ESTA 7:9 - BUKUIT NE TILIL

⁹ Yeityo komwa Harbona, ne ki agenge eng’ ribik che kimi taitab laitoriat kole, Keero, mitei ketit ne kigartate bik, ne bo kakwautik konom che bo eut tonon, ne kiga kochopchi Haman Mordekai, ne kimwa ne mie agobo laitoriat, lumdaat ketoto eng’ gotab Haman. Ak kile laitoriat, Ogartate inendet ketoto.

Bukuit Ne Tilil

⁹ Yeityo komwa Harbona ne ki agenge eng' riibiik che ki mi taitap laitoryat kole keero, mitei keetit ne lumdaat eng' kootap Haman ne kigartate piik ne po tononennyi mitainik tiptem ak aeng'. Niito ne kiga kochopchi `Haman Mordekai ne ki mwa ne myee agobo laitoryat. Ak ki le laitoryat, “Ogartate ineendet ketoto.”

ESTA 7:9 ပူးပေါင်းရင်းမြစ်များ

2 LAITORINIK 9:32

Ak kiinyal Jeu tirisiet, ak kole, Ng’o ne mi komostanyu? Ng’o? Ak kigeerei inendet bik aeng’u anan somok che ki kiptainik.

ESTA 1:10

Eng’ betut ne bo tisab, ye kibaibai muguleldab laitoriat amu divaik, kong’at inendet Meuman, Bista, Harbona, Bigta, Abagta, Setar, ak Karkas, ribik tisab che kiboisiei eng’ taitab laitoriat Aasuerus,

ESTA 5:14

Kolenji anyun Seres osotiondennyi ak choronokyik tugul, Ingelumda ketit ne kigetisie ne bo kakwautik konom che bo eut ne tonon, ak imwachi laitoriat mutai ilenji kigartate kioto Mordekai: yeityo iwe inye igorta eng’ kagasetab ge koboto laitoriat. Ak kiibaibai kioto Haman; ak king’at keyai ketoto kigetisie.

ESTA 6:14

Ye kita kong’alali ak inendet, kobwa ribikab laitoriat, komut Haman kochogune konyo igorta ne o ne kiga kochob Esta.

ESTA 6:2

Ak kiginyor ko sirat kele, Kimwaita Mordekai Bigtana ak Teres, che ki ribik aeng’ che bo laitoriat, che bo icheget che kiribei kurget, che kiga cheng’ kobar laitoriat Aasuerus.

ESTA 8:7

Kilenji anyun laitoriat Aasuerus Esta osotiondennyi ak Mordekai Yahudiot, Ogeero, kaagochi Esta gotab Haman, ak kogigartat inendet eng’ ketit amu kimachei kobar Yahudik.

ESTA 9:14

Ak king’at laitoriat koyaak ko u noto: ak kigigon ng’atutiet eng’ Susan; ak kigigartat werichoto taman bo Haman.

ESTA 9:25

ago ye kingoit ng’olyondonoto taitab laitoriat, kong’at eng’ baronok kole koweekyigei metinnyi sogornatennyi ne kiga kochob agobo Yahudik; ak kole kigartati inendet ak werikyik eng’ ketit ne kigartate bik.

TIENWOGIKAL 141:10

Ingobutyi kiptengeginik mestonokwak, Ye achilili.

TIENWOGIKAL 35:8

Ingoche inendet ng’emisiet; Ak ingonam inendet mestet ne kiunyei: Ingororkyi oloto eng’ ng’emisionoto.

TIENWOGIKAL 73:19

Katepto ano kot kosib kong’emogis ichek ngunoto! Kagowong’gei eng’ kamuisosiek.

DANIEL 6:24

Ak king’at laitoriat ng’atutiet, ak kigimut bichoto kiitaami Daniel, ak kewirji ichek keringetab ng’etunyik, icheget koboto lagokwak, ak osotikwak; ak kital ng’etunyik ichek, ak kotonaton kowekwak tugul kotom koit keringet orit.

DANIEL 6:7

Kogong’alaljigei boisiek tugul che bo bounatet, kiptainik, ak bounik, bikab kapkiruok ak kiruogik, kole kogimit ng’atutiet ne bo kaplaitoriat, ak kong’at ng’atutiet ne kim, kole, age tugul ne somei kiy cheptalelit age tugul anan ko chi eng’ betusiek sosom, kobatenen, inye, ee laitoriat, kewirjin keringetab ng’etunyik.

1 SAMUEL 17:51

Kolabat anyun Daudi, kwo kotonone Pilistindet, ak konam rotwetab Pilistindonoto, kong’us eng’ choget, ak kobar, ak koebe kaatit kong’et. Ak kingogeer Pilistik kole kagome nyiganennywa, komwei.