EZRAH 10:8 - BUKUIT NE TILIL

⁸ Ak age tugul ne ma nyo ko kagobata betusiek somogu, ko u ng’olyotab bounik ak boisiek, kerebe tugukyik tugul, ak kitabane tuiyetab bichoto kiga kiluul.

Bukuit Ne Tilil

⁸ Age tugul ne ma nyo ko kagobata peetuusyek somogu, ko uu ng'olyootap pounik ak poisyek, kerebe tuguukyik tugul ak kitabaane tuiyetap pichooto kiga kiluul.

BUKUIT NE TILIIL Sireet ne Dutero Kanon

⁸ Age tugul ne ma nyo ko kagobata peetuusyek somogu, ko uu ng'olyootap pounik ak poisyek, kerebe tuguukyik tugul ak kitabaane tuiyetap pichooto kiga kiluul.

EZRAH 10:8 ပူးပေါင်းရင်းမြစ်များ

EZRAH 10:7

Ak kimwaita eng’ Juda tugul ak Jerusalem, komwachi lagok tugul che bo bik che kiga kiluul, si kobiit koyumjigei Jerusalem.

EZRAH 10:9

Kiiyumjigei anyun Jerusalem bik tugul che bo Juda ak Benjamin kotomo kogesgei betusiek somogu; ki arawetab sogol, eng’ betutab tiptem ne bo arawanato: ak kitebe bik tugul komosta ne baraa eng’ taitab gotab Kamuktaindet, kobotandos agobo ng’olyondonoto, ak ropta ne o.

EZRAH 7:26

Ak age tugul ne machamei koyai ng’atutikab Kamuktaindeng’ung’, ak ng’atutikab laitoriat, kiruokyi inendet eng’ kagiiletab ge tugul, ngo bo meet, anan ngo bo kang’etoet, anan ngo kerebe tuguk, anan ngo ratisiet.

NEEMIA 13:28

Ak ki sandetab Sanbalat Horonindet, age eng’ werikab Joiada, weritab Eliasib tisiindet ne o: kiaon anyun inendet kwo eng’ ole ami.

NEEMIA 13:3

Ak kingogas ichek Ng’atutiet, koisto tuiyet tugul ne bo bik che terotin komong’une Israelik.

ATEPTAP LAWIK 27:28

Ago magialdoi, ama kitiachi kit ne itabanat, ne itabanjin chi Jehovah eng’ tugukyik tugul che tinyei, ngo bo chi anan tiony, anan ne bo mbaret ne nenyi: tilil mising’ eng’ Jehovah kiy age tugul ne kitabani.

MATAYO 18:17

Ak ngo esio kogas ichek, imwachi kaniset: ak ngo esio kogas kaniset agine, ingoigei kipsagarin eng’ inye anan taagindetab aisurut.

JOHANA 16:2

Onok eng’ sunagogisiek: ee, nyonei sait, ne ibwati chi tugul ne barok kole, Ayachini Jehovah boisiet.

JOHANA 9:22

Kimwa ng’alechu sigikyik, amu kiiywei Yahudik: amu kiga sib kochamnyechi Yahudik, kole, ngo ng’any chi age tugul kole Kristo inendet, kibeetoi eng’ sunagogit.

JOHANA 9:34

Kowolji inendet kolenji, Kigisikten iman tengekwogik, ak inetech? Ak kitoorta inendet kwo sang’.

1 KORINTOEK 5:13

Ago ichek che mitei sang’ koruokyin Jehovah choto. Oiste anyun chichoto sogoran eng’ kwenung’wong’.

JOSHUA 6:19

Ago fedaisiek tugul, ak tahabu tugul, ak tuguk tugul che bo sugunonik, ak che bo karik, ko kigitabanji Jehovah: kiibu choto kobwa ole kigonore tugukab Jehovah.

KIRUOGIK 21:5

Ak kile lagokab Israel, Mi ng’o eng’ ortinwek tugul che bo Israel ne ma nyo kotogos tuiyet ole mi Jehovah? Amu kiga yai kayosiet ne o agobo inendet ne ma nyo kotogos ole mi Jehovah eng’ Mispa, kole, Kibarei inendet iman.

1 SAMUEL 11:7

Kinam anyun eik aeng’ che bo chogit, ak kotonaton, ak koyoktae bik koba komoswek tugul che bo Israel, kole, Chi age tugul ne mamong’u kosubu Saul ak Samuel, keyachin eikyik ko u nito. Ak kiibutyi bik kamuisetab Jehovah, ak kimong’ koigei chichak.