EZRAH 3:10 - BUKUIT NE TILIL

¹⁰ Ak kingolumda teegik lumeiywotab hekalutab Jehovah, konde tisiik kolos Jehovah kolaachi ngoroikwak che bo tiseinatet, kotinyei iriagok, koboto Lawik werikab Asap che kitinyei sanisiekab sugunonik che kibirei, ko u ng’atutietab Daudi laitoriatab Israel.

Bukuit Ne Tilil

¹⁰ Kingo lumda teegik lumeiywotap Hekaluutap Kamuktaindet ne Toroor, konam poisyennywa tisiik ak kolas Kamuktaindet ne Toroor kolaachi ngoroikwak che po tiseinateet ak kotinyei iryagook, kobooto Lawiik weeriigap Asaph che ki tinyei sanisyegap sugunonik che kibirei, ko uu ng'atuutyetap Daudi laitoryatap Israel.

BUKUIT NE TILIIL Sireet ne Dutero Kanon

¹⁰ Kingo lumda teegik lumeiywotap Hekaluutap Kamuktaindet ne Toroor, konam poisyennywa tisiik ak kolas Kamuktaindet ne Toroor kolaachi ngoroikwak che po tiseinateet ak kotinyei iryagook, kobooto Lawiik weeriigap Asaph che ki tinyei sanisyegap sugunonik che kibirei, ko uu ng'atuutyetap Daudi laitoryatap Israel.

EZRAH 3:10 ပူးပေါင်းရင်းမြစ်များ

1 ATEPTAP PEETUUSYEK 15:24

Ak kiguut iriagok eng’ taitab moingetab Kamuktaindet, Sebania, ak Josapat, ak Netanel, Amasai, Sekaria, Benaia, ak Elieser, tisiik: ak ki ribikab kurgetab ole kimi moinget, Obed-edom ak Jeia.

1 ATEPTAP PEETUUSYEK 15:27

Ak kiilaachi Daudi ngoriet ne bo katanit ne kararan, koboto Lawik tugul che kiibei moinget, ak tienik, ak Kenania kandoindetab tienik: ak kiilaachi Daudi epod ne bo katanit.

1 ATEPTAP PEETUUSYEK 16:37

Kobagach anyun eng’ yoto, eng’ taitab moingetab arorutietab Jehovah, Asap ak tupchosiekyik, si kobiit kobois eng’ taitab moinget betusiek tugul, ko u ye yamegei ak boisietab betut age tugul.

1 ATEPTAP PEETUUSYEK 16:42

ak kimi koboto ichek Heman ak Jedutun che kitinyei iriagok ak sanisiek che bo sugunonik che kibirei, che bo ichek che birei kocheiyo mising’, ak tuguk che kibutei che bo tienwogikab Kamuktaindet: ak kotebe werikab Jedutun ormarich.

1 ATEPTAP PEETUUSYEK 23:5

ak ki elfusiek ang’wan ribikab kurgotik; ak kiilosu Jehovah elfusiek ang’wanu eng’ kibugandinik che kiayae ane, si kilosune Jehovah.

1 ATEPTAP PEETUUSYEK 25:25

kobunji ne bo taman ak sisiit Hanani, ki taman ak aeng’ werikyik ak tupchosiekyik:

2 ATEPTAP PEETUUSYEK 35:14

Ye ibata kochopchigei ak tisiik; amu kichirjirendos tisiik werikab Aron kogoitoi kagochinoik che kibeelei ak mwanik agoi kemoi: kichopchigei anyun Lawik, ak tisiik, werikab Aron.

2 ATEPTAP PEETUUSYEK 35:15

Ak kimi komostanywa tienik werikab Asap, ko u ng’atutietab Daudi, ak Asap, Heman, ak Jedutun keerindetab laitoriat; ak kimi ribik ormarichet age tugul; kima ko nyoljin kobagakta boisienywa, amu kichopjin Lawik tupchosiekwak tugul.

2 ATEPTAP PEETUUSYEK 5:12

ak kitononso Lawik agichek, che ki tienik ichek tugul, che choto ko Asap, Heman, Jedutun, ak werikwak ak tupchosiekwak, kolaachi katanisiek che kororon, ak kotinyei sanisiekab sugunonik che kibirei ak kibugandinik ak ketubosiek, eng’ komostab kong’asis ne bo kaptisisiet, ak kimi koboto ichek tisiik bogolu ak tiptem che kuutei iriagok:)

EZRAH 2:41

Tienik: lagokab Asap ko ki bogol agenge ak tiptem ak sisiit.

EZRAH 5:16

Kinyo anyun Sesbasar nito, ak kolum lumeiywekab gotab Kamuktaindet ne mitei Jerusalem: ak koboch betusiechoto agoi ra, keteechei kora, ago tomo kogesgei.

TIENWOGIKAL 150:5

Olosu inendet eng’ sanisiekab sugunonik che kibirei che cheitos: Olosu inendet eng’ sanisiekab sugunonik che cheitos mising’.

HAGGAI 2:15

Ak asomok anyun nguno, ale obwat koboch betunito ak kwo tai, koboch betut ne kiginde koita agenge baragutab koita age eng’ hekalutab Jehovah:

SEKARIA 4:10

Amu ng’o ne kigosas betutab tuguk che mengechen? Amu tun boiboitu ichek, ak kogeer kit ne kilititisie eng’ eutab Serubabel, tuguchu tisab, che konyekab Jehovah; bendoti choto eng’ ng’ony komugul.

SEKARIA 4:6

Yeityo kowol kolenja, Ni ko ng’olyotab Jehovah ne mwachin Serubabel, kolenjin, Ma eng’ kamuktaet, ama eng’ kimnatet, ago eng’ Tamirmiriennyu, mwaei Jehovah ne bo lugosiek.

SEKARIA 4:7

I ng’o, ee tulwoni o? Iegu warenget eng’ taitab Serubabel: ak konem koita ne bo barak kowaaktos kolen, Mieindo, mieindo, ingotebe baragunnyi.

SEKARIA 6:12

ak imwachi inendet ilenji, Mwaei Jehovah ne bo lugosiek ko u ni kole, Keero, chito ne kiguure kainennyi Temet; eetu eng’ oldanyi, ak koteech hekalutab Jehovah:

SEKARIA 7:3

ak kong’alalji tisiikab gotab Jehovah ne bo lugosiek, ak maotik, kolenji, Tos kanyolja arir eng’ arawet ne bo mut, atabange, ko u ye kiayai eng’ kenyisiechu chang’ kot?

1 SAMUEL 22:18

Ak kilenji laitoriat Doeg, Welelge inye, ak ibar tisiik. Kiwelelgei anyun Doeg Edomindet, ak kobar tisiik, ak kibar eng’ betunoto bik tamanwogik sisiit ak mut che kiilachi epod ne bo katanit.