EZRAH 5:2 - BUKUIT NE TILIL

² Kong’eet anyun Serubabel weritab Sealtiel, ak Jesua weritab Josadak; ak kotoi koteech gotab Kamuktaindet ne mi Jerusalem; ak kimi koboto ichek maotikab Kamuktaindet, kotoret.

Bukuit Ne Tilil

² kong'eet anyun Zerubabel weeriitap Shealtiel ak Jeshua weeriitap Josadak ak kotoi koteech kootap Kamuktaindet ne mi Jerusalem. Ki mi kobooto icheek maotigap Kamuktaindet kotoreti.

BUKUIT NE TILIIL Sireet ne Dutero Kanon

² kong'eet anyun Zerubabel weeriitap Shealtiel ak Jeshua weeriitap Josadak ak kotoi koteech kootap Kamuktaindet ne mi Jerusalem. Ki mi kobooto icheek maotigap Kamuktaindet kotoreti.

EZRAH 5:2 ပူးပေါင်းရင်းမြစ်များ

EZRAH 1:8

kiib choto Kirus laitoriatab Persia, eng’ eutab Mitredat konorindet, ak koiityi Sesbasar, bounindetab Juda.

EZRAH 10:18

Ak kibiit eng’ werikab tisiik che kiga kotun tibik che toek: eng’ werikab Jesua, weritab Josedak, ak tupchosiekyik, ko ki Maaseia, Elieser, Jarib, ak Gedalia.

EZRAH 3:2

Kotonon anyun Jesua weritab Josadak, ak tupchosiekyik tisiik, koboto Serubabel weritab Sealtiel, ak tupchosiekyik, ak koteech kaptisisiet ne bo Kamuktaindetab Israel, si kogoitoe kagochinoik che kibeelei, ko u ye sirat eng’ Ng’atutietab Musa chitab Kamuktaindet.

EZRAH 3:8

Ak eng’ kenyit ne bo aeng’ ngab koit gotab Kamuktaindet eng’ Jerusalem, eng’ arawet ne bo aeng’, kotoi Serubabel weritab Sealtiel, ak Jesua weritab Josadak, koboto tupchosiekwak tugul che tisiik ak Lawik, ak luulenik tugul che kiga week Jerusalem; konde Lawik, koboch che bo kenyisiek tiptem ak che siirei, korib boisiet ne bo gotab Jehovah.

EZRAH 6:14

Ak kiteekso anyun boisiekab Yahudik ak kobor, eng’ maoinatetab maotiot Hagai ak Sekaria weritab Ido. Ak kiteekso, ak kiiges, ko u ng’atutietab Kamuktaindetab Israel, ak ko u ng’atutietab Kirus, ak Darius, ak Artaserses laitoriatab Persia.

HAGGAI 2:18

Asomok ale, obwat, koboch betuni ak kwo tai, koboch betutab tiptem ak ang’wan ne bo arawetab sogol, koboch betut ne kigiluume lumeiywotab hekalutab Jehovah, obwat anyun.

SEKARIA 4:14

Kolenja anyun, Chuto ko werik aeng’ che bo mwanik, che tonone ole negite Kiptaiyat ne bo ng’ony komugul.

SEKARIA 4:4

Ak kiawolji malaikaiyat ne king’alalwa, alenji, Nee chu-o, kiptaiyandennyu?

SEKARIA 6:11

Ee, ibe ichek feda ak tahabu, ak iyae chepkuloik, yeityo igerjine metit Josua weritab Jeosadak, tisiindet ne o;

SEKARIA 8:9

Mwaei Jehovah ne bo lugosiek ko u ni kole: Ingogimegitu eunekwok, okwek che ogase ng’alechu eng’ betusiechu eng’ maotik, che kimi eng’ betut ne kigiluumei lumeiywotab gotab Jehovah ne bo lugosiek, noto ko hekalut, si keteech.

2 KORINTOEK 1:24

Ma kele kitinye bounatet eng’ kayaneng’wong’, ago ki toretik che bo boiboiyeng’wong’: amu otonondosi eng’ kayaneng’wong’.