EPESOEK 6:10 - BUKUIT NE TILIL

¹⁰ Ne bo let anyun, oegu che kimen eng’ Kiptaiyat, ak eng’ kimnatetab kamugennyi.

Bukuit Ne Tilil

¹⁰ Ne po let anyun, oegu che kiimeen eng' Kiptaiyat, ak eng' kimnateetap kamugennyi.

BUKUIT NE TILIIL Sireet ne Dutero Kanon

¹⁰ Ne po let anyun, oegu che kiimeen eng' Kiptaiyat, ak eng' kimnateetap kamugennyi.

EPESOEK 6:10 ပူးပေါင်းရင်းမြစ်များ

1 ATEPTAP PEETUUSYEK 28:10

Ripge anyun; amu kigolewenin Jehovah iteech got ne bo ole tilil: kimitu anyun, ak iyai.

1 ATEPTAP PEETUUSYEK 28:20

Ak kilenji Daudi Solomon werinnyi, Kimitu nyiganitu, ak iyai: ameiywei, anan itoptoben: amu mi koboten Jehovah Kamuktaindet, inendet Kamuktaindennyu: mabagaktoin, anan kometen agoi kogesgei boisiet tugul ne bo otisietab gotab Jehovah.

2 ATEPTAP PEETUUSYEK 15:7

Ago ogimegitu, among’ kochorirenso eunekwok: amu onyoru melekto eng’ boisionikwok.

TIENWOGIKAL 138:3

Kiiwolwa eng’ betut ne kiaguurin, Kiigimita eng’ kimnatet eng’ sobondanyu.

ISAIAH 40:28

Tos tom inai? Tos tom igas? Manyaluli, ama ng’etei Kamuktaindet ne bo koigeny, inendet Jehovah, Yaindetab ng’ony komugul; maisiagaksei naennyi.

ISAIAH 40:31

ago nyoru kimnatet ne leel icheget che igeni Jehovah; togostoi kotirirendos ko u kipsichinik; ruaei, ama ng’etos; bendoti, ama nyaluldos.

HAGGAI 2:4

Nyiganitu, ee Serubabel, mwaei Jehovah; ak inyiganitu, ee Josua weritab Jeosadak, tisiindet ne o; onyiganitu okwek bik tugul che bo emet, mwaei Jehovah, ak oboisie: amu ami kobotok, mwaei Jehovah ne bo lugosiek,

SEKARIA 8:13

Ak ko u ye kioegu che chubotin eng’ bororiosiek, ee gotab Juda ak gotab Israel, asoruok anyun, si oegu kaberuret: amoiywei, ago ingogimegitu eunekwok.

SEKARIA 8:9

Mwaei Jehovah ne bo lugosiek ko u ni kole: Ingogimegitu eunekwok, okwek che ogase ng’alechu eng’ betusiechu eng’ maotik, che kimi eng’ betut ne kigiluumei lumeiywotab gotab Jehovah ne bo lugosiek, noto ko hekalut, si keteech.

1 KORINTOEK 16:13

Oripse, olumdege mising’ eng’ kayanet, otebi ko u murenik, ogimegitu.

2 KORINTOEK 13:11

Ne bo let anyun, che kitupche, ko saisere. Oegu che chobotin; oegu che bo kagaigaet; oegu che bo kabwatet agenge; otebi eng’ kalyet: ak mi Jehovah ne bo chamnyet ak kalyet kobotok.

EPESOEK 1:19

ak kit ne u oindo ne siirtoot ne bo kamuktaennyi eng’ achek che kiyani, ko u boisionoto bo kimnatetab kamuktaennyi

EPESOEK 3:16

si kobiit kogonok, ko u magornatosiekab torornatennyi, ogimegitu eng’ kamuktaet eng’ Tamirmiriennyi eng’ chito ne bo orit;

NG'ATUTIK 31:23

Kiigochi anyun Josua weritab Nun ng’atutiet, kolenji, Kimitu, nyiganitu: amu imuti lagokab Israel koba emet ne kiayosiechi: ak ami koboten.

PILIPIK 3:1

Ne bo let anyun, che kitupche, oboiboitu eng’ Kiptaiyat. Ma kaiimet iman eng’ ane asirwak tuguchuto, ago toretok okwek.

PILIPIK 4:13

Amuchi ayai tuguk tugul eng’ inendet ne igimita.

PILIPIK 4:8

Ne bo let anyun, che kitupche, tuguk alak tugul che bo imanda, alak tugul che bo teegisto, alak tugul che bo imanda, alak tugul che tililen, alak tugul che chamotin, alak tugul che kimwaitoe ne mie; ngo mi miein age tugul, ak ngo mi kalosunet age tugul, obwat tuguchuto.

KOLOSAIK 1:11

kigimitok eng’ kamuktaet tugul, ko u kamugetab torornatennyi, agoi muitaet tugul ak talasiet eng’ boiboiyet,

2 TIMOTEO 2:1

Kimitu anyun, lakwennyu, eng’ mieindo ne mitei eng’ Kristo Jesu.

2 TIMOTEO 4:17

Ago kitonon Kiptaiyat kobota, ak kogimita; si kobiit keamda eng’ ane ng’alek komie, ak si kogas Bororiosiek tugul: ak kigisorua eng’ kutitab ng’etundo.

JOSHUA 1:9

Tos ma ane ne kiang’atin? Kimitu ak inyiganitu mising’; ameiywei, anan itoptoben: amu mi Jehovah Kamuktaindeng’ung’ koboten eng’ ui tugul ole iwendi.

1 PETERO 3:8

Ne bo let anyun, ko oegu tugul che bo kabwatet agenge, che riregei, che chamdos ko u che tupcho, che ng’arng’arge, che iming’inegei:

1 PETERO 4:11

ngo ng’alali chi, kong’alal ko u arorutikab Jehovah; ngo boisiei chi, kobois eng’ kimnatet ne igochin Jehovah: si kobiit kitoror Jehovah eng’ tuguk tugul eng’ Jesu Kristo, ne nenyi torornatet ak kimnatet koigeny ak koigeny. Amen.

1 PETERO 5:10

Ak ingochobok, ak kolumdok, ak kogimitok Jehovah ne bo mieindo tugul, ne kiguurjok lilindanyi ne bo koigeny eng’ Kristo, ko kaonyalilse eng’ betusiek che matia.

1 JOHANA 2:14

Kaasirwak kwanisiechu, amu ongen inendet ne kimi koboch taunet. Kaasirwak murenju, amu o kimen, ak komenyok ng’olyotab Jehovah, ak kioterter inendet ne ya.

1 SAMUEL 23:16

Ak king’eet Jonatan weritab Saul, ak kwo ole mi Daudi eng’ osnet, ak kogimit inendet eng’ Kamuktaindet.