianetak ng’atutik ak kiruogutik, ko u ye king’ata Jehovah Kamuktaindennyu, si kobiit oyai choto eng’ emet ne obendi oname.