EPESOEK 6:17 - BUKUIT NE TILIL

¹⁷ Ak onam kutwetab yetunet, ak rotwetab chok ne bo Tamirmiriet, noto ng’olyotab Jehovah:

Bukuit Ne Tilil

¹⁷ Ak onam kuutweetap yetunet, ak rotwetap chok ne po Kabuuset ne Tiliil, nooto ng'olyootap Kamuktaindet:

BUKUIT NE TILIIL Sireet ne Dutero Kanon

¹⁷ Ak onam kuutweetap yetunet, ak rotwetap chok ne po Kabuuset ne Tiliil, nooto ng'olyootap Kamuktaindet:

EPESOEK 6:17 ပူးပေါင်းရင်းမြစ်များ

2 SAMUEL 22:36

Kiigona long’etab yetuneng’ung’ agine: Ak kigoeeta talasieng’ung’.

ISAIAH 49:2

ak kigoyai kutinnyu koigei rotwetab chok ne ng’atib, kiung’ena uruetab eunnyi; kigoyaa aek irumet ne kigisit, kigoung’ena motiennyi:

ISAIAH 59:17

Ak kiilaach imanda ko u karnetab teget, ak chepkulet ne bo yetunet eng’ metinnyi; ak kiilaach ngoroikab yaaktaetab mugetut, ak kiilaach kagiiletab ge ko u sambut.

HOSEA 6:5

Kiawai anyun ichek eng’ maotik; kiabare ichek ng’alekab kutinnyu: ak u kiruogutiguk lapkeiyet ne mong’u.

SEKARIA 4:6

Yeityo kowol kolenja, Ni ko ng’olyotab Jehovah ne mwachin Serubabel, kolenjin, Ma eng’ kamuktaet, ama eng’ kimnatet, ago eng’ Tamirmiriennyu, mwaei Jehovah ne bo lugosiek.

MATAYO 4:4

Ago kiwolji kole, Sirat, Masobei chi eng’ makatiat inegei, ago eng’ ng’olyot age tugul ne mong’une kutitab Jehovah.

MATAYO 4:7

Kilenji Jesu, Sirat kogeny kole, Meyom Kiptaiyat Jehovah neng’ung’.

EPESOEK 5:26

si kobiit kotaban, ko kagotilil eng’ kaunetab beek eng’ ng’olyot,

1 THESSALONIKEK 5:8

Ago ongeegu che kiribegei, achek che ke bo bet, kilaachi karnetab teget ne bo kayanet ak chamnyet; ak kutwet, noto ko kamang’unet ne bo yetunet.

HEBRANIK 4:12

Amu sobei ng’olyotab Jehovah, ak ko kim, ak ko ng’atib kosiir rotwetab chok ne ng’atiben komoswek tuwai, ak kotoorei agoi kobesio sobondo ak tamirmiriet, ak ole tuiyechin kowek ak amset, ak chepcheb koguiyo kabwatutik ak magutikab muguleldo.

HEBRANIK 6:5

ak kochamjam ng’olyot ne mie ne bo Jehovah, ak kimnatosiekab kenyisiek che bwanei,

NG'ANG'UTYET 1:16

Ak kitinyei kecheik tisab eng’ eunnyi ne bo tai: ak kimong’une kutinnyi rotwetab chok ne ng’atiben komoswek tuwai: ak ki u togennyi asista ne iluu eng’ kimnatennyi.

NG'ANG'UTYET 12:11

Ak kiiterter inendet amu korotikab Aruet, ak amu ng’olyotab baornatenywa; ama cham sobonwekwak agoi meet.

NG'ANG'UTYET 19:15

Ak kimong’une kutinnyi rotwetab chok ne ng’atib, si kobiit kobire bororiosiek: ak koboi ichek eng’ kiroktab karnet: ak kotiech sabibuk eng’ ole kituisie che bo koromnatet ne bo neregekab Jehovah ne bo Kamuktaet.

NG'ANG'UTYET 2:16

Sigu anyun; anan anyonjin achogu, ak anyo aborie ichek eng’ rotwetab chok ne bo kutinnyu.

1 SAMUEL 17:5

Ak kitinyei kutwet ne bo sugunwet eng’ metinnyi, ak kiilaachi ngoriet ne bo karik; ak nyigisindab ngorionoto ko ki sekelisiek elfusiek mut che bo sugunonik.

1 SAMUEL 17:58

Ak kiteebe Saul kolenji, I bo gab ng’o, weri? Ak kiwolji Daudi kolenji, A weritab otwogindeng’ung’ Jesii, Bet-lehemindet.