EZRAH 7:14 - BUKUIT NE TILIL

¹⁴ Amu kagoyokten laitoriat ak kiruogikyik tisab iwe iteeb agobo Juda ak Jerusalem, ko u ng’atutietab Kamuktaindeng’ung’ ne mi koboten;

Bukuit Ne Tilil

¹⁴ Amu kagoyookten laitoryat ak kirwoogikyik tisap iwe iteep agobo Judah ak Jerusalem ko uu ng'atuutyetap Kamuktaindeng'ung' ne mi kobooten.

BUKUIT NE TILIIL Sireet ne Dutero Kanon

¹⁴ Amu kagoyookten laitoryat ak kirwoogikyik tisap iwe iteep agobo Judah ak Jerusalem ko uu ng'atuutyetap Kamuktaindeng'ung' ne mi kobooten.

EZRAH 7:14 ပူးပေါင်းရင်းမြစ်များ

EZRAH 1:3

Ingotogosta Jerusalem, ne mi Juda, age tugul eng’ okwek che o bo bikyik tugul, ak ingoteb Kamuktaindennyi koboto inendet, kwo koteekyi got Jehovah, Kamuktaindetab Israel (inendet ko Kamuktaindet,) ne mi Jerusalem.

EZRAH 5:8

Ingonaak eng’ laitoriat kole, kigibe emetab Juda, agoi gotab Kamuktaindet ne o, ne kigiteege koik che eechen, ak kiginde baoinik inatusiek, ak wendi tai boisioni eng’ kagiiletab ge ak koberurot eng’ eunekwak.

EZRAH 6:12

ak kobar Kamuktaindet ne kiinde kainennyi komeny oloto, laitorinik tugul ak bik tugul, che iitoi eunekwak kole kowal ng’olyondonoto, kong’em gotab Kamuktaindet ne mitei Jerusalem. Kaang’at ane Darius; ingoyaak ng’atutionito eng’ kagiiletab ge tugul.

EZRAH 6:8

Kang’at kogeny agobo kit ne oyachini boisiechoto bo Yahudik agobo teeksetab goito bo Kamuktaindet: ale kigochi bichoto eng’ kagiiletab ge, tuguk che kiyaaktoi che bo laitoriat, che tugukab aisurut eng’ ainet bitonin, si ma kigirinda ichek.

EZRAH 7:15

ak iib feda ak tahabu, che kiigochi laitoriat ak kiruogikyik Kamuktaindetab Israel eng’ chamnyet, ne mi meng’otennyi, Jerusalem,

EZRAH 7:28

ak kigoitwa ak ane rirenet eng’ taitab laitoriat ak kiruogikyik ak eng’ taitab bounik tugul che kimen che bo laitoriat. Ak kigigimita ko u ye kimi kobota eutab Jehovah Kamuktaindennyu, ak kiayum, eng’ Israel bik che toogunotin ketogoste tugul.

EZRAH 8:25

ak kiagerji ichek feda, ak tahabu, ak terenik, ak kagochinetab gotab Kamuktaindennyo, che kiga kogon laitoriat, ak kiruogikyik, ak bounikyik, ak Israel tugul che kimi yoto:

ESTA 1:14

ak che kirubei inendet ko ki Karsena, Setar, Admata, Tarsis, Meres, Marsena, ak Memukan, bounik tisab che bo Persia ak Media, che kigeerei togetab laitoriat, che kisib kinde koek che eechen eng’ bounatet:)

ISAIAH 8:20

Onamge ak ng’atutik ak baornatet! Ngot ko mang’alal ichek kosub ng’olyondonito, ko amu mami lapkeiyet eng’ ichek.

DANIEL 2:47

Kowolji laitoriat Daniel kolenji, Iman Kamuktaindeng’wong’ ko Kamuktaindet ne bou cheptalelisiek, ak ko Kiptaiyatab laitorinik, ak ng’ang’indetab ung’otik, amu kaimuch ing’any ung’otioni.

DANIEL 6:20

Ak kingorikta anyun keringet ole mi Daniel, kowaach laitoriat eng’ arogenet: king’alal laitoriat kolenji Daniel, Ee Daniel, otwogindetab Kamuktaindet ne sobei, tos imuchi Kamuktaindeng’ung’ ne iote kotugul kosorun eng’ ng’etunyik?

DANIEL 6:26

Ang’ate ng’atutiet ale, Ingobotanso bik che mi bounatetab laitornatennyu ak koiyweis eng’ taitab Kamuktaindetab Daniel: amu inendet ko Kamuktaindet ne sobei, ak kotebyei koigeny, ak laitornatennyi ko maging’emei, ak kotebyei bounatennyi agoi kagesunet:

SEKARIA 6:10

Imut bik alak eng’ che kigiluul, che bo Heldai, ak che bo Tobija, ak che bo Jedaia; ak inyo eng’ betunoto, ak iwe agoi gotab Josia weritab Sepania, ole kobunu ichek koyabu Babulon.