EZRAH 2:68 - BUKUIT NE TILIL

⁶⁸ Ak kingobwa gotab Jehovah ne mi Jerusalem, kandoikab gorikab kwanisiek, kogoito tuguk eng’ chamnyet, keteege gotab Kamuktaindet eng’ ole kimi;

Bukuit Ne Tilil

⁶⁸ Kingo pwa kootap Kamuktaindet ne Toroor ne mi Jerusalem, kandoigap kooriigap kwanisyek, kogoito tuguuk eng' chamyet si keteege kootap Kamuktaindet eng' ole kimi.

BUKUIT NE TILIIL Sireet ne Dutero Kanon

⁶⁸ Kingo pwa kootap Kamuktaindet ne Toroor ne mi Jerusalem, kandoigap kooriigap kwanisyek, kogoito tuguuk eng' chamyet si keteege kootap Kamuktaindet eng' ole kimi.

EZRAH 2:68 ပူးပေါင်းရင်းမြစ်များ

1 ATEPTAP PEETUUSYEK 21:18

Kong’at anyun malaikaiyatab Jehovah Gad kolenji Daudi, Ui togoste, ak iteekyi Jehovah kaptisisiet eng’ ruanyut ne kiborse ne bo Ornan Jebusindet.

1 ATEPTAP PEETUUSYEK 22:1

Yeityo kole Daudi, Ni ko gotab Jehovah Kamuktaindet, ak ni ko kaptisisietab kagochinet ne kibeelei, ne bo Israel.

2 ATEPTAP PEETUUSYEK 3:1

Kitoi anyun Solomon koteech gotab Jehovah eng’ Jerusalem eng’ tulwetab Moria, ole kimong’jine Jehovah kwandanyi Daudi, ne kichob inendet eng’ ole king’at Daudi, eng’ ruanyut ne kiborse ne bo Ornan Jebusindet.

EZRAH 2:67

tambesikwak ko ki bogol ang’wan ak sosom ak mut; sigirok ko ki elfusiek lo ak bogol tisab ak tiptem.

EZRAH 2:69

kiigoito ko u kamugenywa, darkoni elfusiek tamanwogik lo ak agenge che bo tahabu, ak ratilisiek elfusiek mut che bo feda, ak ngoroik bogol agenge che bo tisiik, koba ole kigonore tuguk.

EZRAH 3:3

Ak kiinde kaptisisiet ole tebe; amu kitinyei kaiyweisiet amu bikab emotinwek alak: ak kiigochi Jehovah kagochinoik eng’ kaptisisionoto, kagochinoik che kibeelei, karon ak koskoleny.

EZRAH 9:9

Amu ki otwogik; ago ma bagakyech Kamuktaindennyo ratisiennyo, ago kiityech rirenet eng’ taitab laitorinikab Persia, si kogonech kasoobet, si kelumda gotab Kamuktaindennyo, ak keteech ole kigong’emak eng’ goyoto, ak kegonech irimet eng’ Juda ak Jerusalem.

TIENWOGIKAL 110:3

Chamdogei biguk eng’ betutab kimnateng’ung’: Eng’ kororonindab tililindo, ye machei koeech. Itinye rewotab ming’inateng’ung’.

KOMONG'U 25:2

Mwachi lagokab Israel koibwa konunoik: name konunoichoto chi age tugul ne ichirjini muguleldanyi kogon konunoikyuk.

KOMONG'U 35:21

Ak kinyo age tugul ne kiichirjir muguleldanyi, ak age tugul ne kiigiil tamirmiriennyi kogon, kiib kagochinoikab Jehovah, che bo boisietab emait ne kituiyechin, ak che bo boisiennyi tugul, ak che bo ngoroik che itabanotin.

KOMONG'U 35:29

Kiipji lagokab Israel Jehovah kagochinoik che bo chamnyet; muren age tugul, ak kobogorio age tugul, che kiigiil mugulelwekwak koib tuguk che bo boisionoto tugul, che kiga ng’at Jehovah keyai eng’ Musa.

KOMONG'U 36:3

ak kitaach kagochinoik tugul eng’ Musa che kiga koib lagokab Israel kobunji boisietab otisiet ne bo ole tilil, keyae. Ak kiipchi kogeny karonet age tugul kagochinoik alak che bo chamnyet.

2 KORINTOEK 8:12

Amu ngo chobot kabwatetab chi, ko taachaksei ko u ye tinyei chi, ma ko u ye matinyei.

2 KORINTOEK 8:3

Amu abaoriani ale kiigoito eng’ chamnyenywa ko u kamugenywa, ak ne siirei kamugenywa,

2 KORINTOEK 9:7

Ingogoito chi age tugul ko u ye kigochob eng’ muguleldanyi; ma eng’ ng’oknatet, anan torjinet: amu chamei Jehovah ne igoitoi eng’ boiboiyet.