ESTA 3:2 - BUKUIT NE TILIL

² Ak kiing’urukso otwogik tugul che bo laitoriat che kimi ormarichetab laitoriat, ak kogonyit Haman: amu kiga kong’at laitoriat ko u noto agobo inendet. Ago kima ing’uruk Mordekai, anan kogonyit inendet.

Bukuit Ne Tilil

² Ak ki ing'uruukjin ak kogonyiti Haman `otwogik tugul che po laitoryat che ki mi ormariichetap kaplaitoryat, amu kiga kong'at laitoryat ko uu nooto agobo ineendet. Ago ki ma ing'uruuk anan kogonyit `Mordekai ineendet.

ESTA 3:2 ပူးပေါင်းရင်းမြစ်များ

TAUNET 41:43

Ak kiigochi Parao Josep kolany karinnyi ne bo aeng’ ne kitinyei, ak kiboldos bik eng’ tainnyi kolen, Ogutuny; ak kiinde inendet koboi emet komugul ne bo Misri.

ESTA 2:19

Ak kingo kagoyumgei bergeinik ne bo aeng’, koteb Mordekai eng’ ormarichetab laitoriat.

ESTA 2:21

Eng’ betusiechoto, ye kitebyei Mordekai eng’ ormarichetab laitoriat, konerekso ribik aeng’ che bo laitoriat, Bigtan ak Teres, che kiribei kurget, ak kocheng’ kobar laitoriat Aasuerus.

ESTA 2:5

Kimi Yahudiot age Susan, nganaset ne o, ne kigiguure Mordekai, weritab Jair, weritab Simei, weritab Kis, Benjaminindet;

ESTA 3:1

Kingobata tuguchuto koeet laitoriat Aasuerus Haman weritab Hamedata Agagindet, ak kotoror inendet ak kogochi kotebe ng’echeret ne toror kosiir bounik tugul che kimi koboto inendet.

ESTA 3:3

Komwachi anyun otwogikab laitoriat che kimi ormarichetab laitoriat, Mordekai, kolenji, Amu nee si ibistoe ng’atutietab laitoriat?

ESTA 3:5

Ak kingogeer Haman kole ma ing’uruk Mordekai, anan kogonyit inendet, konerech mising’.

ESTA 5:9

Kwo anyun Haman eng’ betunoto kobaibai ak kogasegei eng’ muguleldo: ago ye kingogeer Haman Mordekai eng’ ormarichetab laitoriat, kole ma tonon anan koistochigei inendet, konerekyi Mordekai mising’.

TIENWOGIKAL 15:4

Sasat eng’ tainnyi inendet ne esioot; Ago konyiti che iywei Jehovah. Ne mawalei kayosiennyi matiny kanyor nyalil;

KOMONG'U 17:14

Ak kilenji Jehovah Musa, Sirji ng’alechu bukuit si koek kabwatet; ak isomanji Josua: amu abuktoi kabwatetab Amalek kobet eng’ kureretab kipsengwet.

KOMONG'U 17:16

ak kile, Kagoyosio Jehovah: yaei Jehovah luget ak Amalek eng’ ibinwek tugul.

DANIEL 2:49

Ak kisom Daniel laitoriat, konde Sadrak, Mesak, ak Abed-nego, koboi ng’alekab emetab Babulon: ago kitebe Daniel ormarichetab laitoriat.

NG'ATUTIK 25:19

Ye tun kagogonin Jehovah Kamuktaindeng’ung’ kamuung’et eng’ buniguk tugul che mi komosweguk tugul, eng’ emet ne konin Jehovah Kamuktaindeng’ung’ koek boroteng’ung’ kobunjin, ibukte anyun kabwatetab Amalek eng’ kureretab kipsengwet; amat iutie.

PILIPIK 2:10

si kobiit kogutuny kutundo age tugul eng’ kainetab Jesu, age tugul ne mi kipsengwet, ak ne mi ng’ony ak ne mi ng’ony orit,

1 SAMUEL 15:3

Ui anyun nguno ak ibar Amalek, ak ing’em igesu tuguk tugul che tinyei, amat ibagakte; ago bar muren ak kwony, lakwet ak ne reriei, teta ak kechiriet, tambesiet ak sigiriet.