EZRAH 10:1 - BUKUIT NE TILIL

¹ Ak ye kita kosaei Esra, ak kong’anyei chalwogik, ak korirei ak kowirjingei ng’ony eng’ taitab gotab Kamuktaindet, koyumjigei inendet tuiyet ne o mising’ ne kibunu Israel, ne bo murenik ak kwonyik ak lagok: amu kiririo bik eng’ ng’wanindo.

Bukuit Ne Tilil

¹ Ye kita kosaaei Ezrah ak kong'aanyei chalwogik, koriirei ak kowiirchingei ng'wony eng' taitap kootap Kamuktaindet, koyumjigei ineendet tuiyet ne oo miising' ne ki punu Israel, ne po murenik ak kwonyiik ak lagok. Ki riiryo piik ak icheek eng' ng'wanindo.

BUKUIT NE TILIIL Sireet ne Dutero Kanon

¹ Ye kita kosaaei Ezrah ak kong'aanyei chalwogik, koriirei ak kowiirchingei ng'wony eng' taitap kootap Kamuktaindet, koyumjigei ineendet tuiyet ne oo miising' ne ki punu Israel, ne po murenik ak kwonyiik ak lagok. Ki riiryo piik ak icheek eng' ng'wanindo.

EZRAH 10:1 ပူးပေါင်းရင်းမြစ်များ

1 LAITORINIK 8:30

Ak igas sometab otwogindeng’ung’, ak biguk Israel, ye saei kotokyingei yuto: ee, kas anyun eng’ kipsengwet oldang’ung’ ole imenye; ak ye igas, inyochi kaat.

1 LAITORINIK 9:3

Ak kilenji Jehovah inendet, Kaagas saeng’ung’ ak someng’ung’ ne kaisa ak isom eng’ tainnyu: kaatilil goi koiteech, si ande kainennyu yoto koigeny; ak tebe yoto konyekyuk ak muguleldanyu betusiek tugul.

2 ATEPTAP PEETUUSYEK 20:13

Ak kitononso Juda tugul eng’ taitab Jehovah, koboto manyurunikwak ak osotikwak ak lagokwak.

2 ATEPTAP PEETUUSYEK 20:9

Ngot konyonjech yaitiet, rotwetab chok, kiruoget, anan koroito, anan rubet, ketononie eng’ taitab goi, ak eng’ taing’ung’, (amu mi kaineng’ung’ goi,) ak kerirjin eng’ nyalilwogikyok, ak igasech ak isoruech.

EZRAH 10:6

Kong’eet anyun Esra eng’ taitab gotab Kamuktaindet, ak kwo got ne bo orit ne bo Jeohanan weritab Eliasib: ak kingoit yoto, koma koamis, anan koee beek: amu kirirei agobo kachililutietab ichek che kiga kiluul.

NEEMIA 1:4

Ak kingagas ng’alechuto, ateb ng’ony arir, ak aarogen eng’ betusiek alak; ak kiarugutge asa eng’ taitab Kamuktaindetab kipsengwet,

NEEMIA 1:6

ingoeb it itiguk, ak koyatogis konyeguk, si kobiit igas saetab otwogindeng’ung’, ne asain eng’ saini, bet ak kemoi, agobo lagokab Israel otwogiguk, ye ang’anye tengekwogikab lagokab Israel, che kigeyaun: ee, kiayai tengekto koboto gotab kwandanyu.

NEEMIA 10:28

Ak bik tugul, tisiik, Lawik, ribikab kurgotik, tienik, Netinik, ak tugul che kiga kotabanegei bikab emotinwek, kotabanjigei Ng’atutikab Kamuktaindet, koboto osotikwak, werikwak ak tibikwak, chi tugul ne kitinyei naet ak kaguiyet;

NEEMIA 8:9

Ak kilenji bik tugul Neemia, ne ki Tirsata, ak Esra tisiindet ak ko sirindet, koboto Lawik che kiineti bik, Tilil betuni eng’ Jehovah Kamuktaindeng’wong’; amoteeye, anan oririe. Amu kiga ririo bik tugul, ye kingogas ng’alekab Ng’atutik.

TIENWOGIKAL 119:136

Isururune beek che chang’ konyekyuk, Amu maisubi ichek ng’atutieng’ung’.

TIENWOGIKAL 32:5

Kiamwaun chalwoktanyu, ak ma aung’enen tengektanyu: Kiale, Ang’ang’jini Jehovah bistaosiekyuk; Ak kiinyoiywa kaat chalwoktab tengektanyu.

JEREMIA 13:17

Ago ngot ko mogas ng’olyondonito, korirei sobondanyu eng’ ung’ot agobo menoteng’wong’; ak arir mising’, kot koba beekab kong’, amu kageluul kechirekab Jehovah.

JEREMIA 9:1

Kata mie nda ka beek kityo metinnyu, kondametutab beekab kong’ konyekyuk, si kobiit arir bet ak kemoi agobo che kigibar che bo cheptab bikyuk!

DANIEL 9:20

Ak ye kita ang’alali, ak asae, ak ang’anye tengektanyu, ak tengektab bikyuk Israel, ak aibe somennyu kwo taitab Jehovah Kamuktaindennyu agobo tulwet ne tilil ne bo Kamuktaindennyu;

HOSEA 14:2

Ib ng’alek, ak iweekyige Jehovah: ilenji inendet: Iste tengekwogik tugul, ak itaach che miach: kigoitoi anyun kagochinetab kutuswekyok ne kata kigoitoi kirugik.

SEKARIA 12:10

Ak arong’ji tamirmirietab mieindo ak ne bo somet gotab Daudi, ak bik che menyei Jerusalem, ak konyala ichek che kitoora: ak kotee agobo inendet ko u ye iteei chi agobo werinnyi ne kigii inegeik ak konyo ng’wanindo agobo inendet, ko u inendet ne mi eng’ ng’wanindo agobo taitanyi.

MATAYO 3:6

ak kiibatisan inendet ichek eng’ ainet ne kiguure Jordan, kong’anyei tengekwogikwak.

LUKA 19:41

Ak kingorik, kogeer nganaset ak korirji,

POISYONIGAP CHE KIYOKTOI 10:30

Kole anyun Kornelio, Betusiek ang’wan rani koboch yoto agoi saini, ye kiasae eng’ sait sogol eng’ gonnyu; ak keero, kitonon eng’ tainnyu mureno ne ilaachi ngoroik che lilei bich,

POISYONIGAP CHE KIYOKTOI 21:5

Ak kingo kagigesu betusiechoto, kebe bandanyo; ak kiiyomisech ichek tugul koboto osotik ak lagok, agoi kemande eng’ nganaset: ak kegutung’se eng’ ngegut, kesa

ROMANIK 9:2

ale atinye arogenet ne o ak ng’wanindo ne maigesugei eng’ muguleldanyu.

NG'ATUTIK 31:12

Iyum bik, murenik, gotab kor ak lagok, ak toondeng’ung’ ne mi kurgotiguk, si kobiit kogas, ak konetgei, ak koiywei Jehovah Kamuktindeng’wong’, ak korib koyai ng’alek tugul che bo ng’atutioni;

JOSHUA 7:6

Kigerer anyun Josua ngorikyik, ak kong’uruk kot koit ng’ony togennyi eng’ taitab moingetab Jehovah agoi koskoleny, inendet ak boisiekab Israel; ak kiinde metowekwak temburiek.

JOSHUA 8:35

Mami ng’olyo eng’ ng’alek tugul che king’at Musa ne ma soman Josua eng’ taitab tuiyet tugul ne bo Israel, komi kwonyik, ak lagok, ak toek che kimi kwenunywa.