EPESOEK 6:3 - BUKUIT NE TILIL

³ si kobiit komieit eng’ inye, si kota iwe keny eng’ ng’ony.

Bukuit Ne Tilil

³ si kobiit komyeeit eng' inyee, si kota iwe keny eng' ng'wony.

BUKUIT NE TILIIL Sireet ne Dutero Kanon

³ si kobiit komyeeit eng' inyee, si kota iwe keny eng' ng'wony.

EPESOEK 6:3 ပူးပေါင်းရင်းမြစ်များ

ISAIAH 3:10

Omwachi ne bo iman olenji, mieitu eng’ inendet: amu amei ichek logoekab boisionikwak.

JEREMIA 35:7

amoteeche got, anan ogolse, anan omin mbaretab sabibuk, anan otepte choto: ago omenye emaisiek eng’ betusiekwok tugul; si kobiit osopche eng’ betusiek che chang’ eng’ emet ne o toek.

JEREMIA 42:6

Ngo ng’olyo ne mie, anan ngo ne ya, kegase it kutitab Jehovah Kamuktaindennyo, ne kiyoktochinin; si kobiit komieit eng’ achek, ye kigas it kutitab Jehovah Kamuktaindennyo.

EPESOEK 6:2

Teech kwandang’ung’ ak komet (nito ng’atutiet ne bo tai ne boto kayomiset),

EPESOEK 6:4

Ak okwek, kwanisiechu, amotachatachi lagokwok, si konerekso: ago obai ichek eng’ kotigonet ak kateunetab Kiptaiyat.

NG'ATUTIK 12:25

Amat iam; si komieit eng’ inye, ak eng’ lagoguk che biitu let, ye iyae noto mie eng’ taitab Jehovah.

NG'ATUTIK 12:28

Rib ak iepchi it ng’alechu tugul che kang’atin, si komieit eng’ inye ak eng’ lagoguk che biitu let agoi koigeny, ye iyae ne mie ak ne bo iman eng’ taitab Jehovah Kamuktaindeng’ung’.

NG'ATUTIK 22:7

kanyol iunde kamet kwo, ago imuchi iipchigei arek; si komieit eng’ inye, ak kochang’a betusieguk.

NG'ATUTIK 4:40

Ak kirib anyun konetisiosiekyik ak ng’atutikyik che kang’atin rani, si komieit eng’ inye, koboto lagoguk che biitu let, ak kochang’ait betusieguk eng’ emet ne konin Jehovah Kamuktaindeng’ung’, koigeny.

NG'ATUTIK 5:16

Teech kwandang’ung’ ak komet, ko u ye king’atin Jehovah Kamuktaindeng’ung’: si kochang’ait betusieguk, ak komieit eng’ inye eng’ emet ne konin Jehovah Kamuktaindeng’ung’.

NG'ATUTIK 5:33

Obun ortinwek tugul che king’atak Jehovah Kamuktaindeng’wong’, si osopche, ak komieit eng’ okwek, ak kochang’ait betusiekwok eng’ emet ne oname kobunjok.

NG'ATUTIK 6:18

Ak iyai ne bo iman ak ne mie eng’ taitab Jehovah: si komieit eng’ inye, si iwe inam kobunjin emet ne mie ne kiiyosiechi Jehovah kwanisieguk,

NG'ATUTIK 6:3

Ogaso, ee Israel, ak orib oyai; si komieit eng’ inye, ak ochang’aitu mising’, eng’ emet ne nyiitat chego ak kumik, ko u ye kiiarorun Jehovah, Kamuktaindetab kwanisieguk.

RUTH 3:1

Ak kilenji Naomi korgennyi bo yugoi, Cheptanyu, tos macheng’un ane ole imuung’e, si komieit eng’ inye?