ESTA 7:4 - BUKUIT NE TILIL

⁴ amu kigealdech, ane ak bikyuk, si kobiit keng’emech, kebarech, ak kelusye. Ago nda kiga kialdech keegu otwogik che murenik ak che kwonyik, ko kota asise, ago ko ma kota imuchi bunyot koyaakyi laitoriat bichu ko ta betos.

Bukuit Ne Tilil

⁴ Amu kigealdech, anee ak piikyuk si kobiit keng'emech, kebarech ak kelusye. Nda kiga kialdech keegu otwogik che murenik ak che kwonyik, ko kota asise, ago ko mata imuuchi puunyoot koyaakyi laitoryat pichu kota petos.

ESTA 7:4 ပူးပေါင်းရင်းမြစ်များ

NEEMIA 5:5

Ago kergei anyun borwekyok ak che bo tupchosiekyok, lagokyok ko kergei ak lagokwak: ak ogeero, kimutu werikyok ak tibikyok kobwa ratisiet si koek otwogik, ak kagimutu tibikyok alak kobwa ratisiet: ama kitinye kimnatet keesie kioto; amu tinyei bik alak mbarenikyok ak mbarenikyok che bo sabibuk.

ESTA 3:13

Ak kigiyokto baronok, kiyoktae bik koba emotinwek tugul che bo laitoriat, kelenji, keng’em, kebar, kilus, Yahudik tugul, neranik ak che osen, lagok che mengechen ak kwonyik, eng’ betut agenge, eng’ betutab taman ak somok eng’ arawetab taman ak aeng’, noto ko arawetab Adar, ak konam tugukwak koek barunenik.

ESTA 3:9

Ngot kochamei laitoriat, ingesir kele kebar ichek: ak agochi bik che tononjin boisionoto, talentaisiek elfusiek taman che bo feda, koib kobwa ole kigonore tugukab laitoriat.

ESTA 7:5

Yeityo komwachi anyun laitoriat Aasuerus Esta osotiondennyi kolenji, Ng’o noto, ak komi ano inendet, ne kogany koyai ko u ni eng’ muguleldanyi?

ESTA 7:6

Ak kile Esta, Kanyalilindoni ak ko bunyot, sogoranani Haman. Kiarogen anyun Haman eng’ taitab laitoriat ak osotiotab laitoriat.

ESTA 8:11

kimwa baronochoto kole kogochi laitoriat Yahudik che mi nganaset age tugul koyumgei kosorgei, ak kong’em, ak kobar, ak kolus, kimnatet tugul ne bo bik ak ne bo emet, ne kita inyalili ichek, lagok ak kwonyik, ak koluul tugukab bichoto koek barunenik,

ESTA 8:6

Amu amuktoi ano amuita ak ageere yaitiet ne nyonjin bikyuk? Anan amuktoi ano amuita ak ageere ng’emisietab tilionutikyuk?

ESTA 9:25

ago ye kingoit ng’olyondonoto taitab laitoriat, kong’at eng’ baronok kole koweekyigei metinnyi sogornatennyi ne kiga kochob agobo Yahudik; ak kole kigartati inendet ak werikyik eng’ ketit ne kigartate bik.

DANIEL 6:2

ak kiinde boisiek somok che kandoik koboi ichek, ne ki Daniel age eng’ ichek; si koibei bounik ng’alek koipchin ichek, si mabet kiy ne bo laitoriat.

JOEL 3:6

kioalde kogeny lagokab Juda ak lagokab Jerusalem oaldochi werikab Yunanik, si kobiit omut kolooegitu eng’ kiwotenywa:

AMOS 2:6

Mwaei Jehovah ko u ni kole: Maaweechi biret ne abire Israel amu bistaosiekyik somok, ee agot ang’wan; amu kogoaldae che bo iman feda, ak koaldae che matinyei kiy kweonik:

LUKA 12:45

Ago ngo mwa otwogindonoto eng’ muguleldanyi, kole, Igaegei kiptaiyandennyu masib koitu; ak kotoi kobir otwogik che murenik ak che tibik, ak koamis ak koeeiso, ak kobogit;

NG'ATUTIK 28:68

Ak koweekyin Jehovah Misri kogeny eng’ melisiek, eng’ oret ne kiamwaun, ale, Ma igeere kogeny: ak oaldochige bunikwok eng’ oloto oegu otwogik che murenik ak che kobogorisiek, ago mabiitu chi ne alok.

JOSHUA 9:23

Ara anyun, o chubotin, amagoi betyo eng’ okwek che otwogik, che betei kwenik ak che ramei beek che bo gotab Kamuktaindennyu.

1 SAMUEL 22:23

Tebi kobota, ameiyweisie; amu inendet ne cheng’ei sobondanyu kocheng’ei sobondang’ung’: amu ngemi tuwai ko i ribot.