ESTA 4:3 - BUKUIT NE TILIL

³ Ak kibiit arogenet ne o eng’ Yahudik, ak karugutetab ge, ak rirek ak kateeiyet eng’ emet age tugul ne kiit ng’olyotab laitoriat ak ng’atutiennyi, ak kisieb che chang’ eng’ ichek kuniok ak orek.

Bukuit Ne Tilil

³ Ki piit eng' Yahudik arageneet ne oo, karugutetapkei, riirek ak kateeiyet eng' emet age tugul ne ki it ng'olyootap laitoryat ak ng'atuutyennyi, ak kisyep che chaang' eng' icheek kuniok ak oreek.

ESTA 4:3 ပူးပေါင်းရင်းမြစ်များ

ESTA 1:1

Eng’ betusiekab Aasuerus (Aasuerus-nito ko ne kilaitorani koboch India agoi Etiopia, kobou emotinwek bogol ak tiptem ak tisab:)

ESTA 3:12

Kigiguur anyun sirikab laitoriat kobwa eng’ arawet ne bo tai eng’ betutab taman ak somok, ak kigisir ko u tugul che king’at Haman, kong’atyi kiptainikab laitoriat, ak bounik che kibou emet age tugul, ak bounikab bororiet age tugul; kigisirji emet age tugul ko u sirennyi, ak bororiet age tugul ko u kutinywa; kigisir eng’ kainetab laitoriat Aasuerus, ak kiging’och eng’ peteitab laitoriat.

ESTA 4:16

Ui iyum Yahudik tugul che mitei Susan, ak orugutge agobo ane, amat oam kiy anan oeeise eng’ betusiek somok, kemoi anan bet: arugutige agane ko u noto koboto tibikyuk: ak awe anyun ole mi laitoriat, ama ko u ng’atutiet: ak ngalus, alus.

ESTA 4:2

ak kinyo taitab ormarichetab laitoriat: amu ma kichamji chi age tugul kochut ormarichetab laitoriat kolaachi kuniok.

ESTA 4:4

Ak kibwa tibikab Esta ak ribikyik, ak komwachi inendet ng’olyondonoto; ak kiarogen mising’ osotiotab laitoriat: ak kiiyokto ngoroik kilaakyi Mordekai, ak kireegune kuniok: ago ma taach.

ESTA 9:31

si kogimit betusiechuto bo Purim eng’ betusiekwak che kiging’at, ko u ye kiga ng’at ichek Mordekai Yahudiot, ak Esta osotiotab laitoriat, ak ko u ye kiga kong’atyigei ak iyotenywa, eng’ ng’olyotab karugutetab ge ak rirekwak,

Kitabuutap JOB 2:8

Ak kiinem Job rokyet kong’iriregei; ak kitebe orek.

ISAIAH 22:12

Ak kiguurso eng’ betunoto Kiptaiyat, Jehovah ne bo lugosiek, si kobiit oririe, ak oteiye, ak ocheru metowek, ak olaach kuniok:

ISAIAH 22:4

Kiamwa anyun ale, Welelge amegeera, si arir eng’ ng’wanindo; mat ibirtege ile igaigaa, amu luuletab cheptab bikyuk.

ISAIAH 58:5

Tos noto karugutetab ge ne kialewen? Betut ne inyalili chi sobondanyi? Koabuch chi metinnyi ko u cherungut, ak kosieb kuniok ak orek? Tos oguure nito karugutetab ge, betut ne taachaksei eng’ Jehovah?

EZEKIEL 27:30

Ak kowaach kot igas, ak koririo eng’ ng’wanindo, ak kolakyin temburiek metowekwak, ak komildaegei orek:

DANIEL 9:3

Ak kiatokyige Kiptaiyat Kamuktaindet, ale acheng’ inendet eng’ saet ak somutik, koboto karugutetab ge, ak kalaagetab kuiniok, ak eng’ orek.

JONAH 3:6

Ak kiit ng’alek oldab laitoriatab Ninebe, ak king’eet eng’ ng’echerennyi ne bo laitornatet ak koreek ngoriennyi, ak kotugegei kuniok, ak kotebe orek.

MATAYO 13:42

ak kowirji mat ne o: egu eng’ oloto kateeiyet ak nyeetab kelek.

MATAYO 22:13

Kilenji anyun laitoriat kiboitinik, Orat inendet eunek ak kelyek, ak owirji mesundeito eng’ oli bo sang’; egu eng’ oloto rirek ak nyeetab kelek.

MATAYO 25:30

Ak otoorji otwogindet ne manyolu mesundeito ne bo sang’, ole egu rirek ak nyeetab kelek.

JOSHUA 7:6

Kigerer anyun Josua ngorikyik, ak kong’uruk kot koit ng’ony togennyi eng’ taitab moingetab Jehovah agoi koskoleny, inendet ak boisiekab Israel; ak kiinde metowekwak temburiek.

1 SAMUEL 11:4

Koit anyun bik che kiga kiyokto, Gibea ne bo Saul, ak komwachi bik ng’alechuto kogas: ak kiwaach bik tugul ak koririo.