EPESOEK 6:9 - BUKUIT NE TILIL

⁹ Ak okwek kiptainichu, oyachi ichek ak okwek ko u noto, amorasyini: ongen ole mi kipsengwet Kiptaiyandenywa ak ko neng’wong’, ama mi eng’ inendet tiytiet ne bo bik.

Bukuit Ne Tilil

⁹ Ak okweek kiptainichu, oyachi icheek ak okweek ko uu nooto, amorasyini: ongen ole mi kipsengwet Kiptaiyannywa ak ko neng'wong', ama mi eng' ineendet tiytiyet ne po piik.

BUKUIT NE TILIIL Sireet ne Dutero Kanon

⁹ Ak okweek kiptainichu, oyachi icheek ak okweek ko uu nooto, amorasyini: ongen ole mi kipsengwet Kiptaiyannywa ak ko neng'wong', ama mi eng' ineendet tiytiyet ne po piik.

EPESOEK 6:9 ပူးပေါင်းရင်းမြစ်များ

NEEMIA 5:5

Ago kergei anyun borwekyok ak che bo tupchosiekyok, lagokyok ko kergei ak lagokwak: ak ogeero, kimutu werikyok ak tibikyok kobwa ratisiet si koek otwogik, ak kagimutu tibikyok alak kobwa ratisiet: ama kitinye kimnatet keesie kioto; amu tinyei bik alak mbarenikyok ak mbarenikyok che bo sabibuk.

Kitabuutap JOB 34:19

Kotam nee anyun eng’ inendet ne magonyiti bounik, Ne mageerei magorek kosiir kibananok? Amu boisionikab eunekyik ichek tugul.

TIENWOGIKAL 140:12

Angen ale toreti Jehovah ng’alekab ne kinyalili, Ak kit ne nyoljin inendet ne banani.

AMDOINDET 5:8

Ngot igeer kesastae kibananiat, ak keistoi kiruoget ak imanda eng’ koromnatet eng’ emet, ko mekwong’e noto: amu keerei noto inendet ne toror kosiir icheget che tororen; ak mi che tororen kosiir ichek.

ISAIAH 47:6

Kianerekyi bikyuk, kiamuruon bortannyu, ak kiande ichek eung’ung’: ma irire agot kitigin; kiigesenji che kigoosegitu choging’ung’ ne nyigis mising’.

DANIEL 3:15

Ngot ochoboge anyun eng’ sait ne kogas cheetab igondit, ndurerut, ketubet, chepkesemit, kibugandet ak ndurerut ne o, koboto tienwogik alak tugul, obutye ng’ony ak olosu kanamwet ne koayai, komieitu: ago ngot ko molosu, kewirjinok mat ne o ne lalei mising’, eng’ sainato; ak ng’o cheptalelit ne tos soruok eng’ eunnyu?

DANIEL 3:6

ak age tugul ne maibutyin ng’ony ak kolos, kewirjin mat ne o, ne lalei mising’, eng’ sainato.

ATEPTAP LAWIK 19:13

Amesastae chitab kokweng’ung’, anan irebe kiy: amat inamdege melektab otwogindet kot koeech.

MALAKI 3:5

Ak arikyok eng’ kiruoget, ak aegu baoriat ne chepcheb agobo bonik, ak agobo che ibegei, ak agobo bik che iyostos eng’ lembechek; ak agobo ichek che sastoe otwogindet ne kisirei eng’ melektanyi, che sastoe mosok, ak ne matinyei kwanda, ak ne imaasi toondet, amaiywea, mwaei Jehovah ne bo lugosiek.

MATAYO 22:10

Kiba anyun otwogichoto ortinwek, ak koyum tugul che kinyor, che yaach koboto che miach: ak kinyi toek gotab katunisiet.

MATAYO 22:8

Kimwachi anyun otwogikyik kolenji, Chobot katunisiet, ago ma nyolji che kiga kemwachi.

MATAYO 24:48

Ago ngo mwa otwogindet ne ya eng’ muguleldanyi, kole, Ta kogaegei kiptaiyandennyu:

MATAYO 24:51

ak kobir mising’ ak kogochi kebebertanyi koboto chombilik: egu eng’ oloto rirek ak nyeetab kelek.

MATAYO 7:12

Noto anyun tuguk tugul che omache koyaiywok bik, ko kanyol oyachi agichek ko u noto: amu chuto Ng’atutik ak maotik.

LUKA 6:31

Ak ko u ye omache koyaiywok bik, oyachi ak okwek ko u noto.

JOHANA 13:13

Oguurena Konetindet, ak Kiptaiyat: ak omwae komie; amu a inendet.

POISYONIGAP CHE KIYOKTOI 10:34

Ak king’any anyun Petero kutinnyi, kole, Iman ageere ale machamei Jehovah bik alak kosiir alak:

ROMANIK 2:11

amu matiytii Jehovah bik.

1 KORINTOEK 1:2

kisirjini kanisetab Jehovah ne mitei Korinto, ichek che kigitaban eng’ Kristo Jesu, che kigiguur koek che tililen, koboto tugul che kuurei kainetab Kiptaiyandennyo Jesu Kristo eng’ komosta age tugul, Kiptaiyandenywa ak ko nenyo:

1 KORINTOEK 7:22

Amu inendet ne kigiguur eng’ Kiptaiyat, ko otwogin, ko chito ne itiagat ne bo Kiptaiyat: ko u noto, inendet ne kigiguur kotiagat, ko otwogetab Kristo.

NG'ATUTIK 10:17

Amu Jehovah Kamuktaindeng’wong’ ko Kamuktaindet ne siirei cheptalelisiek, ak Kiptaiyatab kiptainik, Kamuktaindet ne o, ne bo kamuktaet, ne bo kamuiset, ne matiytii bik, ne mataachei che bo kagaigaet.

KOLOSAIK 3:25

Amu inendet ne yaei ne ya, ko tun taachei agine ne bo yaitionoto kiyai: ama mi tiytiet.

KOLOSAIK 4:1

Kiptainichu, ogochini otwogikwok noto ne bo imanda ak ne nyolu; ongen ole otinye ak okwek Kiptaiyat eng’ kipsengwet.

JAKOBO 2:13

Amu matinyei kiruoget rirenetab ge eng’ inendet ne ma ibor rirenetab ge: itororegei rirenetab ge kogirindoi kiruoget.

JAKOBO 2:8

Ago ngot osulde Ng’atutietab kaplaitoriat, ko u ye mwaei sirutik kole, Cham chitab kokweng’ung’ ko u ye ichamdoige, oyae ne mie;

JAKOBO 5:4

Ogeero, boldos melekwekab kiboitinik che kigesei mbarenikwok, che kionamdege: ak kigochut itikab Kiptaiyatab Lugosiek rirekab ichek che kigesei.

1 SAMUEL 15:17

Ak kimwa Samuel kole, Nganda kii ming’in ye kiigeerege, ko kima kieetin iegu kandoindetab bororiosiekab Israel? Ak koiilin Jehovah iegu laitoriat eng’ Israel;