EZRAH 7:12 - BUKUIT NE TILIL

¹² Ane, Artaserses, laitoriatab laitorinik, asirjini Esra tisiindet, sirindetab ng’atutikab Kamuktaindetab kipsengwet, ne igesunotgei ak ko u noto.

Bukuit Ne Tilil

¹² Anee Artaserses, laitoryatap laitorinik, asirchini Ezrah tisiindet, siriindetap ng'atuutigap Kamuktaindetap kipsengwet ne ititaat; Taach chametapkei.

BUKUIT NE TILIIL Sireet ne Dutero Kanon

¹² Anee Artaserses, laitoryatap laitorinik, asirchini Ezrah tisiindet, siriindetap ng'atuutigap Kamuktaindetap kipsengwet ne ititaat; Taach chametapkei.

EZRAH 7:12 ပူးပေါင်းရင်းမြစ်များ

1 LAITORINIK 20:1

Ak kiiyum Ben-hadad laitoriatab Suria lugennyi tugul: ak kimi laitorinik sosomu ak aeng’ koboto inendet, ak mbartanyisiek ak karisiek: ak kitogosta kwo koyiem Samaria, ak kobargei ak nganasanato.

1 LAITORINIK 4:24

Amu kibou koret tugul ne bo Ainet komosi, koboch Tipsa agoi Gasa, kiboi laitorinik tugul che mi Ainet komosi: ak kichamdos ak bik che kimi komoswekyik tugul.

EZRAH 1:2

Kamwa ko u ni Kirus laitoriatab Persia, kole, Kigona Jehovah, Kamuktaindetab kipsengwet, bounatosiek tugul che bo ng’ony; ak king’ata ateekyi got eng’ Jerusalem, ne mi Juda.

EZRAH 4:17

Kiiyokyi anyun laitoriat wolunet Reum bounindetab kiruoget, ak Simsai sirindet, ak choronokwak tugul che kimenyei Samaria, ak emet tugul ne mi ainet bitonin, kole, Ingoteb kalyet ko u noto.

EZRAH 7:1

Ak kingobata tuguchu, eng’ laitornatetab Artaserses laitoriatab Persia, kotogosta Esra weritab Seraia, weritab Asaria, weritab Hilkia,

EZRAH 7:11

Chu ng’alek che bo baruet ne kiigochi laitoriat Artaserses Esra tisiindet, ak ko sirindet, sirindetab ng’alekab ng’atutik che bo Jehovah, ak ko bo kayomisutik che kiigochinoti Israel:

EZRAH 7:6

kotogosta anyun Esra nito eng’ Babulon; ak ki sirindet ne ng’om eng’ Ng’atutikab Musa, che kiga kogochi Jehovah, Kamuktaindetab Israel: ak kichamji laitoriat somennyi tugul, ko u ye kimi eutab Jehovah Kamuktaindennyi, baragunnyi.

ISAIAH 10:8

Amu kimwa kole, Tos, ma laitorinik bounikyuk tugul?

EZEKIEL 26:7

Amu mwaei anyun Kiptaiyat Jehovah ko u ni kole: Ogeero, amuti Nebukadresar laitoriatab Babulon, inendet laitoriatab laitorinik, kobokyi Turo, kobunu murot ne bo katam, koboto mbartanyisiek, ak karisiekyik che bo luget, ak bik che lanyei mbartanyisiek, ak kweanet, ak bik che chang’.

DANIEL 2:37

Ee laitoriandani, i laitoriatab laitorinik, ne kogogochi Kamuktaindetab kipsengwet bounatet, kamuget, ak kimnatet ak torornatet;

DANIEL 2:47

Kowolji laitoriat Daniel kolenji, Iman Kamuktaindeng’wong’ ko Kamuktaindet ne bou cheptalelisiek, ak ko Kiptaiyatab laitorinik, ak ng’ang’indetab ung’otik, amu kaimuch ing’any ung’otioni.

1 TIMOTEO 6:15

ne tun ibortoi eng’ betusiekyik, ne inendet ne iberurot ak ko Kamuktaindet inegei, Laitoriat ne bo laitorinik, ak Kiptaiyat ne bo kiptainik;

NG'ANG'UTYET 17:14

Baregei chuto ak Aruet ak koterter Aruet ichek, amu inendet ko Kiptaiyatab kiptainik, ak ko Laitoriatab laitorinik; ak icheget che mi koboto inendet, che kigiguur ak che kigilewen ak che kiyani.

NG'ANG'UTYET 19:16

Ak kotinyei eng’ ngoriennyi ak eng’ kubestanyi kainet ne kigisir kole, LAITORIAT NE BO LAITORINIK, AK KIPTAIYAT NE BO KIPTAINIK.