EZRAH 5:8 - BUKUIT NE TILIL

⁸ Ingonaak eng’ laitoriat kole, kigibe emetab Juda, agoi gotab Kamuktaindet ne o, ne kigiteege koik che eechen, ak kiginde baoinik inatusiek, ak wendi tai boisioni eng’ kagiiletab ge ak koberurot eng’ eunekwak.

Bukuit Ne Tilil

⁸ Myee konaak eng' laitoryat kole ki kibe emetap Judah agoi kootap Kamuktaindet ne oo, ne kiteechee koik che eecheen ak kindoi pagoinik inatusyek; wendi tai poisyoni eng' kagiiletapkei ak koberuurot eng' eunekwak.

BUKUIT NE TILIIL Sireet ne Dutero Kanon

⁸ Myee konaak eng' laitoryat kole ki kibe emetap Judah agoi kootap Kamuktaindet ne oo, ne kiteechee koik che eecheen ak kindoi pagoinik inatusyek; wendi tai poisyoni eng' kagiiletapkei ak koberuurot eng' eunekwak.

EZRAH 5:8 ပူးပေါင်းရင်းမြစ်များ

EZRAH 2:1

Chu anyun ko bikab emonoto, che kiga togos kobunu ole kiga kiluulji, che bo che kiga kiluul, che kiga luul Nebukadnesar laitoriatab Babulon koba Babulon, che kiweek koba Jerusalem ak Juda, kiwa chi tugul nganasennyi;

EZRAH 5:7

kiiyokyi inendet baruet, ne kigisir ko u ni: Kisirjini laitoriat Darius, kalyet tugul.

EZRAH 5:9

Kigiteebe anyun boisiechoto, kelenji, King’atak ng’o oteech goi, ak oges inatuni?

EZRAH 6:10

si kobiit kogochi Kamuktaindetab kipsengwet korosekab nyamdutik che anyiny, ak kosa agobo sobondab laitoriat, ak werikyik.

EZRAH 6:4

koboto ortinwek somok che bo koik che eechen, ak oret agenge ne bo baoinik che leelach: ak ingobun gotab laitoriat tuguk che keyaaktoe tuguchoto:

EZRAH 7:23

Ak kit age tugul ne ng’atei Kamuktaindetab kipsengwet, koyaak ko u noto agobo gotab Kamuktaindetab kipsengwet, amu nee si ko tos nyonji nereknatet bounatetab laitoriat ak werikyik?

NEEMIA 11:3

Chu ko bik che eechen che bo emotinwek che kimeny Jerusalem: ago kimeny chi tugul komostanyi eng’ nganasokab Juda eng’ nganasokwak, choto ko ki Israel, tisiik, ak Lawik, ak Netinik, ak lagokab otwogikab Solomon.

NEEMIA 7:6

Chuto bikab emet, che kiga kotogos kobunu ole kiga kiluulji, che bo che kiga kiluul, che kiga luul Nebukadnesar laitoriatab Babulon, che kiweek kobwa Jerusalem ak Juda kiwa chi tugul nganasennyi;

ESTA 1:1

Eng’ betusiekab Aasuerus (Aasuerus-nito ko ne kilaitorani koboch India agoi Etiopia, kobou emotinwek bogol ak tiptem ak tisab:)

ESTA 1:22

amu kiiyokto baronok koba emotinwek tugul che bo laitoriat, koba emet age tugul ko u sirenywa, ak koba bororiet age tugul eng’ kutinywa, kole, koboi chi tugul gonnyi, ak komwaita eng’ kutitab bikyik.

TIENWOGIKAL 145:3

O Jehovah, ak kanyol kilos mising’; Ak ma isiagaksei etunatennyi.

DANIEL 2:47

Kowolji laitoriat Daniel kolenji, Iman Kamuktaindeng’wong’ ko Kamuktaindet ne bou cheptalelisiek, ak ko Kiptaiyatab laitorinik, ak ng’ang’indetab ung’otik, amu kaimuch ing’any ung’otioni.

DANIEL 3:26

Korikyi anyun Nebukadnesar ole kibunei kebendi maata o kilalei mising’; ak komwa kole, Sadrak, Mesak, ak Abed-nego, okwek otwogikab Kamuktaindet ne Toror Mising’, omong’u obwa oli. Komong’ anyun Sadrak, Mesak ak Abed-nego eng’ ma.

DANIEL 4:2

Kiageer ale mie abor kaborunoik ak kwong’utik che kiyaiywa Kamuktaindet ne Toror Mising’.

DANIEL 6:26

Ang’ate ng’atutiet ale, Ingobotanso bik che mi bounatetab laitornatennyu ak koiyweis eng’ taitab Kamuktaindetab Daniel: amu inendet ko Kamuktaindet ne sobei, ak kotebyei koigeny, ak laitornatennyi ko maging’emei, ak kotebyei bounatennyi agoi kagesunet:

NG'ATUTIK 10:17

Amu Jehovah Kamuktaindeng’wong’ ko Kamuktaindet ne siirei cheptalelisiek, ak Kiptaiyatab kiptainik, Kamuktaindet ne o, ne bo kamuktaet, ne bo kamuiset, ne matiytii bik, ne mataachei che bo kagaigaet.

NG'ATUTIK 32:31

Amu ma u ruandenywa Ruandennyo, Amu ingen agichek bunikyok kole u noto.